1Sam 1:18 - ÎVUKU RÎA ÛVORO MWARO

¹⁸ Nake Hana nîwacokirie na akiuga atîrî, “Nie nîngûkûria ûmbîtîkîre nie ndungata yaku ya mûndûmûka.” Kwoguo Hana nîwethiîrîre, akîrîa irio na kîeva gîake gîkîthira.

1Sam 1:18 ပူးပေါင်းရင်းမြစ်များ

Kîam 32:5

Nîrî na ng'ombe, mbûri na mvunda, ng'ondu wana ndungata cia arûme na cia aka. Natûmana kûrî we mwathi wakwa, ngîîrîgagîrîra atî nîngwîtîkîrîka nîwe.”

Kîam 32:6

Anjaama arîa Jakovu aatûmîte nîmaacokire na makîmwîra atîrî, “Nîtûthiîre kûrî mûrwanyûkwe Esaû, na nîagûka gûgûtûnga arî na andû magana mana.”

Kîam 33:15

Esaû nîwacokire akiuga atîrî, “Tiga ngûtigîre arûme amwe aya nîrî nao.” Nwatî Jakovu nîwacokirie atîrî, “Gûtirî na vata wa kûndigîra o, nîûndû kîrîa ngwenda, nwa gwîtîkîrîka nîwe.”

Kîam 33:8

Esaû nîwaûririe Jakovu atîrî, “Ikundi icio nacemania nacio ironania atîa?” Jakovu nîwamûcokerie atîrî, “Irarî cia gûtûma mbîtîkîrîke nîwe.”

Thaburi 34:6

Andû arîa athîni mamwîtaga na nîegucaga; na nîamavonokagia kuuma mathînarî mao monthe.

Mûvunjia 9:7

Thiî ûkarîe irio ciaku ûkenete na ûnyue ndivei yaku ûcanjamûkîte, nîûndû Ngai nîetîkîrîte wîra waku.

Johana 16:24

Nginya rîu gûtirî ûndû mwanavoya na rîîtwa rîakwa. Voyani namue nîmûkûvewa na mûcoke mûgîe na gîkeno gîkî gîcûru.

Aroma 15:13

Nake Ngai, ûrîa arî ke kaumo ka mwîvoko wetû, aromwîcûria gîkeno na thayû nîûndû wa ûrîa mûmwîtîkie nîguo na njîra ya vinya wa Roho Mûtheru, wîtîkio wenyu ûthiî na mbere gûkûra.

Ruthu 2:13

Ruthu nîwacokirie atîrî, “Mwathi wakwa, we nîûmbîkîte maûndû maro mûno. Nîwatûma ngoro yakwa îvorere na wanyûmîrîria nîûndû wa kûmbarîria na ntha wana ethîrwa ndiîganeene wanarî na ûmwe wa ndungata ciaku.”

Ruthu 2:2

Ruthu ûcio warî Mûmoabu nîwerire Naomi atîrî, “Tiga nthiî mûgûndarî ngocanie cairi îrîa akethi maratigaria. Nîrî na ma atî nîngwona mûndû ûngîmbîtîkîria kûruta wîra gwake.” Nake Naomi nîwamûcokerie atîrî, “Îî thiî wîke guo mwarîwa.”