1Sam 1:20 - ÎVUKU RÎA ÛVORO MWARO

²⁰ Kwoguo vîndî îrîa kavinda kagîrîru gaakinyire, Hana nîwagîre nda na agîciara kavîcî. Ke aagatuîrîre rîîtwa Samueli na akiuga atîrî, “Nie naavoire Ngai-Mûnene amve ko.”

1Sam 1:20 ပူးပေါင်းရင်းမြစ်များ

Kîam 16:11

We nîûkaagîa na kaana ga kavîcî, na ûgatuîre rîîtwa Ishumaeli, nîûndû Ngai-Mûnene nîamenyete mathîna maku.

Kîam 30:22

Ngai nîwaririkanire Rakeli, agîcokia mavoya make agîtûma avote kûgîa na ciana.

Kîam 4:25

Adamu nîwamenyanire kîîmwîrî na mûka na akîgîa îvu na agîciara kaana kengî ga kavîcî. Nake Awa nîwaugire atîrî, “Ngai nîmûmveu mwana wîngî wa kavîcî vandûrî va Abili, ûrîa waûragirwe nî Kaini.” Kwoguo nî wagetire Sethi.

Kîam 5:29

na agîgatuîra rîîtwa Nuhu. Nîwacokire akiuga atîrî, “Kumana na nthî îrîa Ngai-Mûnene aarumire, mwana ûyû nîagaatûvurûkia kuumana na wîra wonthe mûrito.”

1Maû 4:10

Nwatî Jabezi nîwavoire Ngai wa Isiraeli akiuga atîrî, “Ngai ndathima na ûnenevie mîvaka ya vûrûri wakwa. Îthagîrwa ûrî vamwe nanie na ûngitagîre kuuma kûrî ûndû wonthe mûcûku ûrîa ûngîtûma mbîthîrwe na ûrûrû.” Ngai Nîwamûvere kîrîa aavoire.

Thaburi 120:1

Rîrîa naarî mathînarî nînakaîre Ngai-Mûnene, nake akîmbîgua.

Ntha 2:10

Rîrîa kaana gaakûrire, mûndûmûka ûcio wakamenyagîrîra nîwakavirire kûrî mwarî wa mûthamaki. Nake mwarî wa mûthamaki nîwagocire agîgatua kaana gake. Nîwagatuîrîre rîîtwa “Musa nîûndû aakarutire manjîrî.”

Ntha 2:22

na mûka wa Musa agîciara kaana ga kavîcî. Musa nîweîrire na ngoro atîrî, “Nie nîrî mûgeni vûrûrirî ûyû, kwoguo kaana gaka nînîgeta Gerishomu.”

Mathaayo 1:21

Mariamu nîagaaciara mwana wa kavîcî, nawe nî ûkaamûtuîra rîîtwa ûmwîte Jesû, nîûndû nîakaavonokia andû ake kuuma meviarî mao.”

Ahib 11:32

Nie nîmbuga atîa wîngî? Gûtirî na mavinda meganu ma kûgweta ûvoro wa Gideoni, Baraki, Samusoni, Jefitha, Daudi, Samueli na arathi.