1Sam 12:15 - ÎVUKU RÎA ÛVORO MWARO

¹⁵ Nwatî ethîrwa mue tî mûthikîrîria ûrîa Ngai-Mûnene akuuga na mûrege kwathîkîra maathani make, Ngai-Mûnene nîamûverithia wa vamwe na mûthamaki wenyu.

1Sam 12:15 ပူးပေါင်းရင်းမြစ်များ

2Maû 15:2

Nîwathiîre gûtûnga mûthamaki Asa na akîmwîra atîrî, “Asa, wana andû onthe a Juda na a Benjamini, tanthikîrîriani. Ngai-Mûnene ethagîrwa arî vamwe namue rîrîa rîonthe mûrî nake. Mûngîmûcaria mûkaamwona, nwatî mûngîmûtiganîria wanake akaamûtiganîria.

Isaia 1:20

Nwatî mwatuîka nthande na mûregane nanie, nîmûkaaûragwa na rûviû. Nînie Ngai-Mûnene naria.”

Isaia 3:11

Nwatî kaî andû arîa aganu marî na thîna-î, Nîûndû maûndû marîa mekîte andû arîa engî nwamo mageekwa.

Maca 1:18

“Nwatî Ngai-Mûnene arî na kîvooto nîûndû nîndegete kwathîkîra kiugo gîake, nwatî tanthikîrîriani mue andû onthe, taroriani ûrîa nîrathînîka, erîtu na anake akwa nîatave.

Gûco 31:27

Nîmbicî ûrîa mûmîtie ciongo na mûrî aremi. Ûtûrorî wakwa wonthe namue, mwîthîrîtwe mûkîregana na Ngai-Mûnene na nîmbicî wana nakua, nwa mûkûthiî na mbere na kûmia ciongo makîria.

Josh 24:20

ethîrwa nwa mûtiganîrie Ngai-Mûnene na mûcoke gûtungatîra ngai ng'eni. Nîakaamûgarûrûka na amûverithie mûthire wana ethîrwa kûrî mue aarî Ngai mwaro.”

Atir 2:15

Vîndî cionthe mathiî mbaararî, Ngai-Mûnene nîwareganaga nao wata ûrîa aamerîte atî nîakameeka. Nao nîmaathînîkire mûno.

1Sam 12:9

Nwatî andû nîmaariganîrwe nî Ngai-Mûnene, Ngai wao, na kwoguo Ngai-Mûnene nîwarekererie Afilisiti, mûthamaki wa Moabu, Sisera ûrîa watongoragia athigari a îtûûra rîa Hazoru nîguo marûe na methe menyu ma tene na mamavoote.

1Sam 5:9

Nwatî vuva wa kûrîkinyia kuo, Ngai-Mûnene nîwaverithirie andû a îtûûra rîu wanao na agîtûma mamake mûno. Ngai-Mûnene aamaverithirie onthe kwambîrîria mwana nginya mûndû mûgima na njîra ya gûtûma magîe na nyimba mîîrîrî yao.