1Sam 15:9 - ÎVUKU RÎA ÛVORO MWARO

⁹ Nwatî Saûlo na arûme ake matiaûraga Agagi, ng'ondu irîa mbaro na ndegwa imwe irîa ciarî mbaro mûno, tûcaû na tûgondu tûrîa twarî twaro mûno, na indo cionthe irîa ciarî mbaro. Nîmaacûkangirie indo cionthe irîa ciarî nthûku na itaarî na vata.

1Sam 15:9 ပူးပေါင်းရင်းမြစ်များ

2Sam 6:13

Na rîrîa andû acio maakuîte îthandûkû rîa Kîrîkanîro maakinyûkirie makinyo matandatû, Daudi nîwamarûngamirie na akîrutîra Ngai-Mûnene îgongoona rîa ndegwa na njaû ino noru.

1Atha 20:34

Benihadadi nîwerire Ahabu atîrî, “Nîngaagûcokeria matûûra marîa vava aacunire aguo, na nwa wambîrîrie thoko kûu Damesiki, wata ûrîa vava eekire kûu Samaria.” Nake Ahabu nîwamûcokerie atîrî, “Nîngûrekereria nîûndû wa ûguo wauga.” Kwoguo Ahabu nîwarûthire kîrîkanîro na Benihadadi na akîmûrekereria akîthiî.

Mathaayo 26:9

Maguta mama nîmangîendua mbeca nyîngî ikînavewa athîni!”

Josh 6:18

Mûtigakuue indo irîa ciagîrîrwe gûcûkangua, nîûndû mwaikuua nîmûkûrete thîna kûrîa andû a Isiraeli mambîte magema na mûtûme gûcûkangue.

Josh 7:21

indo imwe cia irîa twacûkangagia nînonire nguo mbaro yarî ya kuuma Babuloni, kilo igîrî cia sîlûva na thaavu yarî na ûrito wa nuthu kilo. Nonire irî mbaro na ngîciîrirîria na ngîcioca. Indo icio nîithithîte îrimarî nenjire îgemarî rîakwa. Mûgaaciona irî vamwe na sîlûva îrî rungu rwa cio.”

1Sam 15:10

Ngai-Mûnene nîwerire Samueli atîrî,

1Sam 15:15

Nake Saûlo nîwacokirie akiuga atîrî, “Andû akwa maaûkire nacio kuuma kûrî Amaleki. Maathuurire ndûrûme na ndegwa irîa mbaro mûno nîguo mairute irî îgongoona kûrî Ngai-Mûnene, Ngai waku, nacio icio ciîngî tûgîicûkangia viû.”

1Sam 15:19

Nîndûî vi kîratûmire ûrega kwathîkîra Ngai-Mûnene? Nîndûî kîratûmire ûteng'ere gûtava indo na we weka ûndû mûcûku mbere ya Ngai-Mûnene?”

1Sam 15:3

Rîu thiî na ûûrage andû onthe a Amaleki na ûcûkangie indo ciao cionthe viû. Ndûgatigarie wanarî kîndû: ûûrage arûme onthe, aka, ciana na tûkenge, ng'ombe, ng'ondu, ngamîîra na mvunda.”

1Sam 28:18

Nîwaregire gwîka ûrîa Ngai-Mûnene aakwathîte na ûkîrega gûcûkangia Amaleki na kîrîa kîonthe maarî nakîo viû. Kîu nîkîo kîratûma Ngai-Mûnene agwîke ûndû ûyû rîu.