1Maû 9:11 - ÎVUKU RÎA ÛVORO MWARO

¹¹ Azaria mûvîcî wa Hilikia, Hilikia aarî mûvîcî wa Meshulamu, Meshulamu aarî mûvîcî wa Zadoku, Zadoku aarî mûvîcî wa Meraiothi, Meraiothi aarî mûvîcî wa Ahitubu, Ahitubu nîke warî mûnene wa hekarû.

1Maû 9:11 ပူးပေါင်းရင်းမြစ်များ

2Sam 8:17

Zadoku mûvîcî wa Ahitubu, marî na Ahimeleku mûvîcî wa Abiatharu nîo maarî athînjîri-Ngai; nake Seraia nîke warî mwandîki.

2Atha 18:18

Rîrîa maatûmanîre mûthamaki Hezekia, ndungata ciake ithatû nîcio ciathiîre kûrî o. Nacio ciarî: Eliakimu mûvîcî wa Hilikia, ûrîa wamenyagîrîra mûciî wa mûthamaki, Shebuna, mwandîki na Joa mûvîcî wa Asafu, ûrîa warî mûmenyereri wa mandîko.

2Atha 23:4

Mûthamaki Josia nîwacokire akîatha mûthînjîri-Ngai mûnene, Hilikia, athînjîri-Ngai arîa maamûtethagîrîria, na arangîri a kîvingo Kîam hekarû marute hekarûrî ya Ngai-Mûnene indo cionthe irîa ciatûmagîrwa kûgooca Baali, irîa ciatûmagîrwa kûgooca Ashera, na cionthe îrîa ciatûmagîrwa kûgooca indo cionthe cia îgûrû. Nîwavîvîrie indo icio cionthe nja ya îtûûra rîa Jerusalemu mîgûndarî ya Kîamnda gîa Kidironi, na nîwakuire mûu wa cio akîûvira Betheli.

2Atha 25:18

Nebuzaradani, mûnene wa arangîri a mûthamaki nîwanyitire Seraia, mûthînjîri-Ngai mûnene na Zefania, mûthînjîri-Ngai mûtethereria wa Mûthînjîri-Ngai mûnene vamwe wa arangîri engî athatû a kîvingo marî mîgwate.

1Maû 24:5

Andû maathuuragwa na njîra ya gwikîrua mîtî nîûndû kwarî na anene a hekarû na atongoria a maûndû ma Ngai kuuma njiarwarî cia Eleazaru na Ethamaru.

1Maû 9:12

Na kwarî Adaia mûvîcî wa Jerohamu, Jerohamu mûvîcî wa Pashuri, Pashuri mûvîcî wa Malikija, na Maasai mûvîcî wa Adieli. Adieli mûvîcî wa Jahizera, Jahizera mûvîcî wa Meshulamu, Meshulamu mûvîcî wa Meshilemithi, Meshilemithi mûvîcî wa Imeri,

2Maû 31:13

Nao Jehieli, Azazia, Nahathi, Asaheli, Jerimothi, Jozabadi, Elieli, Isumakia, Mahathi na Benaia maarî arûngamîrîri arîa maatethagîrîria Konania na mûrwang'ina Shimei. Andû acio îkûmi maathuurirwe nî mûthamaki Ezekia na Azaria, Mûthînjîri-Ngai mûnene.

Nehemia 10:2

Seraia, Azaria, Jeremia,

Nehemia 11:11

Seraia mûvîcî wa Hilikia, Hilikia mûvîcî wa Meshulamu, Meshulamu mûvîcî wa Zadoku, Zadoku mûvîcî wa Meraiothi, Meraiothi mûvîcî wa Ahitubu ûrîa warî mûnene wa nyomba ya Ngai.

Jeremia 20:1

Pashuri mûthînjîri-Ngai, mûvîcî wa Imeri, na mûrûngamîrîri mûnene wa nyomba ya Ngai-Mûnene, nîweguire Jeremia akîratha maûndû mau.

Ndari 4:28

Mama nîmo mawîra ma andû a mbarî ya Gerishoni kûu îgemarî rîa Ngai-Mûnene. Makaarutaga wîra ûcio marî rungu rwa watho wa Ithamaru mûvîcî wa mûthînjîri-Ngai Aroni.

Ndari 4:33

Mawîra mau nîmo makaarutagwa nî andû a mûvîrîga wa Merari îgemarî rîa Ngai-Mûnene. Nao magaatongoragua nî Ithamaru mûvîcî wa mûthînjîri-Ngai Aroni.”

Luka 22:4

Kwoguo Judasi nîwathiîre kûrî anene a athînjîri-Ngai, wa vamwe na anene a athigari arîa marangagîra hekarû nîguo marîkanîre ûrîa agûcukanîrîra Jesû kûrî o.

Ciîko 5:24

Na rîrîa anene a athînjîri-Ngai na mûnene wa arangîri a hekarû meegwire ûvoro ûcio, nîmaamakire na makîrigwa nî ûrîa gwekîkîte kûrî atûmwa.

Ciîko 5:26

Kwoguo mûnene wa arangîri nîwathiîre marî na athigari na makîvira atûmwa Kîammarî. Nwatî mûnene ûcio na athigari acio matiatûmîra vinya nîûndû nîmeetigagîra matikarivwe na mathiga nî andû.