1Sam 1:1 - ÎVUKU RÎA ÛVORO MWARO

¹ Kwarî mûthuuri wetagwa Elikana ûrîa warî wa mûvîrîga wa Efiraimu. Elikana aarî mûvîcî wa Jerohamu, Jerohamu aarî mûvîcî wa Elihu, Elihu aarî mûvîcî wa Tohu, Tohu aarî mûvîcî wa Zufu, Zufu aarî wa mûvîrîga wa Efiraimu. Elikana aatûûraga îtûûrarî rîa Rama vûrûri ûrîa wîthagîrwa ûrî irîma nyîngî wa Efiraimu.

1Sam 1:1 ပူးပေါင်းရင်းမြစ်များ

1Atha 11:26

Jeroboamu mûvîcî wa Nebati, Mûefiraimu wa îtûûra rîa Zereda ûrîa warî ndungata ya Solomoni, na ng'ina aarî mûndûmûka wa ndigwa wetagwa Zeruia, wanake nîwareganire na Solomoni.

1Maû 6:12

Ahitubu aarî îthe wa Zadoku, Zadoku aarî îthe wa Shalumu,

1Maû 6:22

Njiarwa cia Kohathu nî ino. Kohathu aarî îthe wa Aminadabu, Aminadabu aarî îthe wa Kora, Kora aarî îthe wa Asiri,

1Maû 6:33

Aya marûmîrîrîte nî andû arîa maatungataga vamwe na njiarwa ciao. Mbarî ya Kohathu kwarî na Herimani na aarî mûtongoria. Herimani aarî mûvîcî wa Joeli, Joeli aarî mûvîcî wa Samueli.

1Maû 6:34

Samueli aarî mûvîcî wa Elikana, Elikana aarî mûvîcî wa Jerohamu, Jerohamu aarî mûvîcî wa Elieli, Elieli aarî mûvîcî wa Toa.

Mathaayo 27:57

Kîvwaî gîakinya, mûndû warî mûtongu waumîte Arimathea nîwakinyire. Ke eetagwa Josefu na aarî mûrutwa wa Jesû.

Josh 24:33

Eleazaru mûvîcî wa Aroni nîwakwire na akîthikwa Gibea îtûûrarî rîrîa rîrî vûrûrirî ûrîa ûrî irîma wa Efiraimu. Vûrûri ûcio nîguo wagaîrwe Finehasi mûvîcî wa Eleazaru.

Atir 12:5

Andû a Gileadi nîmeenyitîre mariûko monthe ma rûnjî rwa Jorodani kûrîa andû a Efiraimu mangîaringîre rûnjî. Nake mûndû wa wonthe wa Efiraimu angîaugaga etîkîrue aringe, andû a Gileadi nîmaamûragia atîrî, “We ûrî Mûefiraimu?” Nake angîaugire, “Naarî,”

Atir 17:1

Vîndî îmwe kwarî na mûndû watûûraga vûrûrirî ûrîa ûrî irîma wa Efiraimu. Mûndû ûcio eetagwa Mika.

Atir 19:1

Vîndî îo mbere ya kûgîa na mûthamaki kûu Isiraeli, kwarî na Mûlawi ûmwe watûûraga kûndû kûraca vûrûri ûrîa ûrî irîma wa Efiraimu. Mûlawi ûcio nîwocire mûndûmûka kuuma Bethilehemu ya Juda nîguo atuîke mûka wa kwiga.

Atir 4:5

Aamenyerete gwîkara nthî rungu rwa mûtî wa mûkîndû ûrîa warî gatagatî ka Rama na Betheli vûrûrirî ûrîa ûrî irîma wa Efiraimu. Nao andû a Isiraeli nîmaathiîcaga gûtuithanua ciira nîke.

Ruthu 1:2

Mûndû ûcio etagwa Elimeleku na mûka etagwa Naomi. Nao avîcî ake aîrî metagwa Mahaloni na Kilioni na maarî a mûvîrîga wa Efiratha kuuma îtûûra rîa Bethilehemu vûrûrirî wa Juda. Nîmaathiîre vûrûrirî wa Moabu na magîtûûra kûu.

Ruthu 4:22

nake Obedi aarî îthe wa Jesse, nake Jesii nîke warî îthe wa Daudi.

1Sam 1:19

Elikana na andû a mûciî wake nîmaaramûkire kîraûko tene mûthenya ûcio wîngî. Na vuva wa kûgooca Ngai-Mûnene, nîmaacokire kwao mûciî Rama. Nake Elikana nîwamenyanire kîîmwîrî na mûka Hana, na Ngai-Mûnene akîgua mavoya ma Hana.

1Sam 17:12

Daudi aarî mwanake wa Jesii. Nake Jesii aarî Mûefiratha wa kuuma Bethilehemu kûu Juda. Jesii aarî na anake anana na rîrîa Saûlo aarî mûthamaki Jesii nîwatûûrîte mîaka mîîngî na agatuîka mûthuuri mûkûrû mûno.

1Sam 2:11

Vuva wa ûguo Elikana nîwacokire gwake mûciî Rama. Nake Samueli nîwatigirwe kûu Shilo agîtungatagîra Ngai-Mûnene akîonagîrîrua nî mûthînjîri-Ngai Eli.

1Sam 7:17

Nake nîwacokaga akenûka mûciî gwake kûu Rama. Na arî kûu Rama, nîwatucagîra andû a Aisiraeli ciira arî na waragania na agîtumîra Ngai-Mûnene metha ya kûrutîra kîgongoona kuo.

1Sam 9:4

Nao nîmaavîtûkanîrie vûrûrirî ûrîa ûrî irîma wa Efiraimu wana gîcunjîrî gîa Shalisha na matiaciona; Kwoguo nîmaathire na mbere na makîvîtûkanîria gîcunjîrî gîa Shalimu wa magîcaragia mvunda, nwatî itiarî kuo. Magîcoka makîvîtûkanîria vûrûrirî wa Benjamini, nwatî matiaciona.

1Sam 9:5

Nao rîrîa maakinyire vûrûrirî wa Zufu, Saûlo nîwerire ndungata yake îrîa maarî nayo atîrî, “Ûka, tiga tûcoke mûciî nîûndû vava avota gûtiga kûmaka nîûndû wa mvunda, na ambîrîrie gûtangîka nîûndû wetû.”