1Pet 5:2 - ÎVUKU RÎA ÛVORO MWARO

² mûrîthagie ndîthia îrîa Ngai aamûvere. Rûmenyagîrîreni mûrî na wendi na tî ûndû wa kûringîrîrua. Ûguo nîguo Ngai endaga mwîke. Rutagani wîra wenyu mûrî na wendi ûrîa wa ma wa gûtungata na tî ûndû wa kwenda mbeca.

1Pet 5:2 ပူးပေါင်းရင်းမြစ်များ

2Atha 12:6

Nwatî mwakarî wa mîrongo îîrî na îthatû (23) Joashi arî mûthamaki, athînjîri-Ngai matiatûmîte andû macoke hekarûrî.

Rwîmbo rwa Nyîmbo 1:8

We ûrîa mûthaka gûkîra aka onthe, nîkwa ûtaicî nî kû? Rûmîrîria mûkinyo wa ng'ondu, ûkarîthie mbûri ciaku vakuvî na magema ma arîthi.

Isaia 40:11

Akaarîthia ndîthia yake ta mûrîthi, agaacokanîrîria tûgondu na njara ciake, na atûkuue atuigîrîrîte kîthûrirî gîake, na atongorerie ng'ondu irîa irongithia wa kavora.

Isaia 56:11

Mekariî ta ngui ngoroku, irîa itavaaga. Arîthi acio matirî ûmenyo; onthe nîagarûrûku na wa mûndû akethiîra njîra yake ke mwene, wa mûndû acaragia ûrîa akwîguna ke mwene.

Isaia 6:8

Nînacokire ngîgua Mwathani akîûria atîrî, “Nîûrîkû ngûtûma? Nîûrîkû ûgûtuîka mûnjaama wetû?” Nanie nînacokirie atîrî, “Nîrî ava! Ndûma!”

Isaia 63:11

Nwatî nîmaacokire makîririkana mavinda ma tene, mavinda ma Musa, ndungata ya Ngai-Mûnene na makîûria atîrî, “Nîkwa ûrîa wavonokirie atongoria a andû ake kuuma îriarî arî kû? Ûrîa warekirie roho wake mûtheru gatagatîrî kao arî kû?

Jeremia 13:17

Nwatî ethîrwa tîmûnthikîrîria, nîngûrîra nîîthithîte nîûndû wa mwîtîîo wenyu; nîndîra na ûrûrû mwîngî ngîtûrûraga methori nîûndû andû a Ngai-Mûnene nîatave.

Jeremia 13:20

Jerusalemu taroria wone andû arîa maumîte mwena wa rûgûrû, irîkû ndîthia îrîa waveerwe ûrîthagie, ndîthia îrîa wetîaga nayo îrî kû?

Jeremia 6:13

Kuuma ûrîa mûnini nginya ûrîa mûnene gatagatîrî kao, macaragia mbeca na njîra îrîa îtagîrîrîte, na kuuma kûrî arathi nginya kûrî athînjîri-Ngai, onthe nîmaveenanagia.

Jeremia 8:10

Kwoguo nîngaavecana aka ao kûrî andû engî, mvecane mîgûnda yao kûrî andû engî. Nîûndû kuuma ûrîa mûnini nginya ûrîa mûnene, onthe macaragia indo na njîra îrîa îtarî ya ma. Kuuma kûrî arathi kûthiî kûrî athînjîri-Ngai, onthe mekaga maûndû ma maveeni.

Ezek 34:23

Nîngaaithuurîra mûrîthi ûmwe, na nîke Daudi ndungata yakwa na nîagaatuîka mûrîthi wacio. Nîakaairîthia waro na aimenyagîrîre.

Ezek 34:31

“Mue nîmue ng'ondu ciakwa, ng'ondu cia ndîthia yakwa, nanie nînie Ngai wenyu. Ûguo nîguo nie Ngai-Mûnene Ngai mbugîte.”

Ezek 46:24

Mûndû ûcio nîwacokire akîmbîra atîrî, “Mama nîmo mariko kûrîa andû arîa matungataga hekarûrî makarugagîra magongoona marîa andû makaarutaga.”

Mika 3:11

Atucanîri ciira marutaga wîra wao nîguo mavewe îvaki, athînjîri-Ngai mathomithagia watho nîguo marîvwe, nao arathi mataûraga cioneki nîguo mavewe mbeca. Kûnarî ûguo nîmetîîaga megiritanîtie na Ngai-Mûnene makiugaga atîrî, “Ngai-Mûnene arî vamwe natue, na gûtirî ûndû mûcûku ûngîtûnyita!”

Mika 5:4

Mûtongoria ûcio nîakaarîthia andû ake na vinya kuuma kûrî Ngai-Mûnene, na ûvoti wa Ngai ke mwene. Andû ake nîmagaatûûra matarî na guoya, nîûndû akethîrwa arî mûnene nginya mîthiia yonthe ya nthî,

Mika 7:14

We Ngai-Mûnene, rîthia andû aku na mûragi waku, ûrîthie arîa we wîthuurîrîte arîa matûûraga marî onga mûtitûrî, mathiûrûrûkîrîtue nî vûrûri mûnoru. Tiga mathiî Bashani na Gileadi makarîe, wata ûrîa mekaga tene.

Zakaria 11:17

Mûrîthi ûcio wakwa ûtarî mwaro arî na thîna, ûcio ûtiganagîria ndîthia ya ng'ondu! Arotinua njara yake na arokûrwa ritho rîake rîa mwena wa ûrîo. Tiga njara yake îtuîke kîonje vuru na ritho rîake rîa mwena wa ûrîo rîûre ûrû!”

Malaki 1:10

Ngai-Mûnene mwene vinya wonthe arauga atîrî, “Narî kethîrwa nwa kwoneke mûndû gatagatîrî kenyu ûngîvinga mîrango ya hekarû, nîguo mûtigakie mwaki wa mana metharî yakwa ya kîgongoona! Nie ndikenagua nîmue na ndikaamûkîra matega menyu;

Ndari 18:7

Nwatî we na avîcî aku muenga mûkaarutaga na kinyi mawîra monthe marîa mûthînjîri-Ngai agîrîrwe nî kûruta metharî ya kîgongoona na varîa vatheru Mûno. Mau nîmo mawîra marîa mûkaarutaga, nîûndû nînîmûvete kîveo Kîam gûtuîka athînjîri-Ngai. Mûndû wîngî wa wonthe ûrîa ûgaakuvîvîria varîa vatheru Mûno nî akaaûragagwa.”

Luka 12:32

“Tigani gwîtigîra mue ndîthia îno nini nîûndû Ngai îthe wenyu nîwonete kûrî kwagîrîru amûve ûthamaki.

Ciîko 20:29

Nie nîmbîcî atî narîkia kûthiî, andû amwe mekariî ta ciathi mbaganu nîmagaaûka na matigaacaîra ndîthia.

Ciîko 21:13

Nwatî nîwatûcokerie atîrî, “Mue mûreka atîa? Mûrarîra methori na mûkambûraga ngoro nîkî? Nie nînîvarîrîtie kwovwa njeera wana gûkua nîrî kûu Jerusalemu nîûndû wa rîîtwa rîa Mwathani Jesû.”

Aroma 1:15

Kwoguo nînîriragîria mûno kûvunjia Ûvoro Mwaro wana kûrî mue arîa mûtûûraga Roma.

1Akor 9:7

Nî mûthigari ûrîkû ûrîvaga matûmîri make ke mwene vîndî îrîa arî mbaararî? Nî mûrîmi ûrîkû ûtarîcaga matunda marîa maumaga mûgûndarî wake wa mîthavibu? Nî mûrîthi ûrîkû ûtanyunyaga îriia kuuma ndîthiarî yake?

1Tim 3:3

Ndagîrîrwe nî kwîthîrwa arî mûrîu kana mûndû wa înegene, nwatî agîrîrwe nîkwîthîrwa arî mûndû mûkirîrîria na mwendi thayû na ûtarî mûkorokeri mbeca.

1Tim 3:8

Atungati a kanitha wa nao, nwa nginya methagîrwe marî na mîtugo mîaro na marî evokeku. Matiagîrîrwe nî kûnyua ndivei nyîngî kana gûkorokera mbeca.

Tito 1:11

Andû acio nîmagîrîrwe nî kûgirua marie nîûndû nî macûkîtie mîciî mîîngî na njîra ya kûthomithania maûndû marîa mataagîrîrîte. Mekaga ûguo nîûndû wa gûcaria mbeca na njîra îrîa îtagîrîrîte.

Tito 1:7

Mûtongoria wa kanitha arutaga wîra wa Ngai, kwoguo ndagîrîrwe nî kwîthîrwa arî na ûcuke. Ndagîrîrwe nî kwîthîrwa arî mwîtîi, mûrakari narua, mûrîu wa njovi, mwendi mbaara kana mûkorokeru mbeca.

Tito 2:14

Ke nîwevecanire nîûndû wetû nîguo atûkûûre kuuma kûrî waganu wa mîthemba yonthe na atûtue andû atheru ake ke mwene, na andû meriragîria gwîka maûndû maro.

Tito 3:1

Ririkania akristiano kwînyivia mbere ya anene na athani. Magîrîrwe nî kûmathîkagîra na kwîthagîrwa mevarîrîtie gwîka ciîko mbaro.

File 1:14

Nwatî ndirenda gûkûringîrîria ûndethie. Nie nîrenda ûndethie nîûndû wa kwîyendera gwaku we mwene.

Ahib 12:15

Îîmenyerereni mûndû ndagate wega wa Ngai. Gûtikethîrwe kûrî na mûndû ûgûtuîka ta mûtî mûrûrû ûrîa ûkûraga na ûgatûma kûgîe na mathîna meengî nî ûndû wa ûrogi waguo.

2Pet 2:3

Nîûndû wa ûkoroku wao, arimû aya a maveeni magetongagia na njîra ya kûmûganîra ng'ano cia gwîtungîra. Na kwa îvinda îraca Mûmacirithia ethîrîtwe evarîrîtie, na mûmacûkangia atamamiî!