1Pet 3:3 - ÎVUKU RÎA ÛVORO MWARO

³ Kwîgemia kwenyu na njîra ta ya mîvîndîre ya njuîrî, gwîkîra mathaga ma thaavu na gwîkîra nguo cia goro tîkuo kûmûtucaga athaka.

1Pet 3:3 ပူးပေါင်းရင်းမြစ်များ

Kîam 24:22

Na rîrîa ngamîîra ciarîkirie kûnyua manjî, mûndû ûcio nîwarutire gîcûvî Kîam thaavu Kîam ûrito wa ngiramu ithathatû agîkîra îniûrûrî rîa Rebeka, na agîcoka akîmwîkîra mvang'iri igîrî cia thaavu njara. Wa îmwe ya ûrito wa ngiramu îkûmi.

Kîam 24:47

Nînaamûririe atîrî, ‘Aguo nû?’ Nake nîwambîrire atîrî, ‘Vava nî Bethueli mûvîcî wa Nahoru na Milika.’ Nînacokire ngîmwîkîra gîcûvî îniûrû na mvang'iri njara.

Kîam 24:53

Nîyacokire îkîruta mathaga ma sîlûva, thaavu na nguo îkîva Rebeka. Ng'ina wa Rebeka na mûrwang'ina na Rebeka wanao nîmaaveerwe iveo cia goro.

2Atha 9:30

Rîrîa Jehu aakinyire Jezireeli, Jezebeli nîwegwire ûvoro ûcio. Nîwegemirie metho make, akîrûtha njuîrî ciake waro, akîthiî ndiricarî na akîrorereria na kûu vûrûrirî.

Esita 5:1

Mûthenya wa kathatû Esita nîwekîrire nguo cia ûthamaki na akîrûgama kîvarorî Kîam nyomba ya mûthamaki kûrorania na varîa mûthamaki ekaraga. Mûthamaki eekarîrîte gîtî Kîam ûthamaki aroretie mwîrîgarî wa mûciî wake.

Thaburi 45:9

Erîtu a mûthamaki nî amwe a erîtu arîa magûtûngaga, naguo mwenarî waku wa ûrîo varûngamîte mûthamaki mûndûmûka, ekîrîte mathaga ma thaavu ya Ofiri.

Ntha 3:22

Mûndûmûka wa wonthe Mûisiraeli nîakaathiî kûrî Mûmisiri ûrîa mariganîtie nake na kûrî mûndûmûka Mûmisiri ûrîa ûtûûraga gwake nyomba na amwîtie nguo na indo cia thaavu na sîlûva. Andû a Isiraeli nîmagekîra anake na erîtu ao indo icio na nîmagaakuua ûtonga wa andû a Misiri.”

Ntha 32:2

Nake Aroni nîwamerire atîrî, “Rutani mindo cia thaavu irîa aka enyu, avîcî enyu, na erîtu enyu mekîrîte matû na mûmindîre cio.”

Ntha 33:4

Rîrîa andû meegwire maûndû mau macûku nîmaambîrîrie kûrîra na makîrega gwîkîra mathaga ma kwîgemia,

Ntha 35:22

Kwoguo andû onthe arîa maarî na ngoro irî na wendi arûme na aka nîmaaretire indo cia mîthemba mîîngî cia thaavu ta mindo, mbete, mîkathî na mathaga ma mîthemba yonthe ma thaavu na magîciamûrîra Ngai-Mûnene.

Ntha 38:8

Bezaleli nîwarûthire kîraî na vandû va gûkigîrîra. Cionthe ciarûthirwe na gîcango îrîa yarî ya aka arîa maatungataga mûromorî wa îgema rîa Ngai-Mûnene.

Isaia 52:1

Ûkîra, ûkîra! Gîa na vinya, we Zayuni; îkîra nguo ciaku irîa mbaro, we Jerusalemu, îtûûra rîrîa rîamûre; nîûndû gûtirî mûndû ûtarî mûruu kana ûrî na mûgiro ûgaatonya gwaku rîngî.

Isaia 61:10

Nîngaakenagîra mûno Ngai-Mûnene, ngoro yakwa nîgaacanjamûka nîûndû wa Ngai wakwa, nîûndû nîambîkîrîte nguo cia ûvonokio, nîambîkîrîte nguo ya ûthingu, ta ûrîa mûvikania egemagia na maûa, ta ûrîa mûviki egemagia na mathaga make.

Jeremia 2:32

Mwîrîtu nwa ariganîrwe nî mathaga make, kana mûviki ariganîrwe nî nguo yake ya ûviki? Nwatî andû akwa nîmariganîrîtwe nînie, îvinda rîa mîthenya îtangîtarîka.

Jeremia 4:30

We Jerusalemu kaî wî na thîna-î! Wîkagîra nguo îno ndune nîkî? Wîgemagia ûthiû na ûgekîra mathaga ma thaabu nîkî? Kwîgemia gwaku nîkwa mana. Arîa makwendete nîmarakûnyarara, na magacaria ûrîa mangîkûûraga.

Ezek 23:40

“Erîtu aya nîmaatûmaga anjaama mathiî magete andû kuuma kûraca, na nîmaaûkire. Nîûndû wao erîtu aya nîmeethambagia, makevaka rangi metho na makegemia na mathaga.

Aroma 12:2

Mûtikagarûrûke atî nîguo mwîkare ta andû a gûkû nthî, nwatî îtîkîrani Ngai agarûre meciria menyu viû nîguo matuîke macerû. Mweka ûguo mûkaavotaga kûmenya wendi wa Ngai. Mûkaavotaga kûmenya ûndû ûrîa mwaro na ûngîmûkenia na ûrîa mûkinyanîru.

1Pet 3:2

nîûndû makaagucagîrîrua nî mîtugo yenyu mîtheru na mîtîîku.