1Sam 1:5 - ÎVUKU RÎA ÛVORO MWARO

⁵ Wana ethîrwa Elikana nîwendeete Hana, ke aveecaga Hana gîcunjî kîmwe tu, nîûndû Ngai-Mûnene ndaamûveete ciana.

1Sam 1:5 ပူးပေါင်းရင်းမြစ်များ

Kîam 11:30

Sarai ndaarî na ciana, aarî nthaata.

Kîam 16:1

Sarai mûka wa Aburamu ndaamûciarîrîte ciana. Nwatî Sarai aarî na ndungata yake ya mwîrîtu yetagwa Hagari kuuma Misiri.

Kîam 20:18

Iburahimu eekire ûguo nîûndû Ngai-Mûnene aarî mûvingu nda ya mûka wa Abimeleki na ndungata ciake cia erîtu nîguo matikaagîe ciana.

Kîam 30:1

Rakeli ndethîrîtwe aciarîrîte Jakovu mwana. Kwoguo Rakeli nîweguîrîre mwarwang'ina wîru, na akîra Jakovu atîrî, “Mva ciana kana ngue.”

Kîam 30:2

Jakovu nîwarakarirue nî Rakeli na akîmwîra atîrî, “Ngai nîke ûgirîtie ûgîa ciana; tînie.”

Kîam 43:34

Nîmaaveerwe irio kuuma metharî ya Josefu, na Benjamini akîvewa irio maita matano ma irîa ciaverwe acio engî. Kwoguo nîmaarîre, makînyua na magîkenanîra na Josefu.

Kîam 45:22

Nîwamavere wa mûndû nguo cia gûcenjia, nwatî nîwavere Benjamini sîlûva magana mathatû na nguo cia gûcenjia maita matano.

Gûco 21:15

“Mûndûmûrûme nwa ethîrwe arî na aka aîrî, na ethîrwe endete ûmwe makîria ya ûrîa wîngî. Aka acio wa oîrî nwa mamûciarîre tûvîcî, nwatî kaana ka îrikithathi kethîrwe nî ka mûndûmûka ûrîa amenete.