1Pet 1:6 - ÎVUKU RÎA ÛVORO MWARO

⁶ Kenani nîûndû wa ûguo, wana ethîrwa kûrî na vata wa mûgîe na kîeva kavinda kanini nîûndû wa magerio ma mîthemba mîîngî marîa maramûthînia.

1Pet 1:6 ပူးပေါင်းရင်းမြစ်များ

Thaburi 119:28

Ngoro yakwa nî nthiru vinya nîûndû wa kîeva, nyongerera vinya wata ûrîa wîranîrîte.

Thaburi 119:75

Nîmbicî atî we Ngai-Mûnene, ûtucaga ciira ûrîa kwagîrîrîte, na wamverithirie nîûndû ûrî mwîvokeku.

Thaburi 34:19

Andû arîa athingu matî mathîna meengî mûno, nwatî Ngai-Mûnene nîamavonokagia kuuma kûrî mo monthe.

Thaburi 35:10

Nîngera Ngai-Mûnene na ngoro yakwa yonthe atîrî, “Gûtirî wîngî tawe we Ngai-Mûnene. Nîûvonokagia arîa matarî vinya kuuma kûrî arîa marî vinya, athîni na avatari kuuma kûrî arîa mavinyanagîrîria.”

Thaburi 69:20

Icambio nîimbûragîte ngoro, na nînthirîte vinya. Njarîtie wa kûmbîguîra ntha, nwatî nîmûturu; njarîtie mûndû ûngînyûmîrîria, nwatî ndimûmwonu.

Thaburi 9:14

nîguo ngaarûngama mbere ya andû a Jerusalemu, na nîmere maûndû monthe marîa matûmaga ngûkumie. Nîngaakena nîûndû nîûmvonoketie.

Thaburi 95:1

Ûkani tuinîre Ngai-Mûnene, tûkûngûîre îthiga rîa ûvonokio wetû tûkenete!

Isaia 61:10

Nîngaakenagîra mûno Ngai-Mûnene, ngoro yakwa nîgaacanjamûka nîûndû wa Ngai wakwa, nîûndû nîambîkîrîte nguo cia ûvonokio, nîambîkîrîte nguo ya ûthingu, ta ûrîa mûvikania egemagia na maûa, ta ûrîa mûviki egemagia na mathaga make.

Isaia 61:3

Andûmîte ngave arîa maracakaya marî Zayuni, ngovia ya maûa vandû va mûu, maguta ma gîkeno vandû va kîeva, nguo ya ûgooci vandû va îvooru. Makethîrwa mavaana ta mîtî ya mîvuru ya ûthingu, îrîa Ngai-Mûnene avandîte nîguo akumague.

Mathaayo 11:28

“Ûkani kûrî nie, mue muonthe anogu na mûtitikîte mîrigo mîrito, na nîngûmûvurûkia.

Mathaayo 26:37

Nake Jesû nîwetire Petero na ariû aîrî a Zebedii na makîthiî vamwe nao. Jesû nîwambîrîrie kûnyitwa nî kîeva, akîthînîka mûno ngororî yake,

Mathaayo 5:12

Kenani na mûcanjamûke, nîûndû îgai rîrîa mwigîrîtwe kûu îgûrû nî rînene. Ûguo nîguo arathi arîa maarî kuo mbere yenyu maanyaririrwe.

Luka 1:47

na roho wakwa nî ûkenete, nîûndû wa Ngai Mûvonokia wakwa,

Luka 10:20

Mûtigakene nîûndû wa atî ngoma nîiramwathîkîra, nwatî mûkene nîûndû marîîtwa menyu nîmandîke îgûrû.”

Luka 2:10

Nake mûraika ûcio nîwamerire atîrî, “Tigani kûmaka! Nie nîmûretere ûvoro mwaro na wa gîkeno kînene kûrî andû onthe,

Johana 16:22

Kwoguo mue rîu mûrî na kîeva, nwatî nîngaamwona rîngî na vîndî îo nîmûkaagîa na gîkeno, gîkeno kîrîa gûtarî mûndû ûngîmûcuna.

Johana 16:33

Namwîra maûndû mama nîguo mûgîe na thayû mûrî na ngwatanîro nanie. Nîmûkûthînîka mûrî gûkû nthî, nwatî ûmîrîriani! Nie nîrîmûvootu nthî!”

Ciîko 14:22

Nao nîmeekîrire etîkia vinya, makîmaûmîrîria mekarage mekindîrîtie wîtîkiorî na makîmeera atîrî, “Nwa nginya twone mathîna meengî mûno mbere ya tûtonye Ûthamakirî wa Ngai.”

Aroma 12:12

Îkaragani mûkenete nîûndû mûrî na kîîrîgîrîro. Kiragîrîriani vîndî ya mathîna na mûvoyage vîndî cionthe.

Aroma 5:11

Na twa ûguo tu, nwatî nîtûkenete nî Ngai nîûndû na njîra ya Jesû Kristû nîtûtuîkîte arata ake.

Aroma 5:2

Nîûndû wa gwîtîkia, ke nîatûmîte tûgîe na wega wa Ngai ûrîa tûrî naguo rîu. Kwoguo nîtûkenaga nîûndû wa kîîrîgîrîro kîrîa tûrî nakîo gîa gûkagaa riiri wa Ngai.

Aroma 9:2

Nîrî na kîeva kîngî mûno vamwe na ûrûrû ûtarî mûthiia ngororî yakwa,

2Akor 4:17

Naguo thîna ûyû tûrî naguo nî mûnini na tî wa gûtûûra. Nwatî nîûgaatûma tûgîe na riiri wa tene na tene na mwîngî makîria ya thîna ûcio.

2Akor 6:10

Wana ethîrwa nîtwîgwithagua kîeva, vîndî cionthe twîthagîrwa tûrî akenu. Twonekaga tûrî athîni, nwatî nîtûtûmaga andû eengî matonge. Twonekaga tûtarî na kîndû, nwatî nîma tûrî na indo cionthe.

Agal 5:22

Nwatî Roho ûciaraga wendani, gîkeno, thayû, gûkirîrîria, gwîkana waro, gûtugana, kwîvokeka,

Afil 2:26

Nîwîriragîria kûmwona muonthe na nîmûmaku mûno amenya atî nîmweguîte atî aarî mûrwaru.

Afil 3:3

Tue nîtue twîthagîrwa tûruîte nama. Tûkumagia Ngai na njîra ya Roho wake na nîtûkenaga ûtûûrorî wetû tûrî ûrûmwe na Kristû na tûtiîvokaga maûndû marîa twîkaga mîîrî yetû.

Afil 4:4

Îkaragani mûkenete mûrî ûrûmwe na Mwathani vîndî cionthe. Na nîngûmwîra rîngî atî mwîkarage mûkenete.

1Ath 1:6

Nîmwegerekanirie natue na mûkîîgerekania na Mwathani. Nwatî wana ethîrwa nîmwathînîkire mûno, nîmwamûkîre ndûmîrîri îo mûrî na gîkeno kîrîa kiumaga kûrî Roho Mûtheru.

Jakuvu 1:2

Ariû na aarî a îthe wetû, rîrîa mwagîa na magerio ma mîthemba na mîthemba, nîmwagîrîrwe nî gwîcûragwa nî gîkeno,

Jakuvu 1:9

Akristiano arîa athîni nîmagîrîrwe nî gûkenaga rîrîa Ngai amanenevia.

Jakuvu 4:9

Îguani kîeva, rîrani na mûcakae. Mîtheko yenyu nî îgarûrûke îtuîke kîrîro, nakîo gîkeno kîenyu gîtuîke kîeva.

1Pet 3:17

Nîûndû nî kava kûthînîka nîûndû wa gwîka waro ethîrwa ûcio nîguo wendi wa Ngai, gûkîra kûthînîka nîûndû wa gwîka naaî.

1Pet 4:7

Îthirîro rîa indo cionthe rîrî vakuvî. Îkaragani mwîîguîte na mwîvarîrîtie, nîguo mûvotage kûvoya.

1Pet 5:10

Nwatî mwona mwarîkia kûthînua kwa îvinda rînini, Ngai mûvecani wa mawega monthe ûrîa ûmwîtaga nîguo mûtuîke agai a riiri wa tene na tene mûrî rûmwe na Kristû nîakaamûtua akinyanîru. Ke nîagaatûma mwîkare mûrî ekindîriu, mûrî na vinya na mûrî na mûcingi ûrîa wa ma.

1Sam 2:1

Hana nîwavoire na akiuga atîrî, Ngai-Mûnene nîecûrîtie gîkeno ngororî yakwa, nie nîngenete nîûndû wa ûrîa ekîte. Nînthekagîrîra nthû ciakwa, nîrî mûkenu nîûndû Ngai nî amvonoketie!