1Sam 15:3 - ÎVUKU RÎA ÛVORO MWARO

³ Rîu thiî na ûûrage andû onthe a Amaleki na ûcûkangie indo ciao cionthe viû. Ndûgatigarie wanarî kîndû: ûûrage arûme onthe, aka, ciana na tûkenge, ng'ombe, ng'ondu, ngamîîra na mvunda.”

1Sam 15:3 ပူးပေါင်းရင်းမြစ်များ

Kîam 36:12

Timuna ûrîa warî mûka wa kwigwa wa Elifazi nîwaciarire Amaleki. Icio nîcio ciarî njiarwa cia Ada mûka wa Esaû.

2Sam 1:8

Nake nîwambûririe atîrî, ‘We wî û?’ Nanie nînaamûcokerie atîrî, ‘Nie nîrî Mûmaleki!’

Ntha 17:14

Nake Ngai-Mûnene nîwacokire akîra Musa atîrî, “Andîka ûvoro wîgiî ûvootani ûyû nîguo ûtuîke wa kûririkanagwa. Na wîre Joshua atî nîngûthiria Amaleki viû na ndûme mariganîre gûkû nthî.”

Ntha 20:5

Ndûkenamîrîre mûvuanano wa wonthe kana ûûtungatîre, nîûndû nie Ngai-Mûnene, Ngai waku nî Ngai ûrî wîru. Nîmverithagia ciana cia andû arîa mamenete nginya rûciaro rwao rwa kathatû na rwa kana.

Ndari 24:20

Balaamu nîwacokire akîona Amaleki kîonekirî gîake na akîratha atîrî, “Vûrûri wa Amaleki nîguo warî vinya mûno gûkîra mavûrûri marîa mengî, nwatî mûthiiarî nî ûkaathira viû.”

Ndari 31:17

Kwoguo ûragani twana tuonthe twa tûvîcî na aka onthe arîa maanamenyana kîîmwîrî na mûndûmûrûme.

Josh 10:39

Nîmaarînyitire wa vamwe na mûthamaki warîo, wana matûûra mengî manini marîa maarî vakuvî. Nîmaacokire makîûraga andû onthe a kuo. Îtûûra rîa Debiri rîekirwe nî Joshua na athigari ake wata ûrîa matûûra ma Heburoni, Libuna na athamaki ao meekirwe.

1Sam 14:48

Nake nîwarûire na ûcamba na akîvoota andû a Amaleki, na akîvonokia andû a Isiraeli kuuma kûrî nthû ciake irîa ciatavîte indo ciao.

1Sam 15:18

na nîwakwathire ûthiî ûgacûkangie evia acio a Amaleki, ûrûe nao nginya ûmaûrage onthe.

1Sam 15:9

Nwatî Saûlo na arûme ake matiaûraga Agagi, ng'ondu irîa mbaro na ndegwa imwe irîa ciarî mbaro mûno, tûcaû na tûgondu tûrîa twarî twaro mûno, na indo cionthe irîa ciarî mbaro. Nîmaacûkangirie indo cionthe irîa ciarî nthûku na itaarî na vata.

1Sam 22:19

Saûlo nîwacokire akîathana atî andû onthe arîa matûûraga Nobu îtûûra rîa athînjîri-Ngai maûragwe. Arûme, aka, ciana na tûkenge, ng'ombe, mvunda na ng'ondu; cionthe nîciaûragirwe.

1Sam 27:9

Daudi nîwaûragire arûme na aka onthe vûrûrirî ûcio na agîtavaga ng'ondu, ng'ombe, mvunda, ngamîîra wana nguo. Nake nîwacokaga kûrî Akishi.

1Sam 30:17

Nake Daudi nîwamatharîkîre kîraûko tene mûthenya ûcio wîngî na nîwarûire nao nginya kîvwaî. Gûtirî mûndû wanarî ûmwe wao wavonokirie, tiga anake magana mana arîa maatwîre ngamîîra na makîûra.