1Sam 1:15 - ÎVUKU RÎA ÛVORO MWARO

¹⁵ Nwatî Hana nîwacokirie na akiuga atîrî, “Naarî mwathi wakwa ndirî mûrîu. Nie nînîrathînîka mûno ngororî yakwa, na mbîthîrîtwe ngîvoyaga Ngai-Mûnene nîûndû wa mathîna marîa nîrî namo.

1Sam 1:15 ပူးပေါင်းရင်းမြစ်များ

Ayubu 30:16

Rîu nie nîrî vakuvî gûkua, vîndî cionthe ndûûraga na mathîna.

Thaburi 143:6

Nyambararîtie njara ciakwa kûrî we, ngoro yakwa îkûnyonderete ta ûrîa nthî nyûmû înyondagîra manjî.

Thaburi 42:4

Ngoro yakwa nîthiragwa nî vinya rîrîa naririkana, ûrîa twathiîcaga na andû eengî, naamatongoragia makathiî gûtonya nyombarî ya Ngai, andû maakenete makinaga nyîmbo cia gûkumia Ngai maugîrîrîtie.

Thaburi 62:8

Îîvokageni Ngai vîndî cionthe, mue andû aya, mûmenyithagieni mathîna menyu monthe, nîûndû nîke vandû vetû va kûûrîra.

Thaburi 62:9

Andû onthe mekariî ta mîvevû tu; andû arîa marî îgweta na arîa matarî îgweta matirî vata. Ûngîmathima ûrito na kîthimi, matirî ûrito; onthe marî vamwe nîavûthû gûkîra mîvevû.

Nthi 14:10

Mûndû nîke ûmenyaga thîna wake ke mwene. Gûtirî mûndû ûngîmenya ûrîa mûndû wîngî akwîgua.

Nthi 15:1

Gûcokia ûndû na ûvoreri nî kûthiragia marakara, nwatî kûgûkia mûndû kûretage marakara.

Nthi 25:15

Gûkirîrîria nwa gûtûme mûthamaki etîkîre ûndû, na mîario ya ûvoreri nwa îtûme thîna ûthire.

Maca 2:19

Ramûka ûkaîre Ngai-Mûnene ûtukû! Rara ûgîkaîra Ngai-Mûnene! Mûvoe nîûndû wa ciana cienyu, irîa irakua nî yûra irî njîrarî.

1Sam 1:16

Tiga kûmona nie ndungata yaku ta mûndûmûka ûtarî na vata.”

1Sam 7:6

Kwoguo nîmaacemanirie kûu Mizipa. O nîmaatavire manjî na makîmetûrûra kîrî ta kîveo kûrî Ngai-Mûnene na makîînyerekia mûthenya ûcio wonthe. Nao nîmaaugire atîrî, “Tue nîtwîvîrîtie Ngai-Mûnene.” (Nake Samueli aacirithagîria andû a Isiraeli kûu Mizipa.)