1Sam 16:1 - ÎVUKU RÎA ÛVORO MWARO

¹ Nake Ngai-Mûnene nîwaûririe Samueli atîrî, “Nîûtûûra ûrîragîra Saûlo nginya rî? Nie nînîmûregete athiî na mbere arî mûthamaki wa Isiraeli. Îcûria mûcuva waku maguta ma mîtamaiyû îrîa îciaraga matunda na ûthiî Bethilehemu kwa mûndû wîtagwa Jesii, nîûndû nie nî nthuurîte ûmwe wa anake ake atuîke mûthamaki.”

1Sam 16:1 ပူးပေါင်းရင်းမြစ်များ

1Atha 8:16

‘Kuuma rîrîa naarutire andû akwa Aisiraeli vûrûrirî wa Misiri, ndianathuura îtûûra wanarî rîmwe mîvîrîgarî yonthe ya Isiraeli varîa nîngîatumîrwe hekarû nîguo ngoocagîrwe vo. Nwatî nînathuurire Daudi nîguo atongorie andû akwa Aisiraeli.’ ”

2Atha 9:1

Mûrathi Elisha nîwacokire agîta ûmwe wa gîkundi Kîam arathi na akîmwîra atîrî, “Îîvarîrie na woce mûcuva ûyû wa maguta na ûthiî Ramothu kûu Gileadi.

2Atha 9:3

Ûcoke woce mûcuva ûyû wa maguta na ûmwîtîrie mo kîongorî gîake, na ûmwîre Ngai-Mûnene arauga atî, nîwagwîtîrîria maguta ûtuîke mûthamaki wa Isiraeli: Ûcoke ume kuo na ûûre na îvenya wata ûrîa ûngîvota.”

2Atha 9:6

Andû acio oîrî nîmaacokire magîtonya nyomba, na mûrathi ûcio agîtîrîria Jehu maguta kîongorî gîake na akîmwîra atîrî, “Ngai-Mûnene Ngai wa Isiraeli arauga atî, ‘Nagwîtîrîria maguta ûtuîke mûthamaki wa andû akwa a Isiraeli.

1Maû 11:3

Kwoguo athuuri onthe a Isiraeli nîmaathiîre kûrî mûthamaki Daudi kûu Heburoni. Nake Daudi nîwathondekire kîrîkanîro nao arî mbere ya Ngai-Mûnene. Nîmaacokire makîmwamûra na makîmûtua mûthamaki wa Isiraeli kûringana na ûrîa Ngai-Mûnene aarîtie kûvîtûkîra Samueli.

1Maû 28:4

Kûnarî ûguo, Ngai-Mûnene, Ngai wa Isiraeli nîwanthuurire kuuma kûrî nyomba ya vava nduîke mûthamaki wa Isiraeli nginya tene na tene. Nîwathuurire mûvîrîga wa Juda umage atongoria na kuuma mûvîrîgarî wa Juda nîwathuurire nyomba yetû, na kuuma mûciî wa vava nîwakenirue nînie na akîndua mûthamaki wa Isiraeli.

Isaia 11:1

Nîgûkaaumîra mûthamaki kuuma njiarwarî cia Jesii, ta ûrîa rûvûa rûkûraga kuuma mûtîrî.

Isaia 11:10

Mûthenya ûcio mûthamaki mûcerû wa rûciaro rwa Jesii akethîrwa arî kîonereria kûrî andû. Mavûrûri nîmakaathiî gwake mûciî îtûûrarî rîake rîrîa rîrî riiri.

Isaia 55:4

Nama, nînamûtuire mûira kûrî andû a ndûrîrî, mûtongoria na mûnene wa andû.

Jeremia 11:14

Kwoguo, we Jeremia, ndûkangaîre kana ûmvoya nîûndû wa andû aya, nîûndû nie ndikaamathikîrîria mavinda marîa makethîrwa marî thînarî.”

Jeremia 15:1

Ngai-Mûnene nîwacokire akîmbîra atîrî, “Wana Musa na Samueli mangîrûngama mbere yakwa, nie ndingîguîra andû aya ntha. Meere mathiî maume mbere yakwa.

Jeremia 6:30

Magetagwa sîlûva îrîa îtarî na vata, nîûndû Ngai-Mûnene nîamaregete.”

Jeremia 7:16

Ngai-Mûnene augîte atîrî, “We Jeremia, ndûkavoere andû aya, kana ûrîre ûkînthaitha nîûndû wa andû aya, nîûndû tîngûthikîrîria.

Zakaria 4:14

Nîwacokire akîmbîra atîrî, “Aya nî andû aîrî arîa athuure na magetîrîrua maguta nîguo matungatagîre Mwathani wa nthî yonthe.”

Aroma 15:12

Wana rîngî mûrathi Isaia augîte atîrî, “Nyombarî ya Jesii nîgûkaauma mûndû, agaaûka kwatha andû a Ndûrîrî, nao nîmakaaiga mwîvoko wao kûrî ke.”

Ahib 11:32

Nie nîmbuga atîa wîngî? Gûtirî na mavinda meganu ma kûgweta ûvoro wa Gideoni, Baraki, Samusoni, Jefitha, Daudi, Samueli na arathi.

1Joh 5:16

Ûngîona mûndû agîka rîvia rîrîa rîtangîtûma mûndû aûragwe mûvoere, na Ngai nîakaava mûndû ûcio mwoyo. Ûndû ûyû wîkîkaga kûrî andû arîa mekîte wîvia ûtangîtûma makue. Nwatî kûrî na wîvia ûtûmaga mûndû akue. Ndirauga atî mûndû nwa avoe nîûndû wa rîvia rîu.

1Sam 10:1

Nake Samueli nîwocire kanyûngû karî na maguta na agîtîrîria Saûlo maguta mau kîongorî gîake, akîmûmumunya, na akiuga atîrî, “Ngai-Mûnene nîagwîtîrîrîtie maguta nîguo ûtuîke mûthamaki wa andû ake a Isiraeli. We nîûgatongoria andû ake na ûmagitîre kuuma kûrî nthû ciao cionthe. Naguo ûndû ûrîa ûgakwonia nama atî Ngai-Mûnene nîakûthuurîte nîguo ûtuîke mûthamaki wa andû ake nî atî:

1Sam 15:11

“Nie nînîrerira nîûndû wa kûthuura Saûlo atuîke mûthamaki. Ke nîandiganîrîtie na nîaregete kwathîkîra maathani makwa.” Nake Samueli nîwarakarire na akîraara akîvoya Ngai-Mûnene ûtukû mûgima.

1Sam 15:23

Kûregana na Ngai-Mûnene kwîganene na wîvia wa ûragûri, naruo rûng'athio nî wîvia wîganene na wîvia wa kûvoya mûvuanano. Nîûndû nîwaregire gwîka ûrîa Ngai-Mûnene aakwîrire wîke, wanake nîaregete ûtuîka mûthamaki.”

1Sam 15:26

Nake Samueli nîwerire Saûlo atîrî, “Nie ndigûcokania nawe, nîûndû nîûregete ûrîa Ngai-Mûnene akwathîte, nake nîakûregete ûrî ta mûthamaki wa Isiraeli.”

1Sam 15:35

Nake Samueli ndoona Saûlo rîngî nginya rîrîa aakwire. Nwatî Samueli nîwarîrîre Saûlo mûno. Na Ngai-Mûnene nîweririre nîûndû wa gûtua Saûlo mûthamaki wa Isiraeli.

1Sam 16:15

Nacio ndungata cia Saûlo nîciamwîrire atîrî, “Tue nîtwîcî atî roho mûcûku atûmîtwe nî Ngai rîu nîarakûnyarira.

1Sam 16:23

Kuuma vîndî îo, rîrîa rîonthe roho mûcûku atûmîtwe nî Ngai aûka kûrî Saûlo, Daudi nîwocaga ngita yake na akamîthaka. Kwoguo roho ûcio mûcûku nîwathengutagîra Saûlo na akegua waro rîngî.

1Sam 17:12

Daudi aarî mwanake wa Jesii. Nake Jesii aarî Mûefiratha wa kuuma Bethilehemu kûu Juda. Jesii aarî na anake anana na rîrîa Saûlo aarî mûthamaki Jesii nîwatûûrîte mîaka mîîngî na agatuîka mûthuuri mûkûrû mûno.

1Sam 9:16

“Rûciû îthaarî wata rîrî, nie nîngaatûma mûndûmûrûme kuuma mûvîrîgarî wa Benjamini aûke kûrî we; we nîûkaamwîtîrîria maguta nîguo atuîke mûthamaki wa andû akwa a Isiraeli, na nîke ûkaavonokia andû akwa kuuma kûrî Afilisiti. Nie nîmonete ûrîa andû akwa marî na ruuo na nîmbîguîte makîmvoya ûtethio.”