1Sam 11:7 - ÎVUKU RÎA ÛVORO MWARO

⁷ Ke nîwocire ndegwa ciake, agîitinangia tûcunjî, na agîtûma anjaama makuue tûcunjî tûu matûvire vûrûrirî wonthe wa Isiraeli makiugaga atîrî, “Mûndû wa wonthe ûrîa ûtakûrûmîrîra Saûlo na Samueli makîthiî mbaararî, ûguo nîguo ndegwa ciake igeekwa!” Nao andû nîmeguire guoya nîûndû wa ûrîa Ngai-Mûnene angîka na makîgomana vamwe marî kîndû kîmwe.

1Sam 11:7 ပူးပေါင်းရင်းမြစ်များ

Kîam 35:5

Rîrîa Jakovu na avîcî ake maambîrîrie rûgendo, andû a matûûra marîa maamathiûrûrûkîrîtie nîmaanyitirwe nî guoya nyîngî kuuma kûrî Ngai. Kwoguo nîmaaremirwe nî kûmarûmîrîria.

2Maû 14:14

Nîmaacokire magîcûkangia matûûra monthe marîa maathiûrûrûkîrîtie Gerari nîûndû andû a kuo nîmaagîte na guoya nîûndû wa Ngai-Mûnene. Nîmaatavire indo nyîngî mûno kuuma matûûrarî mau na makîthiî nacio.

2Maû 17:10

Ngai-Mûnene nîwatûmire mavûrûri monthe marîa maathiûrûrûkîrîtie Juda metigîre kûrûa na mûthamaki Jehoshafati.

2Maû 19:7

Vecagani Ngai-Mûnene gîtîîo na mûrûthage maûndû mûvarîrîte, nîûndû Ngai-Mûnene, Ngai wetû ndendaga ûndû ûtarî wa kîvooto, ndarî kîmenyano na ndamûkagîra mavaki.”

Isaia 8:13

Nwatî ririkana, atî Ngai-Mûnene, mwene vinya wonthe, nînie nîngîkûmakia na nîmbagîrîrwe nî gwîtigîrwa.

Atir 19:29

Rîrîa aakinyire mûciî, nîwatonyire nyomba na agîoca kaviû. Nîwacokire agîoca mwîrî wa mûka wa kwigwa, agîûtinangia tûcunjî îkûmi na twîrî na agîtûmana wa gacunjî gakîthiî kûrî mûvîrîga ûmwe wa mîvîrîga îkûmi na îîrî ya Isiraeli.

Atir 20:1

Andû onthe a Isiraeli kuuma Dani mwena wa rûgûrû nginya Berisheba mwena wa îveti, vamwe na a kuuma vûrûrirî wa Gileadi mwena wa îrathîro, nîmaagomanire vamwe mbere ya Ngai-Mûnene marî gîkundi kîmwe kûu Mizipa.