1Sam 15:17 - ÎVUKU RÎA ÛVORO MWARO

¹⁷ Nake Samueli nîwerire Saûlo atîrî, “Wana ethîrwa wîyonaga takwa ûtarî vata, Ngai-Mûnene nîwagwîtîrîrie maguta ûtuîke mûthamaki wa Isiraeli,

1Sam 15:17 ပူးပေါင်းရင်းမြစ်များ

Hosea 13:1

Rîrîa andû a Efiraimu maririe, andû nîmaatetemire; andû a Efiraimu maarî na ûvoti mûnene mûno kûu Isiraeli, nwatî nîmaambîrîrie kûgooca Baali, na makîîretera gîkuû.

Mathaayo 18:4

Mûndû ûrîa mûnene ûthamakirî wa îgûrû, nî ûrîa wînyivagia na agatuîka ta kaana gaka.

Atir 6:15

Gideoni nîwacokirie atîrî, “Mwathani, nîngîvonokia Aisiraeli atîa? Mbarî yetû nîyo îtarî vinya mûvîrîgarî wa Manase, na kûrî andû onthe nyombarî ya vava nie ndirî îgweta.”

1Sam 10:1

Nake Samueli nîwocire kanyûngû karî na maguta na agîtîrîria Saûlo maguta mau kîongorî gîake, akîmûmumunya, na akiuga atîrî, “Ngai-Mûnene nîagwîtîrîrîtie maguta nîguo ûtuîke mûthamaki wa andû ake a Isiraeli. We nîûgatongoria andû ake na ûmagitîre kuuma kûrî nthû ciao cionthe. Naguo ûndû ûrîa ûgakwonia nama atî Ngai-Mûnene nîakûthuurîte nîguo ûtuîke mûthamaki wa andû ake nî atî:

1Sam 10:22

Kwoguo nîmaaûririe Ngai-Mûnene atîrî, “Nî kûrî na mûndû wîngî ûtarî ava?” Nake Ngai-Mûnene nîwacokirie na akiuga atîrî, “Taroria, Saûlo ethithîte kûrîa mîrigo igagwa.”

1Sam 15:16

Nake Samueli nîwerire Saûlo atîrî, “Takira ngwîre ûrîa Ngai-Mûnene arambîrire vwaî.” Nake Saûlo akîra Samueli atîrî, “Tambîra.”

1Sam 9:21

Nake Saûlo nîwacokirie na akiuga atîrî, “Nie nîrî wa mûvîrîga wa Benjamini. Mûvîrîga wa Benjamini nîguo mûnini viû kûu Isiraeli. Nao andû a mûciî wakwa nîo methagîrwa marî anini mûno gûkîra andû arîa engî kûu mûvîrîgarî ûcio. Nîndûî vi kîratûma ûmbîre ûguo?”