1Sam 15:1 - ÎVUKU RÎA ÛVORO MWARO

¹ Nake Samueli nîwerire Saûlo atîrî, “Nie nînie naatûmirwe nî Ngai-Mûnene ngwîtîrîrie maguta nîguo ûtuîke mûthamaki wa andû ake a Isiraeli. Rîu thikîrîria ndûmîrîri ya Ngai-Mûnene mwene vinya wonthe.

1Sam 15:1 ပူးပေါင်းရင်းမြစ်များ

2Atha 7:1

Nwatî Elisha nîwacokirie atîrî, “Thikîrîria ûrîa Ngai-Mûnene arauga! Rûyû îvinda wata rîîrî, vau kîvingorî gîa Samaria kilo ithatû cia mûtu ûrîa mûvinyu mûno ikendagua shekeli îmwe nacio kilo ithathatû cia cairi ikendagua gacunjî kamwe ga sîlûva.”

1Sam 10:1

Nake Samueli nîwocire kanyûngû karî na maguta na agîtîrîria Saûlo maguta mau kîongorî gîake, akîmûmumunya, na akiuga atîrî, “Ngai-Mûnene nîagwîtîrîrîtie maguta nîguo ûtuîke mûthamaki wa andû ake a Isiraeli. We nîûgatongoria andû ake na ûmagitîre kuuma kûrî nthû ciao cionthe. Naguo ûndû ûrîa ûgakwonia nama atî Ngai-Mûnene nîakûthuurîte nîguo ûtuîke mûthamaki wa andû ake nî atî:

1Sam 12:14

Ethîrwa mue nîmûgûtîîa Ngai-Mûnene, Ngai wenyu, mûmûtungatagîre, mûmûthikagîrîrie, na mwathîkagîre maathani make, na ethîrwa mûthamaki wenyu akaarûmagîrîra Ngai wenyu-rî, maûndû makethîrwa marî maro.

1Sam 13:13

Nake Samueli nîwerire Saûlo atîrî, “Ûcio nî ûrimû wîkire, we ndûnathîkîra rîathani rîrîa Ngai-Mûnene, Ngai waku aakwathire wathîkagîre. Kethîrwa we nîwathîkire, Ngai-Mûnene nîangîatûma we mûrî na andû a mûciî waku mûtuîke athamaki a andû a Isiraeli tene na tene.

1Sam 9:15

Naguo mûthenya ûmwe mbere ya Saûlo aûke, Ngai-Mûnene nîwarîrîtie Samueli na akamwîra atîrî,

1Sam 9:16

“Rûciû îthaarî wata rîrî, nie nîngaatûma mûndûmûrûme kuuma mûvîrîgarî wa Benjamini aûke kûrî we; we nîûkaamwîtîrîria maguta nîguo atuîke mûthamaki wa andû akwa a Isiraeli, na nîke ûkaavonokia andû akwa kuuma kûrî Afilisiti. Nie nîmonete ûrîa andû akwa marî na ruuo na nîmbîguîte makîmvoya ûtethio.”