1Sam 1:3 - ÎVUKU RÎA ÛVORO MWARO

³ Elikana nîwamenyerete kûthiî aumîte îtûûrarî rîao wa mwaka wa mwaka akathiî Shilo kûgooca, wa vamwe na kûrutîra Ngai-Mûnene mwene vinya wonthe kîgongoona. Kûu Shilo nîkuo anake aîrî a Eli, Hofini na Finehasi maarî athînjîri-Ngai a Ngai-Mûnene.

1Sam 1:3 ပူးပေါင်းရင်းမြစ်များ

Thaburi 78:60

Nîwatiganîrie îgema rîake rîrîa rîarî Shilo, kûrîa aatûûraga gatagatîrî ka andû.

Ntha 23:14

“Kûngûagîrani irugo ithatû wa mwaka nîguo mûmvecage gîtîîo.

Ntha 23:17

Arûme onthe nwanginya maûkage kûngooca maita mathatû mwaka wa mwaka nie, Ngai-Mûnene wenyu Ngai wenyu.

Ntha 34:23

“Arûme onthe enyu nwanginya mathiîcage kûgooca Ngai-Mûnene, Ngai wa Isiraeli maita mathatû wa mwaka.

Luka 2:41

Wa mwaka wa mwaka, aciari a Jesû nîmaathiîcaga Jerusalemu kîrugorî Kîam pasaka.

Gûco 16:16

“Arûme onthe vûrûrirî wenyu makaathiîcaga maita mathatû wa mwaka kûgooca Ngai-Mûnene Ngai wenyu varîa akaathuura va kûgoocagîrwa vîndî ya kîrugo Kîam pasaka, Kîam maketha na gîa tûnyomba. Mûndûmûrûme wa wonthe akaaviragîra Ngai-Mûnene kîveo

Josh 18:1

Andû onthe a Isiraeli nîmaagomanire Shilo. Nîmaambire îgema rîa kûgoocagîra Ngai-Mûnene kûu Shilo, nîûndû vûrûri ûcio nîmaaûvotete.

Atir 18:31

Mûvuanano ûrîa Mika aathondekete wekarire kuo mîthenya yonthe îrîa îgema rîrîa Ngai aagoocagîrwa rîekarire Shilo.

Atir 21:19

Kwoguo nîmaaririkanire atî kîrugo Kîam Ngai-Mûnene kîrîa kîthondekagwa wa mwaka wa mwaka kûu Shilo kîrî vakuvî. Shilo îrî mwena wa rûgûrû wa Betheli, na mwena wa îveti wa Lebona. Îrî mwena wa îrathîro wa njîra îrîa yumîte Betheli îthiîte Shekemu.

1Sam 1:21

Nako kavinda nîgaakinyire wa rîngî rîrîa Elikana na andû a mûciî wake maathiîre Shilo. Maathiîre kuo nîguo makarutîre Ngai-Mûnene kîgongoona kîrîa Kîamrutagwa wa mwaka wa mwaka wa vamwe na kûruta kîgongoona Kîam mwanya kîrîa eeranîrîte.

1Sam 1:9

Vîndî îmwe, marîkia kûrîa irio wana kûnyua marî nyombarî ya Ngai-Mûnene kûu Shilo, Hana nîwarûngamire. Vîndî îo Eli mûthînjîri-Ngai eekarîte nthî vakuvî na mûrango wa hekarû ya Ngai-Mûnene.

1Sam 14:3

(Amwe gatagatîrî ka arûme acio maarî, mûthînjîri-Ngai ûrîa wetagwa Ahija na nîke wakuuîte efodi. Ahija aarî mûvîcî wa Ahitubu; Ahitubu aarî mûrwang'ina na Ikabodi. Ikabodi nake aarî mûvîcî wa Finehasi, Finehasi aarî mûvîcî wa Eli, ûrîa warî mûthînjîri-Ngai wa Ngai-Mûnene kûu Shilo.) Nao arûme acio matiamenya atî Jonathani aarî mûthiîu.

1Sam 2:19

Nake ng'ina wa Samueli nîwamûtumagîra gakanjû kanini wa mwaka wa mwaka na akavirîra Samueli gakanjû kau vîndî îrîa makûthiî na mûthuuriwe kûruta kîgongoona kîrîa Kîamrutagwa wa mwaka wa mwaka.

1Sam 2:34

Naguo ûndû ûrîa ûgeekîka kûrî anake aku oîrî, Hofini na Finehasi nîguo ûgaatuîka kîmenyithia kûrî we atî, maûndû monthe marîa mbugîte nîmakaavinga. Naguo nî atî, anake aku wa oîrî magaakua mûthenya ûmwe.

1Sam 3:13

Nie nîmbîrîte Eli atî, nîngaaverithia andû a mûciî wake tene na tene nîûndû wa mîtugo mîcûku ya kûnuma îrîa îthîrîtwe îrî na anake ake. Eli ke mwene nîwaicî atî avîcî ake nîmeekaga maûndû macûku, nwatî ndaamakaania.

1Sam 4:11

Narîo îthandûkû rîa Kîrîkanîro rîa Ngai nîrîatavîrûe; nao anake a Eli oîrî, Hofini na Finehasi makîûragwa.

1Sam 4:4

Kwoguo athuuri acio nîmaatûmire anjaama mathiî Shilo makagîre îthandûkû rîa kîrîkanîro rîa Ngai-Mûnene mwene vinya wonthe, ûrîa wîkaraga gatagatîrî ga Akerubi. Nao anake aîrî a Eli, Hofini na Finehasi wanao nîmaaûkire vamwe na îthandûkû rîa kîrîkanîro.