1Sam 1:11 - ÎVUKU RÎA ÛVORO MWARO

¹¹ Nake Hana nîwevîtire na mwîvîtwa na akiuga atîrî: “Ngai-Mûnene mwene vinya wonthe, ndoria nie, ndungata yaku! Roria thîna yakwa na ûndirikane! Ndûkariganîrwe nî nie! Ethîrwa ûkamva kavîcî, nie nînîvîta atî nîngaakûva ko mîthenya yonthe ya ûtûûro wako na atî gûtirî vîndî njuîrî cia kîongo gîake ikeenjwa.”

1Sam 1:11 ပူးပေါင်းရင်းမြစ်များ

Kîam 28:20

Jakovu nîwacokire akîîvîta kûrî Ngai akiuga atîrî, “Ethîrwa ûkethagîrwa ûrî vamwe nanie, na ûngitagîre rûgendorî rwakwa, na ûmvecage irio na nguo,

Kîam 29:32

Lea nîwagîre îvu na agîciara kavîcî. Nîwaugire atîrî, “Ngai-Mûnene nîwonete mathîna makwa na rîu mûthuuri wakwa nîakûmenda.” Kwoguo Lea nîwatuîrîre kavîcî kau rîîtwa Reubeni.

Kîam 30:22

Ngai nîwaririkanire Rakeli, agîcokia mavoya make agîtûma avote kûgîa na ciana.

Kîam 8:1

Nake Ngai nîwaririkanire Nuhu, nyamû cia kîthakarî, na ndîthia cionthe irîa aarî nacio thabinarî. Nîwatûmire rûkûngi rûvurutane nginya nyûnjî ikîambîrîria kûvwa.

2Sam 16:12

Ngai-Mûnene avota kwona mînyamaaro yakwa, na ambîtîrîrie irathimo nyîngî makîria ya irumi irîa arumanîte ûmûnthî.”

Thaburi 25:18

Ririkana mathîna na mînyamaaro yakwa, na ûnjovere mevia makwa monthe.

Ntha 4:31

Nao atongoria acio nîmeetîkirie. Na vîndî îrîa maamenyire atî Ngai-Mûnene nîamenyete ûrîa maarî na mathîna, nîmaaturumithirie ciongo ciao nthî na makîgooca Ngai-Mûnene.

Nthi 31:2

“Mwana wakwa nîngwîra atîa? Mwana wa nda yakwa nîngwîra atîa? Mwana ûrîa navoire Ngai akîmva nîngwîra atîa?

Mûvunjia 5:4

Rîrîa werîra Ngai ûndû na mwîvîtwa vingagia ûndû ûcio narua, nîûndû Ngai ndakenagua nî irimû. Vingagia ûrîa wîranîrîte.

Alawi 27:2

“Îra andû a Isiraeli, atî rîrîa mûndû eranîrîte atî nîekûrutîra Ngai-Mûnene mûndû arî îtega nîûndû wa kûvingia mwîvîtwa wa mwanya, mûndû ûcio nwa akûûrwe na njîra ya kûrîva mbeca iringanîte na kîthimi kîrîa gîtîkanîrie.

Ndari 21:2

Nao andû a Isiraeli nîmeerîre Ngai-Mûnene na mwîvîtwa atîrî, “Ûngîtûvotithia tûvoote andû aya, nîtûcûkangia matûûra mao monthe.”

Ndari 6:11

Mûthînjîri-Ngai nîagaatega ndutuura îmwe îrî îtega rîa kûtheria mevia, na îo îngî îrî îtega rîa kûvîvua. Mau makeethîrwa marî mambura ma kwîtheria nîûndû wa kûvutania na kimba. Mûthenya ûcio nwaguo njuîrî ciake ikaamûrwa rîngî,

Ndari 6:5

Mûndû ûcio wîvîtîte agatuîka Mûnazari ndakeenjwa kana atinue njuîrî ûtûûrorî wake wonthe ûrîa eyamûrîrîte Ngai-Mûnene. Agekaraga arî mûtheru na nîakaarekereria njuîrî ciake iracave.

Ndari 6:8

Mavinda monthe marîa agûtûûra arî Mûnazari akethagîrwa eyamûrîrîte Ngai-Mûnene.

Atir 11:30

Jefitha nîwerîre Ngai-Mûnene atîrî, “Ethîrwa nîûkûmvotithia kûvoota Aamoni,

Atir 13:5

na rîrîa ûgaaciara, kavîcî kau gatikenjwa njuîrî nîûndû gakethîrwa kamûrîrîtwe Ngai kuuma gûciarwa gwako na gakethîrwa karî Mûnazari. Nîke ûkambîrîria kûvonokia Aisiraeli kuuma kûrî Afilisiti.”

1Sam 1:10

Hana nîwegucaga ûrûrû mwîngî mûno ngororî yake, na nîwarîrire mûno na akîvoya kûrî Ngai-Mûnene.

1Sam 1:12

Hana nîwathiîre na mbere kûvoya Ngai-Mûnene îvinda îraca, nake Eli nîwaroretie mîromo ya Hana.

1Sam 1:19

Elikana na andû a mûciî wake nîmaaramûkire kîraûko tene mûthenya ûcio wîngî. Na vuva wa kûgooca Ngai-Mûnene, nîmaacokire kwao mûciî Rama. Nake Elikana nîwamenyanire kîîmwîrî na mûka Hana, na Ngai-Mûnene akîgua mavoya ma Hana.

1Sam 1:22

Nwatî vîndî îno Hana ndaathiî. Ke nîwerire mûthuuri wake atîrî, “Nie ndikunûkia nginya vîndî îrîa mwana agaatiga kwonga. Na rîrîa agaatiga kwonga, nîrîo ngaamûvira nyombarî ya Ngai-Mûnene na kûu nîkuo agaatûûra ûtûûro wake wonthe.”

1Sam 1:27

Nie naavoyaga mvewe mwana ûyû; nake Ngai-Mûnene nîamvete kîrîa nie naamûvoire.

1Sam 1:28

Kwoguo nie nînavecana mwana ûyû kûrî Ngai-Mûnene vîndî îrîa yonthe agûtûûra mwoyo akethagîrwa arî wa Ngai-Mûnene.” Nao makîgooca Ngai-Mûnene marî kûu.

1Sam 2:20

Nake Elikana wa vamwe na mûndûmûka wake nîwarathimagwa nî Eli na Eli akeera Elikana atîrî, “Ngai-Mûnene arokûva ciana ciîngî ciumanîte na mûndûmûka ûyû irîa ikeethîrwa irî îthenyarî rîa mwana ûyû ke aamûrîîre Ngai-Mûnene.” Na vuva wa ûguo makeenûka kwao mûciî.