1Pet 3:9 - ÎVUKU RÎA ÛVORO MWARO

⁹ Mwekwa naaî tigagani kwîrîvîrîria na naaî. Mwarumwa tigagani kwîrîvîrîria na irumi. Vandû va ûguo rathimanagani, nîûndû kîrathimo nîkîo Ngai aamwîrîîre rîrîa aamwîtire.

1Pet 3:9 ပူးပေါင်းရင်းမြစ်များ

Kîam 42:25

Josefu nîwathanire akiuga ngunia cia aa mûrwang'ina ciîcûrue irio, na mbeca cia wa mûndû icokue nguniarî yake na matumwe rîgu. Nao nîmeekirwe guo.

Nthi 17:13

Ûngîrîvia wega na ûcûku, thîna ndîkaathira gwaku mûciî.

Nthi 20:22

Wekwa ûndû mûcûku nî mûndû ndûkerîvîrîrie, îîvoke Ngai-Mûnene na nîagaagûtethia.

Nthi 28:10

Mûndû ûrîa ûveenagîrîria mûndû mwîvokeku nîguo eke naaî, agûcaga mûtegorî wake ke mwene, nwatî mûndû ûrîa ûtarî na mavîtia nîakagaa maûndû maro.

Mathaayo 19:29

Na mûndû wa wonthe ûtigîte nyomba ciake, aa mûrwang'ina, aa mwarwang'ina, îthe, ng'ina, ciana, kana mîgûnda nîûndû wakwa, nîakaavewa indo icio maita îgana na acoke agîe na mwoyo wa tene na tene.

Mathaayo 25:34

Nake mûthamaki nîagaacoka ere andû arîa makeethîrwa marî mwena wake wa ûrîo atîrî, ‘Ûkani mue arîa mûrathimîtwe nî Vava! Ûkani mûgwate Ûthamaki ûrîa wavarîrîtue nîûndû wenyu kuuma wa Kîammbîrîria gîa kûmbwa kwa nthî.

Mathaayo 5:39

Nwatî nie nîramwîra atî: mûndû angîkûvîtîria ndûkanerîvîrîrie. Mûndû angîgûcamûra rûvî rûthîa rwaku rwa ûrîo mûvûgûrîre rûthîa rûu rwîngî wana ruo arûcamûre.

Mathaayo 5:44

Nwatî rîu nie nîramwîra atîrî: endagani nthû cienyu na mûvoyagîre arîa mamûnyariraga,

Maariko 10:17

Rîrîa Jesû aambagîrîria kûthiî rûgendo, mûndû ûmwe nîwavinyûrire varî ke, agîturia maru mbere yake na akîmwîra atîrî, “Mwarimû Mwaro, nîngîka atîa nîguo ngaagaîrwa mwoyo wa tene na tene?”

Luka 10:25

Vîndî îmwe mwarimû ûmwe wa watho nîwarûngamire akîenda kûgeria Jesû na akîmûria atîrî, “Mwarimû, nie nîngîka atîa nîguo ngaagaîrwa mwoyo wa tene na tene?”

Luka 18:18

Nake mûtongoria ûmwe warî Mûyahudi nîwaûririe Jesû atîrî, “Mwarimû Mwaro, nîngîîka atîa nîguo ngaagaîrwa mwoyo wa tene na tene?”

Aroma 12:14

Rathimagani andû arîa mamwîkaga naaî, marathimageni na mûtikamarume.

Aroma 12:17

Mûndû angîgwîka naaî, ndûkamwîke naaî. Nwatî geragia gwîka andû onthe maûndû marîa maro.

Aroma 8:28

Tue nîtwîcî atî maûndûrî monthe Ngai nî arutaga wîra nîûndû wa wagîrîru wa arîa mamwendete. Andû acio nî arîa ke etîte kûringana na wendi wake.

Aroma 8:30

Kwoguo arîa Ngai amûrîte nîwametire, nao acio eetire nîwamatuire athingu na akîmagaîra riiri wake.

Agal 3:14

Kristû eekire ûguo nîguo kîrathimo kîrîa Ngai eerîre Iburahimu, gîkinyîre andû a Ndûrîrî na njîra ya Jesû Kristû nîguo na njîra ya wîtîkio tûvote kwamûkîra Roho ûrîa Ngai eeranîre.

Aefeso 4:32

Vandû va ûguo, tuganagani, îgucanagîrani ntha na mwovanagîre wata ûrîa Ngai aamwoveere na njîra ya Kristû.

1Ath 5:15

Geragiani kwona atî gûtirî mûndû wana ûmwe gatagatîrî kenyu ûkarîvagia naaî na naaî, nwatî vîndî cionthe geragiani gwîka ûndû ûrîa mwaro kûrî andû onthe.

Ahib 12:17

Mue, nîmwicî atî vuvarî, Esaû nîwendaga îthe amûrathime. Nwatî îthe ndaamûrathima, nîûndû Esaû ndaavota kwona ûndû wa kûgarûra ûrîa eekîte wana ethîrwa nîwaûcaragia akîrîraga methori.

Ahib 6:14

Nîwaugire atîrî, “Nama nîngaakûrathima na ngwîngîvîrie njiarwa ciaku.”

1Pet 5:10

Nwatî mwona mwarîkia kûthînua kwa îvinda rînini, Ngai mûvecani wa mawega monthe ûrîa ûmwîtaga nîguo mûtuîke agai a riiri wa tene na tene mûrî rûmwe na Kristû nîakaamûtua akinyanîru. Ke nîagaatûma mwîkare mûrî ekindîriu, mûrî na vinya na mûrî na mûcingi ûrîa wa ma.

1Sam 26:11

Ngai-Mûnene nîangirîtie ndigeke mûndû ûrîa atuîte mûthamaki ûûru! Tigani tûoce îtumû rîîrî rîrî vakuvî na kîongo gîake na mûcuva wake wa manjî tûkînathiî.”