1Sam 1:23 - ÎVUKU RÎA ÛVORO MWARO

²³ Nake Elikana, mûthuuri wake nîwamwîrire atîrî, “Îka wata ûrîa ûrona kwagîrîrîte; îkara mûciî nginya vîndî îrîa ûkaamûtigithia kwonga. Nake Ngai-Mûnene arotuma kîîranîro gîake kîvinge.” Nake Hana nîwekarire mûciî akîreraga mwana nginya rîrîa aatigire kwonga.

1Sam 1:23 ပူးပေါင်းရင်းမြစ်များ

2Sam 7:25

“Na rîu, Ngai-Mûnene, Ngai, tûûra ûmvingagîria kîîranîro kîrîa wathondekire kîmbîgiî na njiarwa ciakwa, na wîke wata ûrîa waugire nîûgwîka.

1Atha 3:21

Rîrîa naaramûkire kîraûko kîu kîngî nîguo mongie kaana gakwa, nînoonire karî gakuû. Nwatî rîrîa naakaroririe waro, nînaamenyire atî tî kaana karîa naaciarîte!”

Thaburi 22:9

We Ngai nîwe wandutire îvurî rîa nyanya, na rîrîa naarî gakenge nîwamenyerere.

Isaia 44:26

Nînie mbîkagîra ciugo cia ndungata yakwa vinya, na ngavingia mataaro ma anjaama akwa. Nînie mbîraga Jerusalemu atî andû nîmagaatûûra kuo rîngî, namo matûûra ma Juda nîmagaatumwa rîngî, na nîngaatuma rîngî matûûra ma kuo marîa macûkangu.

Ndari 30:12

Nwatî mûthuuriwe angîgua mwîvîtwa na ciîranîro icio mûka eranîrîte akînaregana nacio, mwîvîtwa ûcio nîûthiraga na Ngai-Mûnene nîakaamûrekera nîûndû mûthuuriwe nîareganîte na mwîvîtwa ûcio.

Mathaayo 24:19

Na kaî vîndî îo aka arîa makeethîrwa marî îvu, na arîa makeethîrwa makîongithia nîmakeethîrwa na thîna mwîngî-î!

Luka 11:27

Rîrîa Jesû aarîkirie kuga ûguo, mûndûmûka ûmwe warî kîrîndîrî nîwaugîrîrie atîrî, “Kûrathimwa nî mûndûmûka ûrîa wagûciarire na agîkûrera!”

1Sam 1:17

Nake Eli nîwacokirie na akiuga atîrî, “Thiî na thayû, nake Ngai wa Isiraeli arokûva kîrîa wamûvoya.”

1Sam 14:36

Nake Saûlo nîwerire arûme ake atîrî, “Tigani tûnyûrûrûke kûrî Afilisiti ûtukû wa ûmûnthî tûkamacune indo ciao, na tûmaûrage onthe nginya rûyû macangîa.” Nao magîcokia na makiuga atîrî, “Îka wa ûrîa we ûkwona kwagîrîrîte.” Nwatî mûthînjîri-Ngai nîwaugire atîrî, “Tigani twambe tûvoe Ngai.”

1Sam 14:40

Ke nîwacokire akîîra andû atîrî, “Mue muonthe thiîni mwena ûûrîa wîngî, natue tûrî na Jonathani nîtwîthîrwa tûrî mwena ûyû.” Nao nîmaacokirie na makiuga atîrî, “Îka wa ûrîa we ûkwona kwagîrîrîte.”