1Sam 1:28 - ÎVUKU RÎA ÛVORO MWARO

²⁸ Kwoguo nie nînavecana mwana ûyû kûrî Ngai-Mûnene vîndî îrîa yonthe agûtûûra mwoyo akethagîrwa arî wa Ngai-Mûnene.” Nao makîgooca Ngai-Mûnene marî kûu.

1Sam 1:28 ပူးပေါင်းရင်းမြစ်များ

Kîam 24:26

Mûndû ûcio nîwenamîrîre, akîgooca Ngai-Mûnene,

Kîam 24:48

Nînaacokire ngînamia ûthiû ngîgooca na ngîkumia Ngai-Mûnene, Ngai wa Mwathi wakwa Iburahimu, ûcio wandongoririe ngîthiî kwa mûndû ûkonenie na mwathi wakwa. Kûu nîkuo noonire mwîrîtu wa gûtuîka mûka wa mûvîcî wa mwathi wakwa.

Kîam 24:52

Rîrîa ndungata îo ya Iburahimu yegwire ûguo, nîyenamirie ûthiû îkîgooca Ngai-Mûnene.

Nthi 31:2

“Mwana wakwa nîngwîra atîa? Mwana wa nda yakwa nîngwîra atîa? Mwana ûrîa navoire Ngai akîmva nîngwîra atîa?

Ndari 6:8

Mavinda monthe marîa agûtûûra arî Mûnazari akethagîrwa eyamûrîrîte Ngai-Mûnene.

2Tim 3:15

Na ûririkane atî kuuma ûrî mwana nîwecî mandîko marîa matheru marîa mangîtûma ûgîe na ûûgî wa gwîtîkia Jesû Kristû ûkînavonoka.

Atir 7:15

Rîrîa Gideoni eegwire kîroto kîu Kîam mûndû ûcio na ûrîa kîonanagia, nîwenamîrîre na akîgooca Ngai-Mûnene. Nîwacokire akîthiî kûrîa Aisiraeli maambîte magema mao na akîmeera atîrî, “Ûkîrani! Ngai-Mûnene nîamûvotithîtie kûvoota andû a Midiani!”

1Sam 1:11

Nake Hana nîwevîtire na mwîvîtwa na akiuga atîrî: “Ngai-Mûnene mwene vinya wonthe, ndoria nie, ndungata yaku! Roria thîna yakwa na ûndirikane! Ndûkariganîrwe nî nie! Ethîrwa ûkamva kavîcî, nie nînîvîta atî nîngaakûva ko mîthenya yonthe ya ûtûûro wako na atî gûtirî vîndî njuîrî cia kîongo gîake ikeenjwa.”

1Sam 1:22

Nwatî vîndî îno Hana ndaathiî. Ke nîwerire mûthuuri wake atîrî, “Nie ndikunûkia nginya vîndî îrîa mwana agaatiga kwonga. Na rîrîa agaatiga kwonga, nîrîo ngaamûvira nyombarî ya Ngai-Mûnene na kûu nîkuo agaatûûra ûtûûro wake wonthe.”

1Sam 2:11

Vuva wa ûguo Elikana nîwacokire gwake mûciî Rama. Nake Samueli nîwatigirwe kûu Shilo agîtungatagîra Ngai-Mûnene akîonagîrîrua nî mûthînjîri-Ngai Eli.

1Sam 2:20

Nake Elikana wa vamwe na mûndûmûka wake nîwarathimagwa nî Eli na Eli akeera Elikana atîrî, “Ngai-Mûnene arokûva ciana ciîngî ciumanîte na mûndûmûka ûyû irîa ikeethîrwa irî îthenyarî rîa mwana ûyû ke aamûrîîre Ngai-Mûnene.” Na vuva wa ûguo makeenûka kwao mûciî.

1Sam 28:2

Nake Daudi nîwerire Akishi atîrî, “Îî nîguo. Nie nîrî ndungata yaku na nîûkwîyonera we mwene ûrîa nîngîka.” Nake Akishi nîwerire Daudi atîrî, “Nî waro mûno! Nîngûgûtua mûthigari wa kûnangagîra vîndî cionthe.”