1Pet 5:3 - ÎVUKU RÎA ÛVORO MWARO

³ Tigagani kûvinyîrîria arîa mûvetwe mûmamenyagîrîre, nwatî îthagîrwani mûrî kîonereria Kîamro kûrî o.

1Pet 5:3 ပူးပေါင်းရင်းမြစ်များ

Thaburi 33:12

Kûrathimwa nî vûrûri ûrîa Ngai wa guo arî Ngai-Mûnene wao, kûrathimwa nî andû arîa athuurîte nîguo matuîke ake kîûmbe!

Thaburi 74:2

Ririkana andû arîa wathuurire magîtuîka aku kuuma tene, arîa wakûûrire kuuma ûkomborî matuîke mûvîrîga waku kîûmbe. Ririkana Kîrîma gîa Zayuni, kûrîa watûûraga.

Ezek 34:4

Mûtimenyagîrîra irîa itarî na vinya kana mûvonia irîa ndwaru. Mûtiovaga irîa ikûthua kana mûcokanîrîrie vamwe irîa inyaganîtie kana mûcaria irîa ciûrîte. Mûvûthagîra vinya gûciatha.

Mika 7:14

We Ngai-Mûnene, rîthia andû aku na mûragi waku, ûrîthie arîa we wîthuurîrîte arîa matûûraga marî onga mûtitûrî, mathiûrûrûkîrîtue nî vûrûri mûnoru. Tiga mathiî Bashani na Gileadi makarîe, wata ûrîa mekaga tene.

Ndari 18:7

Nwatî we na avîcî aku muenga mûkaarutaga na kinyi mawîra monthe marîa mûthînjîri-Ngai agîrîrwe nî kûruta metharî ya kîgongoona na varîa vatheru Mûno. Mau nîmo mawîra marîa mûkaarutaga, nîûndû nînîmûvete kîveo Kîam gûtuîka athînjîri-Ngai. Mûndû wîngî wa wonthe ûrîa ûgaakuvîvîria varîa vatheru Mûno nî akaaûragagwa.”

Johana 13:15

Nie namûva kîonereria nîguo mwîkage wata ûrîa namwîka.

Ciîko 20:28

Kwoguo îîmenyagîrîreni na mûmenyagîrîreni ndîthia îrîa Roho Mûtheru amûtuîte amenyereri a yo. Îthagîrwani mûrî arîthi a kanitha wa Ngai, ûrîa ke aatwire wake na njîra ya gîkuû Kîam Mûriû wake.

1Akor 11:11

Ûtûûrorî wetû tûrî na Mwathani, mûndûmûka ndangîthîrwa atanyitanîte na mûndûmûrûme, wana kana mûndûmûrûme ethîrwe atanyitanîte na mûndûmûka.

1Akor 3:5

Apolo nîkwa arî û? Nake Paûlo nû? Tue tûrî ndungata cia Ngai irîa ke aatûmîre nîguo mwîtîkie. Na wa mûndû wa ûmwe wa cietû arutaga wîra ûrîa Mwathani aamûveere arute:

1Akor 3:9

Tue tûrî aruti a wîra wa Ngai tûkîrutithania vamwe, namue nîmue mûgûnda wa Ngai na nwa mue nyomba ya Ngai.

2Akor 1:24

Tue tûtiramûringîrîria maûndû marîa mwagîrîrwe nî gwîtîkia; Nîtwîcî atî mûrî ekindîru wîtîkiorî wenyu, nwatî tûrutithanagia wîra namue nîguo mûkenage.

2Akor 4:5

Nîûndû tûtivunjagia ûvoro wetû tue ene, tûvunjagia Jesû Kristû nî Mwathani. Natue tûrî ndungata cienyu nîûndû wa Jesû.

Gûco 32:9

Nîwathuurire njiarwa cia Jakovu matuîke andû ake, na akîmamûra matuîke andû ake.

Afil 3:17

Ariû na aarî a îthe wetû, îîgerekanagieni nanie. Rûmagîrîrani mîthiîre ya andû arîa marûmagîrîra maûndû marîa twamûonererie.

Afil 4:9

Îkagani maûndû marîa mwathomire na mûkîamûkîra kuuma kûrî ciugo ciakwa wa vamwe na ciîko ciakwa. Nake Ngai ûrîa ûtûvecaga thayû akethagîrwa vamwe na mue.

1Ath 1:7

Kwoguo nîmwatuîkire kîonereria kûrî etîkia onthe arîa maarî Makedonia na Akaia.

2Ath 3:9

Twarî na ûvoti wa kûmûria mûtûtethie. Nwatî tûtiamûria mûtûtethie nîûndû twarutaga wîra nîguo tûtuîke kîonereria Kîam ûrîa mwagîrîrwe nî gwîka.

1Tim 4:12

Ndûkanetîkîre mûndû wana ûrîkû akuire nîûndû ûrî mûndû mwîthî. Nwatî mwarîrie waku, mîtugo, wendani, wîtîkio na ûthingu nî ituîke kîonereria kûrî etîkia.

Tito 2:7

Maûndûrî monthe, nwa nginya we wîthagîrwe ûrî kîonereria Kîam mîtugo mîaro. Vîndî îrîa ûrathomithia, onanagia ûgima na wîthagîrwe ûrî na gîtîîo.

1Pet 2:9

Nwatî mue mûrî rûrîrî rûthuure, athînjîri-Ngai a mûciî wa mûthamaki, rûrîrî rûtheru na rwa andû a Ngai. Mwathuurirwe mwanagîrîre ûvoro wîgiî ciîko cia magegania cia Ngai. Ke nîke wamwîtire muume ndumarî na mûkinye ûtherirî wake wa magegania.