1Sam 14:13 - ÎVUKU RÎA ÛVORO MWARO

¹³ Nake Jonathani nîwaunûkirie akurumîte na maru anyitîte nthî na njara, arûmîrîrîtwe nî mwanake ûcio wamûkuuagîra indo cia mbaara. Jonathani marî na mwanake ûcio nîmaathiîre wa makîûragaga Afilisiti.

1Sam 14:13 ပူးပေါင်းရင်းမြစ်များ

Thaburi 18:29

We nîûmvecaga vinya wa kûtharîkîra nthû ciakwa, na ûvoti wa kûrûga nthingo cia vinya cia nthû ciakwa.

Aroma 8:31

Nîtuga atîa îgûrû rîa maûndû mama? Ethîrwa Ngai arî mwena wetû, nû ûngîtûtuma ûthû?

Gûco 28:7

“Rîrîa mwatharîkîrwa nî nthû cienyu, Ngai-Mûnene nîakaamûvotithia kûivoota. Mamûtharîkîra kuuma mwena ûmwe, makaaûra nîmue na mîena yonthe.

Gûco 32:30

Nî atîa mûthigari ûmwe nthû angîvoota athigari ngiri îmwe a Isiraeli? Nî atîa athigari aîrî nthû mangîvoota athigari ngiri îkûmi a Isiraeli? Tiga nwa Îthiga rîao amendetie, Ngai-Mûnene amatiganîrîtie?

Ahib 11:34

nîwavoririe mîaki yarî mînene na makîvonoka kûragwa na rûviû. Matiarî na vinya, nwatî nîmagîre na vinya. Nîmaarûire na ûcamba mbaararî na makîvoota athigari a mavûrûri mageni.

Josh 23:10

Mûndû ûmwe gatagatîrî kenyu nwa atûme andû ngiri îmwe maûre nîûndû Ngai-Mûnene, Ngai wetû nîwatwîrire atî nîke ûgatûrûagîrîra.

Atir 9:54

Wa rîmwe Abimeleki nîwacokire agîta mwanake ûrîa wamûkuuagîra indo ciake cia mbaara na akîmwîra atîrî, “Comora rûviû rwaku na ûmbûrage. Ndikwenda andû makauga atî naûragirwe nî mûndûmûka.” Nake mwanake ûcio nîwamûmundire akîmûtûrîkania na agîkua.

1Sam 14:12

Nao arûme a Afilisiti nîmeetire Jonathani marî na mwanake ûcio wamûkuuagîra indo cia mbaara, makîmeera atîrî, “Ta unûkiani mûke gûkû tûrî! Tûrî na kaûndû tûrenda kûmwîra!” Nake Jonathani nîwerire mwanake ûcio atîrî, “Ûka ûnûmîrîre tunûkie, nîûndû Ngai-Mûnene nîatûmîte Afilisiti mavootwe nî Aisiraeli.”

1Sam 14:14

Narîo rîûraganarî rîu rîa mbere, Jonathani marî na mwanake ûcio wamûkuuagîra indo cia mbaara nîmaaûragire arûme ta mîrongo îrî mûgûndarî ta wa nuthu eka.