1Sam 15:23 - ÎVUKU RÎA ÛVORO MWARO

²³ Kûregana na Ngai-Mûnene kwîganene na wîvia wa ûragûri, naruo rûng'athio nî wîvia wîganene na wîvia wa kûvoya mûvuanano. Nîûndû nîwaregire gwîka ûrîa Ngai-Mûnene aakwîrire wîke, wanake nîaregete ûtuîka mûthamaki.”

1Sam 15:23 ပူးပေါင်းရင်းမြစ်များ

Kîam 31:19

Vîndî îo, Labani aarî akûthiî kwenja ng'ondu ciake. Nake Rakeli nîwaîire ngai cia mîvuanano irîa îthe aaigîte nyomba.

Kîam 31:34

Rakeli nîke wocete ngai cia mûciî cia îthe na agîciga matandîkorî ma ngamîîra na agîciîkarîra. Labani nîwaicaririe îgemarî ndaarî nwatî ndaaciona.

2Sam 12:9

Rîu nîndûî gîtûmîte ûkararie watho wa Ngai-Mûnene? Nîndûî gîtûmîte wîke ûndû ûyû mûcûku ûguo? Watûmire Uria aûragîrwe mbaararî nî Aamoni na ûgîcoka ûgîoca mûndûmûka wake!

2Sam 7:15

Nwatî ndikaamûthengutîria wendo wakwa ûtathiraga ûrîa nîmwendete naguo ta ûrîa naathengutîrie Saûlo nîguo we ûtuîke mûthamaki.

1Maû 10:13

Saûlo aakwire nîûndû ndaarî mwîvokeku kûrî Ngai-Mûnene. Nîwaregire kwathîkîra watho wa Ngai-Mûnene, na nîwathiîcaga kûria ûtaaro kûrî ago,

1Maû 28:9

Mûthamaki Daudi nîwerire Solomoni atîrî, “Mwana wakwa, ûmenye Ngai wa aguo na ûmûtungatagîre na ngoro yonthe na meciria marî na wendi. Ngai-Mûnene nîatuîragia ngoro cionthe na nîamenyaga meciria na mîvango yacio. Ûngîmûcaria, ke nîagûgwîtîkîra. Nwatî ûngîmûrega nîagûgûtiganîria nginya tene na tene.

Ayubu 34:37

Ke nî mwîvia na nî mûremi, nîaretaga kanya gatagatîrî getû, na akaria maûndû ma kûmenereria Ngai atagûtigithîrîria.”

Thaburi 107:11

nîûndû nîmaareganîte na mawatho ma Ngai, na makaira mataaro ma Ûrîa ûrî Îgûrû Mûno.

Ntha 22:18

“Mûtikareke mûndûmûka mûrogi atûûra mwoyo.

Isaia 19:3

Nîngaathiria ûrûme wa andû a Misiri, na njûkangie mîvango yao. Nîmakaaûria ûtaaro kûrî mîvuanano na aringi ciama, na kûrî ago na arogi.

Isaia 8:19

Andû nîmakaamwîra atîrî, “Thiîni mûkaûrie ûvoro kûrî ago na oni maûndû arîa maragia na tûmîgambo tûceke.” Nîmakaamwîra atîrî, “Nwanginya metagie ûtaaro kûrî arîa akuû vandûrî va arîa marî mwoyo?”

Jeremia 16:12

Mue nîmwîkîte naaî wana gûkîra methe menyu. Muonthe mûrûmagîrîra merirîria macûku, na ngoro cienyu nî nyûmû na mûtimbathîkagîra.

Jeremia 28:16

Kwoguo Ngai-Mûnene arauga atî nîagûkûthengutia gûkû nthî. Mwaka ûyû ûtanathira nîûgûkua nîûndû nîwîrîte andû maregane na Ngai-Mûnene.”

Jeremia 29:32

Kwoguo nie Ngai-Mûnene nîrauga atî nîngûverithia Shemaia mûvîcî wa Nehelamu vamwe na rûciaro rwake. Gûtirî mûndû wanarî ûmwe wa arîa metanîtue nake ûgatigara arî mwoyo nîguo one maûndû maro marîa ngeka andû akwa, nîûndû ethîrîtwe akîra andû maregane nanie Ngai-Mûnene. Ûguo nîguo nie Ngai-Mûnene nauga.”

Hosea 13:11

Nîrî na marakara nînamûveere mûthamaki, na nîrî na marûrû nînamacunire mûthamaki.

Hosea 3:4

Ûguo nwa ta guo andû a Isiraeli magatûûra îvinda îraca matarî na athamaki kana atongoria; matakûruta magongoona, itugî cia mathiga cia kûvoera, na matarî na efodi kana terafimu.

Alawi 20:27

“Mûndûmûrûme kana mûndûmûka wa wonthe mûndûmûgo kana mûrogi nîakaaûragwa na mathiga. Ikuû cia andû acio ikaaumana na ciîko ciao o ene.”

Alawi 20:6

“Mûndû angîkaathiî kûria ûtethio kûrî ago na oni maûndû na arege kwîthîrwa arî mwîvokeku kûrî nie, nî ngaamûverithia na nîmwamûranie na andû akwa.

Ndari 14:9

Kwoguo mûtikaregane na Ngai-Mûnene na mûtigetigîre andû arîa marî vûrûrirî ûcio. Nîtûmataguna ta mûgate. Kîrîa kîmagitagîra nîkîthengutie kûrî o. Ngai-Mûnene arî vamwe natue, mûtikametigîre.”

Ciîko 13:22

Na rîrîa Ngai aamûrutire wathanirî, Ngai nîwathuurire Daudi nîguo atuîke mûthamaki wao. Nake Ngai nîwarutire ûira wîgiî Daudi na akiuga atîrî: ‘Nie nîmonete atî Daudi mûrû wa Jesse nîke mûndû ûrîa ngoro yakwa îthuurîte. Ke nîke ûgwîka maûndû monthe marîa nie ngwenda eke.’

2Akor 6:16

Hekarû ya Ngai îrî na ngwatanîro îrîkû na ngai cia mîvuanano? Tue tûrî hekarû ya Ngai ûrîa ûtûûraga mwoyo! Wa ta ûrîa Ngai ke mwene augîte atîrî: “Nie nîngaathondeka mûciî wakwa na andû akwa na ndûûre gatagatîrî kao. Nie nîngaatuîka Ngai wao, nao nîmagaatuîka andû akwa.”

Agal 5:20

kûgooca mîvuanano, kûrogana, kûmenana, kûrûa, wîru, marakara, kwîenda, kwamûkana,

Gûco 9:24

Mûtûûrîte mûreganîte na Ngai-Mûnene kuuma rîrîa naamûmenyire.

Gûco 9:7

“Mûtikariganîrwe nî ûrîa mwatûmire Ngai-Mûnene Ngai wenyu arakare mûrî werûrî. Kuuma mûthenya ûrîa mwaumire Misiri nginya mûthenya ûrîa mwakinyire gûkû, mwîthîrîtwe mûkîregana na Ngai-Mûnene.

Josh 22:15

Nao nîmaathiîre Gileadi kûrî andû a Reubeni, Gadi na nuthu ya mûvîrîga wa Manase a mwena wa îrathîro.

Kûguû 21:8

Nwatî andû arîa iguoya, arîa matarî evokeku, arîa matarî atheru, mîtoi, arîa matharagia, arogi, arîa magoocaga mîvuanano, na arîa mavenanagia, nîmagaaikua îcuarî rîa mwaki ûrîa wakanaga na ûviriti, na nîkîo gîkuû gîa kaîrî.”

Kûguû 22:15

Nwatî nakûu nja ya îtûûra nîkuo kûrî andû arîa mekaga maûndû macûku na arîa maragûraga, arîa mekaga maûndû ma ûtharia na aûragani. Na nwakuo kûrî avoi mîvuanano na arîa maveenanagia na ciîko na mîario yao.

1Sam 13:14

Nwatî rîu ûthamaki waku nîûkaathira Ngai-Mûnene nîakeethuurîra mûndû mûrûme ûrîa ke endaga na amûtue mûthamaki wa andû ake, nîûndû we nîwaregire kûmwathîkîra.”

1Sam 16:1

Nake Ngai-Mûnene nîwaûririe Samueli atîrî, “Nîûtûûra ûrîragîra Saûlo nginya rî? Nie nînîmûregete athiî na mbere arî mûthamaki wa Isiraeli. Îcûria mûcuva waku maguta ma mîtamaiyû îrîa îciaraga matunda na ûthiî Bethilehemu kwa mûndû wîtagwa Jesii, nîûndû nie nî nthuurîte ûmwe wa anake ake atuîke mûthamaki.”

1Sam 2:30

Kwoguo nie Ngai-Mûnene, Ngai wa Isiraeli nînerîrîte andû a mûciî waku wana andû a mûvîrîga waku, atî makandungatagîra marî athînjîri-Ngai vîndî cionthe. Nwatî rîu nîrauga atî ûndû ûcio ndingîtîkîria ûthiî na mbere rîngî. Vandû va ûguo, nie ngatîîaga andû arîa mandîaga, nao arîa manyararaga ngaamatucaga ta andû matarî na vata.

1Sam 28:3

Vîndî îo Samueli aarî mûkuû, na andû onthe a Isiraeli makamûrîrîre na makamûthika îtûûrarî rîake rîa Rama. Nake Saûlo nîwavinyûrîtie ago onthe na oni maûndû makauma Isiraeli.