1Sam 10:20 - ÎVUKU RÎA ÛVORO MWARO

²⁰ Nake Samueli akiugaga mîvîrîga yonthe îthiî vakuvî na Ngai-Mûnene, nake Ngai-Mûnene akîthuura mûvîrîga wa Benjamini.

1Sam 10:20 ပူးပေါင်းရင်းမြစ်များ

2Sam 3:19

Abineri nîwaririe na andû a mûvîrîga wa Benjamini na agîcoka akîthiî Heburoni kwîra Daudi ûrîa andû a Benjamini na Isiraeli maarîkanîrîte meke.

Jona 1:7

Amenyereri a meri nîmeeranire atîrî, “Tigani twikie mîtî nîguo tûmenye tûrona thîna ûyû nîûndû wa mavîtia ma û.” Kwoguo nîmaaikirie mîtî, na mûtî ûkîgwîrîra Jona.

Gûco 33:12

Ûvoro wîgiî mûvîrîga wa Benjamini nîwaugire atîrî, “Ûyû nîguo mûvîrîga ûrîa Ngai-Mûnene endete, ke ekaraga aûgitîrîte, ekaraga aûrigicîrîtie vîndî cionthe, na atûûranagia nao vîndî cionthe.”

1Sam 10:19

Nî nie Ngai wenyu, ûrîa ûmûvonokagia kuuma mathînarî na mîtangîkorî yenyu yonthe, nwatî mue nîmûndiganîrîtie na mûkambîra nîmûnengere mûthamaki. Ûguo nî waro mûno. Kwoguo rûngamani mbere ya Ngai-Mûnene kûringana na ûrîa mîvîrîga yenyu îkariî, na wata ûrîa mbarî cienyu ciîkariî?”

1Sam 10:21

Samueli nîwaugire, atî andû a nyomba cia mûvîrîga wa Benjamini mathiî vakuvî na Ngai-Mûnene, na andû a mûciî wa Matiri makîthuurwa. Mûthiiarî, ke nîwaugire arûme a mûciî wa Matiri mathiî mbere ya Ngai-Mûnene na Ngai-Mûnene akîthuura Saûlo, mûvîcî wa Kishu. Nao nîmaamûcaririe, nwatî matiamwona.

1Sam 14:38

Kwoguo Saûlo nîwerire atongoria onthe a andû atîrî, “Ta ûkani ava twîthugunde nîguo tûmenye nî wîvia ûrîkû wîkîtwe ûmûnthî.

1Sam 14:41

Saûlo nîwavoire kûrî Ngai-Mûnene na akîmwîra atîrî, “Ngai-Mûnene, Ngai wa Isiraeli, nîkwa warega kûnthikîrîria ûmûnthî nîkî? Ethîrwa nînie nîrî na mavîtia kana nî mûûriû wakwa, Jonathani njokeria na njîra Urimu; nwatî ethîrwa mavîtia nî ma andû aku a Isiraeli, njokeria na njîra ya Thumimu.” Nake Jonathani marî na Saûlo nîo moonekire mevîtie. Nao andû acio engî makîvonoka.