1Sam 12:22 - ÎVUKU RÎA ÛVORO MWARO

²² Ngai-Mûnene nîamûthuurîte mûgatuîka andû ake na nîamwîrîrîte atî ke ndakaamûtiganîria.

1Sam 12:22 ပူးပေါင်းရင်းမြစ်များ

1Atha 6:13

Nîngaatûûrania na andû akwa Aisiraeli na ndikaamatiganîria.”

1Atha 8:57

Ngai-Mûnene, Ngai wetû aroekara natue, wata ûrîa eekaraga na methe metû ma tene; na ndagatûtige kana ariganîrwa nî tue.

2Atha 14:27

Nwatî Ngai-Mûnene ndaarî na mworoto wa kûthiria viû andû a Isiraeli gûkû nthî. Kwoguo nîwamavonokirie kûvîtûkîrîra kûrî Jeroboamu, mûvîcî wa Joashi.

2Atha 21:14

Nîngaatiganîria andû akwa arîa magaatigara na nîmanenganîre kûrî nthû ciao, na nîikaamavoota na imatue mîgwate kûrî nthû ciao cionthe.

1Maû 28:9

Mûthamaki Daudi nîwerire Solomoni atîrî, “Mwana wakwa, ûmenye Ngai wa aguo na ûmûtungatagîre na ngoro yonthe na meciria marî na wendi. Ngai-Mûnene nîatuîragia ngoro cionthe na nîamenyaga meciria na mîvango yacio. Ûngîmûcaria, ke nîagûgwîtîkîra. Nwatî ûngîmûrega nîagûgûtiganîria nginya tene na tene.

2Maû 15:2

Nîwathiîre gûtûnga mûthamaki Asa na akîmwîra atîrî, “Asa, wana andû onthe a Juda na a Benjamini, tanthikîrîriani. Ngai-Mûnene ethagîrwa arî vamwe namue rîrîa rîonthe mûrî nake. Mûngîmûcaria mûkaamwona, nwatî mûngîmûtiganîria wanake akaamûtiganîria.

Nehemia 9:17

Nîmaaregire kwathîka, makîriganîrwa nî maûndû manene marîa wekire gatagatîrî kao, wana nîmaariganîrwe nî ciama irîa wamaringîrîte. Nîmaaûmirie ciongo ciao, na makîthuurîra mûtongoria wa kûmacokia ûkomborî Misiri. Nwatî we ûrî Ngai wovanagîra, ûrî wega mwîngî, wendo waku ndûthiraga na ndûrakaraga na îvenya. Ntha ciaku nî nyîngî, ndwamatiganîria.

Thaburi 106:8

Kûnarî ûguo nîwamavonokirie wata ûrîa eeranîrîte, nîguo onanie vinya wake mûnene.

Thaburi 94:14

Ngai-Mûnene ndagaatiganîria andû ake; ndagaatiganîria arîa athuurîte magatuîka ake.

Ntha 32:12

Ndûkareke andû a Misiri mauga atî warutire andû a Isiraeli kuuma Misiri nîguo ûke ûmaûragîre gûkû irîmarî na ûmathirie viû. Tiga kûrakara, na ûgarûre meciria maku na ndûkarete mûthiro kûrî andû aku.

Isaia 37:35

Nîngaagitîra îtûûra rîîrî nîguo nîrîvonokie nîûndû wa gîtîîo gîakwa nie mwene na nîûndû wa ndungata yakwa Daudi.’ ”

Isaia 41:17

“Rîrîa athîni na avatari maracaria manjî matakûmona, na rîrîa mîmero yao îrî mîng'arûku nî kûnyonda, nînie Ngai-Mûnene ngaamacokeria, nie Ngai wa Isiraeli ndikaamatiganîria.

Isaia 42:16

“Nîngaatongoreria itumumu njîrarî irîa mataicî. Ngaamatongoreria tûcîrarî tûrîa matamenyete. Nîngaagarûra nduma îrîa îrî mbere yao îtuîke ûtheri, na kûndû kûrîa gûtarî kwaraganu nîkwaraganie. Mama nîmo maûndû marîa ngeeka, na ndikaamatiganîria.

Isaia 43:25

Nie nînie nakwoveere mevia maku nîûndû wa kwenda gwakwa, na ndikaaririkana mevia maku.

Isaia 43:7

Andû onthe arîa metanagua nanie, arîa naûmbire nîûndû wa riiri wakwa, arîa naûmbire na ngîtûma magîe kuo.”

Isaia 48:11

Nîreka ûguo nîûndû wakwa nie mwene, rîîtwa rîakwa rîrarega gûtîîwa nîkî? Ndingîvecana riiri wakwa kûrî mûndû wîngî wanarî ûrîkû.”

Isaia 49:15

Mûndûmûka nwa ariganîrwe nî kaana gake karîa arongithia, na arega kwîgua ntha nî mwana ûrîa aciarîte? Wana ethîrwa mûciari wa mûndûmûka nwa ariganîrwe nî mwana wake, nie ndikaariganîrwa nîwe.

Isaia 63:8

Ngai-Mûnene arauga atîrî, “Nama aya nî andû akwa; matikaamveenia.” Kwoguo nîwamavonokirie

Jeremia 14:21

Nîûndû wa rîîtwa rîaku ndûgatûtiganîrie, ndûkananyararithie gîtî gîaku Kîam ûthamaki, ririkana kîrîkanîro gîaku na andû a Isiraeli.

Jeremia 14:7

Nao andû akwa marauga atî: “Wana ethîrwa mevia metû nîmaratûcuka, we Ngai-Mûnene tûtethie nîûndû wa kwenda gwaku, twanagûtiganîria mavinda meengî, nîtûkûvîtîrîtie.

Jeremia 14:9

Nîndûî gîtûmîte wîkare ta mûndû mwagagu, mûndû ûrî na vinya nwatî ndangîvonokia mûndû? Nwatî we Ngai-Mûnene ûrî gatagatî getû; twîtanîtue na rîîtwa rîaku ndûgatûtiganîrie.”

Maca 5:20

Nîndûî gîtûmîte ûtûûre ûriganîrîtwe nîtue? Nîndûî gîtûmîte ûtûûre ûtûtiganîrîtie?

Ezek 20:14

Nwatî nînekire ûndû wîngî nîguo rîîtwa rîakwa rîtikanyararwe nî ndûrîrî irîa cionire ngîmaruta Misiri.

Ezek 20:9

Nwatî ndieka guo nîguo rîîtwa rîakwa rîtikanyararwe nî ndûrîrî irîa maatûûraga gatagatîrî ga cio. Ndûrîrî icio nîcionire ngîîmenyithania kûrî andû a Isiraeli na njîra ya kûmaruta vûrûri wa Misiri.

Malaki 1:2

Ngai-Mûnene arauga atîrî, “Nie nînîmwendete mûno.” Nwatî andû a Isiraeli maûragia atîrî, “Ûtwendete atîa.” Nake Ngai-Mûnene akauga atîrî, “Na kinthî Esaû ndaarî mûrwang'ina na Jakovu? Nwatî nie nendire Jakovu,

Mathaayo 11:26

Îni Vava! Ûguo nîguo wendete gûtuîkîke.

Johana 15:16

Mue tî mue mwanthuurire, nînie namûthuurire na ngîmûva wîra wa kûthiî kûgîa na maciaro meengî marîa magwîkara kavinda karaca. Kwoguo Vava akaamûvecaga kîndû wa kîonthe kîrîa mûkaamwîtagia na rîîtwa rîakwa.

Aroma 11:1

Kwoguo nîraûria atîrî: Nîkwa Ngai aaregire andû ake? Naarî! Nîûndû nie mwene nîrî Mûisiraeli wa rûciaro rwa Iburahimu na wa mûvîrîga wa Benjamini.

Aroma 11:29

Nîûndû Ngai arathuura mûndû na akîmûrathima, ndagarûrûkaga.

1Akor 4:7

Nû wagûtuire mûnene gûkîra arîa engî? Nîndûî ûrî nakîo ûtaavewa? Na ethîrwa nîkwa waveerwe, wîtîîaga nîkî takwa atarî kûvewa waveerwe?

Aefeso 1:12

Tigani tue arîa twathuurirwe na twarî a mbere kwîrîgîrîra Kristû tûkumie riiri wa Ngai!

Aefeso 1:6

Tigani tûkumie Ngai nîûndû wa riiri wa wega wake, na nîûndû wa kîveo kîrîa atûvete mana na njîra ya Mûriû wake mwende!

Gûco 14:2

Mue mûrî andû atheru a Ngai-Mûnene Ngai wenyu, na amwamûrîte gatagatîrî ka mavûrûri marîa mengî monthe ma nthî nîguo mûtuîke andû ake kîûmbe.

Gûco 31:17

Rîrîa mageeka ûguo, nîngaarakara nîo na nîmatiganîrie, nao macoke macûkangue. Nîmakaagîa na mathîna na mînyamaaro mîîngî na nîmakaamenya atî marona mathîna na mînyamaaro îo nîûndû, Ngai wao ndarî vamwe nao.

Gûco 31:6

Gîani na vinya na mûmîrîrie, mûtigetigîre kana mûrwe nî vinya, nîûndû Ngai-Mûnene Ngai wenyu nîke ûkethagîrwa vamwe namue. Ke ndakaamûtiganîria kana amûrekereria.”

Gûco 31:8

Ngai-Mûnene nîke ûkaamûtongoria na ndakaamûtiganîria. Ndakaamûrekereria na ndakaamûtiganîria; kwoguo mûtigetigîre kana mûrwe nî vinya.”

Gûco 7:6

Mue mûrî rûrîrî rûtheru rwa Ngai-Mûnene, Ngai wenyu. Ngai-Mûnene, Ngai wenyu aamûthuurire gatagatîrî ka andû onthe a nthî mûtuîke andû ake kîûmbe.

Gûco 9:5

Ngai-Mûnene Ngai wenyu nîamwîtîkîria mwoce vûrûri wao tî nîûndû wa ûrîa mûrî athingu kana mwîkaga maûndû maro, nwatî nîamengata nîûndû nî aganu, na nîguo avingie kîrîkanîro kîrîa eerîre methe menyu na Iburahimu, Isaka na Jakovu na mwîvîtwa.

Afil 1:6

Kwoguo nîrî na ma atî Ngai ûrîa wambîrîrie wîra mwaro kûrî mue nî akûûruta nginya akaaûrîkia mûthenya wa gûcoka kwa Jesû Kristû.

Ahib 13:5

Mûtikende mbeca makîria, nwatî mûndû nîeganagwe nî kîrîa arî nakîo. Nîûndû Ngai augîte atîrî, “Nie ndigaagûtiganîria kana ndiganîrwe nîwe.”

Josh 7:9

Andû a Kanaani na andû arîa engî onthe matûûraga gûkû makegua ûvoro ûcio. Nao mawîgua magatûthiûrûrûkîria na maûrage andû onthe etû natue nîtûkûriganîra gûkû nthî. Ngai-Mûnene ûgeka atîa nîguo ûgitîre ûnene wa rîîtwa rîaku?”

1Pet 2:9

Nwatî mue mûrî rûrîrî rûthuure, athînjîri-Ngai a mûciî wa mûthamaki, rûrîrî rûtheru na rwa andû a Ngai. Mwathuurirwe mwanagîrîre ûvoro wîgiî ciîko cia magegania cia Ngai. Ke nîke wamwîtire muume ndumarî na mûkinye ûtherirî wake wa magegania.