1Pet 4:3 - ÎVUKU RÎA ÛVORO MWARO

³ Mavinda mavîtûku mwîthîrîtwe mûgîka maûndû marîa andû arîa matetîkîtie Ngai meriragîria gwîka. Mûtûûrîte mûgîkaga maûndû ma ûra nthoni, mûrî na merirîria macûku, ûrîu, marugarî marîa matagîrîrîte ma waganu na mûgîkaga maûndû marî na nthoni ma kûgooca mîvuanano.

1Pet 4:3 ပူးပေါင်းရင်းမြစ်များ

2Sam 13:28

na akîatha ndungata ciake agîciîra atîrî, “Tuîriani mûmenye waro vîndî îrîa Amunoni agaatuîka mûrîu, na rîrîa ngaamwîra mûmûrage, mûgeka guo. Mûtigetigîre nîûndû nînie ngaûrua nwatî tî mue. Îyûmîrîrieni na mûgîe na ûcamba!”

1Atha 21:26

Nîwekire mevia ma nthoni mûno na njîra ya kûgooca mîvuanano, ta ûrîa Amori meekîte. Amori meengatagwa nî Ngai-Mûnene kuuma vûrûrirî wa ûrîa andû a Isiraeli maathiîcaga na mbere.)

2Maû 15:8

Rîrîa mûthamaki Asa eegwire ûrathi ûrîa warirue nî Azaria mûvîcî wa Odedi, nîwagîre na ûmîrîru. Nîwarutire mîvuanano yonthe îrîa yarî vûrûrirî wa Juda na wa Benjamini na îrîa yarî matûûrarî monthe marîa aatavîte vûrûrirî ûrîa ûrî irîma wa Efiraimu na agîtuma rîngî metha ya kîgongoona ya Ngai-Mûnene îrîa yarî kîvarorî Kîam hekarû.

Isaia 28:7

Arathi na athînjîri-Ngai wanao nî arîe nî ndivei, nîmaratûgûgana nîûndû wa kûrîwa nî njovi ndûrû. Nîavîngîcîku nîûndû wa kûrîwa nî njovi ndûrû, nîavîngîce nî ndivei makaremwa nî kwona cioneki, nîmavîngagwa magîtua ciira.

Isaia 5:11

Kaî marî na thîna-î! Arîa maramûkaga kîraûko tene, nîguo mathiî makanyue ndivei; arîa matukagîrwa makînyua ndivei, nginya rîrîa makaarîwa nîyo.

Isaia 65:4

Mekaraga mbîîrîrarî na makararaga methithîte. Marîcaga nyama cia ngûrwe na makanyunyaga mûthûri wa nyama irîa irî mûgiro.

Jeremia 16:11

We nîûgacoka ûmeere atîrî, ‘Ngai-Mûnene arauga atî, nîûndû methe menyu nîmandiganîrîtie na makambîrîria kûgooca na gûtungatîra ngai ciîngî, nîmandiganîrîtie na matiathîkagîra mawatho makwa.

Jeremia 16:18

Nîngatûma marîve thirî wa mevia mao maita maîrî, nîûndû nîmagwatîtie vûrûri wakwa mûgiro na ngai cia mîvuano irîa itarî mwoyo na magecûria vûrûri wakwa na maûndû marî magigi.”

Ezek 44:6

“Îra andû acio a Isiraeli aremi Ngai-Mûnene augîte atî, nîmatige gwîka maûndû mau marî mûgiro methîrîtwe magîka.

Ezek 45:9

Ngai-Mûnene augîte atîrî, “Mue anene a andû a Isiraeli nîmwîvîtie vandû va kavinda karaca. Thirwani nî waganu na mûtige kûvinyanîrîria mwîkage maûndû ma kîvooto na ma waragania. Tigani kûvinyûria andû akwa kuuma vûrûrirî wao. Nie Ngai-Mûnene nînie nauga ûguo.

Maariko 7:22

ûtharia, ûkoroku na mawaganu ma mîthemba wa yonthe; ta kûveenania, gwîka maûndû ma ûûra nthoni, kwîgua wîru, kûrumana, gwîtîîa na ûrimû.

Ciîko 17:30

Ngai nîatuîte atî ke ndagûtara mavinda marîa andû mataamwicî. Nwatî rîu ke nîwathaga andû onthe arîa marî kûndû kuonthe merire,

Aroma 13:13

Nîtwîthagîrwe tûrî na mîtugo mîaro ta andû arîa mathiîcagîra ûtherirî. Tûtikethagîrwe tûrî marugarî marîa mekagwa waganu wa ûrîu, kana ciîkorî cia ûûra nthoni, ûtharia, mbaara, kana wîru.

1Akor 12:2

Mue nîmwîcî ûrîa mwatûûraga vîndî îrîa mûtaarî atuîku etîkia. Nîmwavîtithagua na njîra nyîngî nîguo atî mûgoocage mîvuanano îtarî mwoyo.

1Akor 6:11

Andû amwe gatagatîrî kenyu methagîrwa mekariî ûguo, nwatî mue nîmwathambirue mûkiuma meviarî. Mûrî atherie na mûgatuwa agîrîru na njîra ya Mwathani Jesû Kristû na njîra ya Roho wa Ngai wetû.

2Akor 12:21

Nînîramaka atî rîrîa ngaaûka rîngî Ngai wakwa nîagaatûma njonoke nîrî mbere yenyu. Nanie nîngeguîra andû engî kîeva arîa meevirie na matirî merira maûndû macûku marîa meekire ta ûmaraa na merirîria macûku ma mwîrî.

Agal 5:19

Maûndû marîa macûku mekagwa nî mwîrî nîmeyonanîtie, namo nî: ûtharia, gwîka ciîko njûku na cia ûûra nthoni,

Agal 5:21

Rwetho, ûrîu na gwîka ciîko cia gwîkenia nîûndû wa kûrîwa, na gwîka maûndû mengî ma mîthemba ta îo. Nîngûmûkaania wata ûrîa naamûkanirie wa rîngî, atî andû arîa mekaga maûndû ta mau matikagaa ûthamaki wa Ngai.

Aefeso 5:18

Tigagani kûrîwa nî ndivei nîûndû ûrîu nîkwa ûkûmwananga, vandû va ûguo îcûragwani nî Roho.

1Ath 4:5

na ndagîrîrwe nî kwîthîrwa na merirîria macûku ta andû arîa matecî Ngai.

Tito 3:3

Nîûndû vîndî îmwe tue ene twarî ariitu, aremi, na nîtwekaga naaî. Tue twarî ngombo cia merirîria marîa macûku, na mîago ya mîthemba yonthe. Twatûûraga tûrî aganu na tûkîgucanagîra wîru. Andû nîmaatûmenete na wanatue nîtwamamenete.

1Pet 1:14

Rîu nîûndû mûrî ciana mbathîki cia Ngai, mûtigatûûre na merirîria marîa mwatûûraga namo vîndî ya tene rîrîa mûtaarî ataûkîre.

Juda 1:4

Nîûndû andû amwe arîa matarî na ûngai nîmatonyete na nthitho gatagatîrî getû. Andû acio nîo magarûraga ndûmîrîri îgiî wega wa Ngai wetû nîguo magîe na kîîgwatio Kîam maûndû marîa mekaga macûku. Andû aya nwa o maregaga Jesû Kristû ûrîa arî ke Mwathi na Mwathani wetû. Tene mandîko matheru nîmaarathire ûvoro wîgiî îtuîro rîrîa andû acio makûnyita.