1Sam 10:26 - ÎVUKU RÎA ÛVORO MWARO

²⁶ Saûlo wanake nîwacokire gwake mûciî kûu Gibea. Nao arûme amwe maarî na vinya arîa maavutîtue ngoro ciao nî Ngai, nîmaathiîre vamwe nake.

1Sam 10:26 ပူးပေါင်းရင်းမြစ်များ

2Sam 21:6

Kwoguo tûnengere arîû mûgwanja ake nîguo tûmacurie mbere ya Ngai-Mûnene kûu Gibea, îtûûra rîa Saûlo. Saûlo nîke mûthamaki ûrîa wathuurîtwe nî Ngai-Mûnene.” Mûthamaki nîwamacokerie atîrî, “Nîngûmûnengera o.”

Ezira 1:5

Nao atongoria a mbarî cia mîvîrîga ya Juda na Benjamini, athînjîri-Ngai na Alawi na andû onthe arîa Ngai aaveere wendi wa kûmûtumîra hekarû nîmeevarîrie kûthiî Jerusalemu kûmûtumîra hekarû rîngî.

Thaburi 110:3

Mûthenya ûrîa ûkaathiî kûrûa na nthû ciaku, andû aku nîmakevecana na njîra ya kwîyendera. Ta ûrîa îme riumaga kîraûko tene, nîguo anake aku magaaûka kûrî we irîmarî irîa nyamûre.

Isaia 10:29

Nîivîtûkîte îriûko, na ûmûnthî nîmararîrîra Geba! Andû a Rama marainaina nî guoya; nao andû a Gibea, îtûûra rîa Saûlo nîmaûrîte.

Ciîko 13:48

Na vîndî îrîa andû a ndûrîrî meegwire Paûlo akiuga ûguo, nîmaacanjamûkire na magîkumia ndûmîrîri ya Mwathani. Nao andû arîa maathuurîtwe nîguo magîe na mwoyo wa tene tene, nîmaatuîkire etîkia.

Ciîko 7:10

na nîwamûtethûrire mathînarî mau make monthe. Josefu aarî mûve ûûgî mwîngî mûno nî Ngai arî mbere ya mûthamaki. Kwoguo mûthamaki wa Misiri nîwamûtuire mûnene wa vûrûri wa Misiri na akîmûva wîra wa kûrûngamîrîra andû onthe a mûciî wake.

Josh 18:28

Zela, Haelefu, Jebusi (kana Jerusalemu), Gibea na Kiriathu Jearimu wa vamwe na icagi irîa ciarî vakuvî namo. Mau monthe maarî matûûra manene îkûmi na mana. Ûcio nîguo vûrûri ûrîa mbarî cia mûvîrîga wa Benjamini ciagaîrwe ûtuîke wao.

Atir 20:14

Nao andû a Benjamini nîmaagomanire vamwe kûu Gibea maumîte matûûrarî mao na makîthiî kûrûa na Aisiraeli acio engî.

1Sam 11:4

Na rîrîa anjaama acio maakinyire kûu Gibea, kûrîa Saûlo aatûûraga na makîva andû ûvoro ûcio, andû onthe nîkwa maambîrîrie kûrîra nîûndû wa kîeva.

1Sam 13:2

Saûlo nîwathuurire arûme ngiri ithatû (3,000) a kuuma Isiraeli. Ke nîwekarire na arûme ngiri igîrî cia acio kûu Mikimashi na vûrûri ûrîa ûrî irîma wa Betheli. Nîwacokire akîîra mûvîcî ûrîa wetagwa Jonathani mathiî kûu Gibea marî na arûme ngiri îmwe. Gibea yarî vûrûrirî wa mûvîrîga wa Benjamini. Agîcoka akîîra acio engî menûke, wa mûndû gwake mûciî.

1Sam 15:34

Vuva wa ûguo, Samueli nîwathiîre Rama nake mûthamaki Saûlo akîînûka gwake mûciî kûu Gibea.