1Sam 14:52 - ÎVUKU RÎA ÛVORO MWARO

⁵² Ûtûûrorî wake wonthe, Saûlo nîwarûaga na Afilisiti na vinya mûno; na rîrîa rîonthe ke oonaga mûndûmûrûme wîna vinya kana mûmîrîru, ke nîwamwocaga na akamûtonyia gîkundirî gîake Kîam athigari ake a mbaara.

1Sam 14:52 ပူးပေါင်းရင်းမြစ်များ

1Sam 13:5

Nao Afilisiti nîmaacokanîrîre vamwe na makîîvarîria nîguo marûe na Aisiraeli; o maarî na ngari ngiri mîrongo îthatû cia mbaara, arûme ngiri ithathatû arîa mathiîcaga matûîte mbarathi, na athigari eengî meengîvîte ta mûthanga ûrîa wîthagîrwa ûrî rûtererî rwa îria. O nîmaaunûkirie na makîamba magema mao mwena wa îrathîro wa Bethiaveni, kûu Mikimashi.

1Sam 14:47

Vîndî îrîa Saûlo aatuîkire Mûthamaki wa Isiraeli, nîwarûire na nthû ciake cionthe kuuma mîena yonthe: Nîwarûire na Amoabu, andû a Amoni, Aedomu, athamaki a Zoba na Afilisiti. Nao andû onthe arîa ke aathiîcaga kûrûa nao, nîwamavootaga.

1Sam 8:1

Na rîrîa Samueli aakûrire nîwatwire anake ake atucanîri ciira a Isiraeli.

1Sam 8:11

Ke nîwamataarîrie na akîmera atîrî, “Mûthamaki ûcio nîagecukia anake enyu na athiî nao; amwe ao nîakaamatua ndereva cia ikaari ciake cia mbaara, nao engî amatue a kûthiîcaga matûîte mbarathi ciake, nao makathiîcaga mavinyûrîte matongoreretie ikaari ciake cia mbaara.