1Sam 10:27 - ÎVUKU RÎA ÛVORO MWARO

²⁷ Nwatî nîkwarî na andû amwe maarî a mana maaûririe atîrî, “Nî ûndû ûrîkû mwaro mûndû ûyû angîtwîkîra?” Nao makîmûnyûrûria na makîrega kûmûva kîveo wanarî kîmwe. Nwatî Saûlo agîkira kivi.

1Sam 10:27 ပူးပေါင်းရင်းမြစ်များ

2Sam 20:1

Kûu Giligali kwarî na mûndû warî kîmaramari wetagwa Sheba. Sheba aarî mûvîcî wa Bikiri wa kuuma mûvîrîga wa Benjamini. Sheba nîwavuvire karumbeta na akiuga atîrî, “Tue tûtikwenda Daudi! Tûtikûmûrûmîrîra! Andû a Isiraeli nîtwînûkeni wa mûndû gwake mûciî!”

2Sam 8:2

Nîwacokire akîvoota Amoabu na akîmeera mamame nthî marîte mîvari. Na wa varî andû athatû acio moovetwe nîwaûragire andû aîrî ao kana andû athatû ao. Kwoguo Amoabu nîmaatuîkire ndungata cia Daudi na makîambîrîria kûmûrutîra gooti.

1Atha 10:25

Andû onthe arîa maathiîcaga kûrî ke nîmaamûviragîra iveo. Iveo icio ciarî indo cia sîlûva, thaavu, nguo, indo cia mbaara, mînyamû mînungi waro, maguta kuuma mûtî wa mare, mbarathi na nyûmbû. Gwekîkaga ûguo wa mwaka wa mwaka.

1Atha 4:21

Solomoni aarî mûnene wa mavûrûri monthe kuuma rûnjîrî rwa Farati nginya vûrûri wa Afilisiti gûcoka kûthiî mûvakarî wa Misiri. Andû a kuo nîmaarîvaga gooti kûrî Solomoni na nîmaamûtungatîre ûtûûrorî wake wonthe.

1Atha 5:1

Hiramu mûthamaki wa Turo nîwatûmire ndungata ciake kûrî Solomoni rîrîa eegwire atî andû nîmaathuurîte Solomoni atuîke mûthamaki vuva wa îthe Daudi. Ekire ûguo nîûndû aatûûrîte endete Solomoni.

2Maû 13:7

Vuvarî nîwagomanirie varî ke andû aganu na mataarî kîene na makîringîrîria Rehoboamu mûvîcî wa Solomoni eke ûrîa meendaga rîrîa Rehoboamu aarî mûndû mwîthî na atangîavotire kûmetirîria.

2Maû 17:5

Kwoguo Ngai-Mûnene nîwatûmire ûthamaki wa Jehoshafati wîvande waro. Nao andû onthe a Juda nîmaamûviragîra iveo, agîtonga na agîtîwa mûno.

Thaburi 38:13

Nwatî nie mbîkariî ta gîtaigua, ndiîgucaga, mbîkariî ta mûndû ûtangîvota kwaria, ndiaragia.

Thaburi 72:10

Athamaki a Tarishishi na a icîgîrîra nîmakaaruta gooti kûrî ke, athamaki a Sheba na a Seba nîmakaamûvirîra iveo.

Mûvunjia 7:21

Ndûkathikagîrîrie maûndû monthe marîa andû maragia, nîûndû wavota kwîgua ndungata yaku îgîkûruma,

Isaia 36:21

Nwatî andû maakirire ki, na matiamûcokeria wanarî ûndû, nîûndû maathîtwe nî mûthamaki atîrî, “Mûtikamûcokerie.”

Mathaayo 2:11

Na rîrîa maatonyire nyomba, nîmoonire mwana ûcio arî na ng'ina Mariamu. Nao nîmaaturirie maru mbere ya mwana ûcio na makîmûgooca. Nîmaacokire makîovora mîvuko yao, makîruta indo cia goro mûno makîva mwana ûcio. Nacio indo icio ciarî: thaavu, maguta maanungaga waro, na ndawa ya goro mûno kuuma kûrî mûtî wîtagwa mare.

Ciîko 7:35

“Musa ûcio nwake waregirwe nî andû a Isiraeli rîrîa maamûûririe atîrî, ‘Nû ûgûtuire mûnene wetû na mûtûtuîri ciira?’ Ke nwake watûmirwe nî Ngai arî mûnene na mûkûri wao na njîra ya mûraika ûrîa wamumîrîre kîvîngarî kîrîa gîaakanaga mwaki.

Gûco 13:13

atî îtûûrarî rîmwe nî kuumîrîte andû matarî kîene na nî maveenereretie andû magooce ngai ciîngî irîa mûtaicî.

1Sam 11:12

Nao andû a Isiraeli nîmaaûririe Samueli atîrî, “Andû arîa maaugire atî Saûlo ndagîrîrwe nî gûtuîka mûthamaki wetû marî kû? Tûretereni o tûmaûrage!”

1Sam 11:13

Nwatî Saûlo nîwamerire atîrî, “Ûmûnthî gûtirî mûndû ûkûûragwa, nîûndû ûmûnthî nîguo mûthenya ûrîa Ngai-Mûnene avonokia andû a Isiraeli.”

1Sam 16:20

Nake Jesii nîwocire koori ka mbûri, mvunda îkuuîte mîgate na mûvuko wa rûûo wîcûrîtue ndivei na akîîra Daudi athiî nacio kûrî Saûlo.

1Sam 2:12

Nake Eli aarî na anake ake. Anake acio maarî aganu na matiavecaga Ngai-Mûnene gîtîîo,

1Sam 25:17

Rîu îîcirie ûvoro ûyû na ûmenye ûrîa wagîrîrwe nî gwîka. Ûndû ûyû wavota kûretere mwathi wetû ûndû mûcûku wa vamwe na andû a mûciî wake. Ke nî mûndû mwaganu na ndangîthikîrîria mûndû!”