1Maû 7:29 - ÎVUKU RÎA ÛVORO MWARO

²⁹ Nîwathiîte ûgakinya mîvakarî ya vûrûri wa Manase na matûûra manene ta Bethishani, Taanaki, Megido na Doru vamwe na icagi irîa ciamathiûrûrûkîrîtie. Matûûrarî mama monthe nîkuo njiarwa cia Josefu mûvîcî wa Isiraeli ciatûûraga.

1Maû 7:29 ပူးပေါင်းရင်းမြစ်များ

1Atha 4:12

Baana, mûvîcî wa Ahiludi aathanaga matûûra marîa manene ma Taanaki, Megido na Bethishani kuonthe kûrîa kwarî vakuvî na Zarethani, îrîa îrî mwena wa îveti wa îtûûra rîa Jezireeli, na kuuma Bethishani nginya Abeli-mehola na mwena ûcio wîngî wa Jokimeamu.

1Atha 9:15

Mûthamaki Solomoni nîwarutithagia andû wîra wa gûtuma hekarû vamwe na nyomba yake na vinya, na gwîcûria mûthetu mwena wa îrathîro wa îtûûra rîa Jerusalemu na gûtuma rîngî matûûra ma Hazoru, Megido na Gezeri.

2Atha 23:29

Vîndî wa îo Josia aarî mûthamaki, Neko, mûthamaki wa Misiri nîwathiîre rûnjîrî rwa Farati gûtethereria mûthamaki wa Asîria. Mûthamaki Josia nîwathiîre kûrûa nake; nwatî mûthamaki Neko nîwamûragîre mbaararî kûu Megido.

2Atha 9:27

Rîrîa Ahazia, mûthamaki wa Juda oonire ûguo, nîwaûrire erekerete mwena wa Bethi Hagani. Jehu nîwamûrûmîrîrie na akîra andû ake mamûûrage. Nao nîmaamûrathire arî gîkaarirî gîake Kîam mbaara athiîte Guri arî vakuvî na îtûûra rîa Ibuleamu. Nwatî nîwaûrîre Megido, îtûûra rînene na agîkuîra kuo.

2Maû 35:22

Kûnarî ûguo, Josia ndaatiga kûtharîkîra Neko, mûthamaki wa Misiri. Nîwaregire kûthikîrîria ûrîa Ngai aaugaga na njîra ya mûthamaki Neko. Kwoguo nîwerigaririe nîguo ndakamenyekane na nîwathiîre Megido kûndû kûrîa kwaraganu kûrûa.

Zakaria 12:11

Vîndî îo Jerusalemu nîgûkaagîa na kîrîro kînene wata kîrîa Kîamrîrirwe Hadadi Rimoni vûrûrirî ûrîa mwaraganu wa Megido.

Kûguû 16:16

Nacio ngoma nîciaretire athamaki vamwe vandû vetagwa na rûthiomi rwa Kîyahudi Arimagedoni.

Atir 5:19

Athamaki nî maaûkire na makîrûa mbaara, athamaki a Kanaani maaûkire na makîrûa. Maarûîre Taanaki vakuvî na karûnjî ka Megido; nwatî matiatava wanarî sîlûva.

1Sam 31:10

Nîmaacokire makiga nguo ciake cia mbaara hekarûrî ya Ashitorathu, ngai yao na makîvûrîra kimba gîake na mîcumarî rûthingorî rwa îtûûra rîa Bethi Shani.