1Pet 4:2 - ÎVUKU RÎA ÛVORO MWARO

² Kuuma rîu mûtûûrîre wenyu gûkû nthî nîwîthagîrwe ûtongoretue nî wendi wa Ngai nwatî tî merirîria ma ûmûndû.

1Pet 4:2 ပူးပေါင်းရင်းမြစ်များ

Thaburi 143:10

Nthomithia gwîka wendi waku, nîûndû we nîwe Ngai wakwa. Tiga wega waku ûndongoragie nthiîcagîrîre njîrarî irîa nûngarû.

Hosea 6:7

Nwatî rîrîa maakinyire Adamu nîmaagararire kîrîkanîro gîakwa marî kûu nîmaatigire kûnîîvoka.

Mathaayo 12:50

Mûndû wa wonthe wîkaga ûrîa Vava ûrîa ûrî Îgûrû endaga, nîke mûrwaiya na mwarwaiya na nîke nyanya.”

Mathaayo 20:4

Kwoguo nîwerire andû acio atîrî, ‘Wana mue thiîni mûkarute wîra mûgûndarî wa mîthavibu, na ngaamûrîva mûcara ûrîa ûmwagîrîrîte.’

Mathaayo 21:31

Nî ûrîkû gatagatîrî ka acio aîrî wekire ûrîa îthe eendaga?” Nao nîmaacokirie atîrî, “Nî ûcio wa mbere.” Kwoguo Jesû nîwamerire atîrî, “Nîramwîra nama atî etia a mbeca cia gooti na maraa nîmagaatonya Ûthamakirî wa Ngai mbere yenyu.

Mathaayo 7:21

“Tî mûndû wa wonthe ûmbîtaga ‘Mwathani, Mwathani’ ûgaatonya Ûthamakirî wa îgûrû, nwatî nî andû arîa tu mekaga wendi wa Vava ûrîa wî îgûrû.

Maariko 3:35

Mûndû wa wonthe ûvingagia wendi wa Ngai, nîke mûrwaiya na mwarwaiya, na nîke nyanya.”

Maariko 7:21

Nîûndû ngororî ya mûndû nîkuo kuumaga meciria macûku marîa matûmaga mûndû ende gwîka maûndû macûku ta; ûmaraa, wîi, ûûragani,

Johana 1:13

Nao matiatuîka ciana cia Ngai na njîra îrîa andû maciaragwa, kana vinya wa mûndû wana kana wendi wa mûndû, nwatî Ngai ke mwene nîke watûmire matuîke ciana ciake.

Johana 7:17

Mûndû wa wonthe wendaga kûvingia wendi wa Ngai nîamenyaga kana maûndû marîa nthomithanagia maumîte kûrî Ngai, kana mbaaragia na wathani wakwa.

Aroma 12:2

Mûtikagarûrûke atî nîguo mwîkare ta andû a gûkû nthî, nwatî îtîkîrani Ngai agarûre meciria menyu viû nîguo matuîke macerû. Mweka ûguo mûkaavotaga kûmenya wendi wa Ngai. Mûkaavotaga kûmenya ûndû ûrîa mwaro na ûngîmûkenia na ûrîa mûkinyanîru.

Aroma 14:7

Gûtirî mûndû wana ûmwe gatagatîrî getû ûtûûraga mwoyo nîûndû wa kwenda gwake, na gûtirî mûndû ûkucaga nîûndû wa kwenda gwake ke mwene.

Aroma 6:11

Na njîra wata îo, mwagîrîrwe nî kwîyona ta mûrî akuû ûvororî wa mevia na atî mûtûûraga kûrî Ngai mûrî kîndû kîmwe na Jesû Kristû.

Aroma 6:2

Naarî! Tue twakwire ûvororî wa mevia kûngîvoteka atîa tûthiî na mbere na kwîvia?

Aroma 7:4

Ariû na aarî a îthe wetû, ûguo nîguo maûndû mekariî wana kûrî mue. Ûvororî wîgiî watho mue wana mue nîmûkuîte nîûndû mûrî kîîga Kîam mwîrî wa Kristû. Na rîu mûrî a ûcio wariûkirue nîguo tûciarîre Ngai maciaro.

2Akor 5:15

Kristû aakwire nîûndû wa andû onthe nîguo andû arîa matûûraga mwoyo matigatûûre mwoyo nîûndû wao o ene, nwatî nîûndû wake ûrîa wakwire na akîriûkua nîûndû wao.

Aefeso 2:3

Ûma nî atî wa natue tuonthe twekaga wa tao. Twatûûraga twathagwa nî merirîria metû ma kîîndwîre na tûgekaga maûndû marîa meriragîrua nî mîîrî yetû na meciria metû, na twarî tûkinyîrwe nî marakara ma Ngai wata andû arîa engî.

Aefeso 4:17

Na rîîtwa rîa Mwathani nîramûkaania mûtikathiî na mbere gwîkara ta andû a Ndûrîrî. Meciria mao nî ma mana.

Aefeso 5:17

Kwoguo tigagani gûtuîka irimû. Nwatî geragiani kûmenya ûrîa Mwathani endaga mwîke.

Aefeso 6:6

Tigagani gwîkaga ûguo tu wa rîrîa mamûroretie atî nîûndû wa kwenda kwîyendithia kûrî o. Nwatî mûrî ta ngombo cia Kristû, vingagiani wendi wa Ngai mûkîvûthagîra vinya wonthe wenyu.

Akol 1:9

Kîu nîkîo gîtûmaga tûmûvoere vîndî cionthe kuuma rîrîa twambîrîrie kwîgua ûvoro ûmwîgiî. Tûragia Ngai amûvotithagie kûmenya wendi wake na kûgîa na ûûgî mwîngî na ûtaûku ûrîa Roho wake avecanaga.

Akol 3:3

Nîûndû nîmwakwire na rîu mwoyo wenyu ûthithîtwe vamwe na Kristû kûrî Ngai.

Akol 4:12

Epafara ûrîa umîte kûu kwenyu nîwamûkethia. Ke nî ndungata ya Jesû Kristû na nîamûvoyagîra mûno vîndî cionthe, atî mwîkarage mûrî agima na mûtarî na nganja wîtîkiorî wenyu na mûkîathîkagîra wendi wa Ngai.

1Ath 5:18

na mûcokagie ngatho maûndûrî monthe. Ûguo nîguo Ngai endaga mûtûûre mue arîa mwîtîkîtie Jesû Kristû.

Ahib 13:21

Ngai mwene thayû aromûva indo cionthe mbaro irîa mûvatarîte nîguo mwîkage wendi wake. Na njîra ya Jesû Kristû arotwîka ûndû ûrîa ûmûkenagia. Nake Kristû arokumagua tene na tene. Ameni!

Jakuvu 1:18

Ngai nîke wendire tûgîe kuo na njîra ya kiugo Kîam ma, nîguo tûtuîke a vata gatagatîrî ga ciûmbe ciake cionthe.

1Pet 1:14

Rîu nîûndû mûrî ciana mbathîki cia Ngai, mûtigatûûre na merirîria marîa mwatûûraga namo vîndî ya tene rîrîa mûtaarî ataûkîre.

1Pet 2:1

Îîyaûreni maûndû monthe macûku, maveeni monthe, ûvinga wonthe, rwetho ruonthe na ciugo cionthe cia gûcambania.

1Joh 2:17

Nthî na indo cionthe irîa irî kuo, irîa ciîriragîrua nî andû nîirathira. Nwatî mûndû ûrîa wîkaga wendi wa Ngai atûûraga tene na tene.