1Maû 6:34 - ÎVUKU RÎA ÛVORO MWARO

³⁴ Samueli aarî mûvîcî wa Elikana, Elikana aarî mûvîcî wa Jerohamu, Jerohamu aarî mûvîcî wa Elieli, Elieli aarî mûvîcî wa Toa.

1Maû 6:34 ပူးပေါင်းရင်းမြစ်များ

1Maû 23:13

Avîcî a Amuramu maarî: Aroni na Musa. Aroni na njiarwa ciake nîmaathuurirwe matuîke andû amûre tene na tene. Maathuurirwe nîguo mamenyagîrîre indo irîa nyamûre na mavîvagie ûbani nîûndû wa kûgooca Ngai-Mûnene, kûmûtungatîra na kûrathimanaga vîndî cionthe.

1Maû 24:1

Njiarwa cia Aroni nîciagaanîtue ikundi mwanya mwanya. Avîcî a Aroni maarî: Nadabu, Abihu, Eleazaru na Ithamaru.

1Maû 24:19

Ûguo nîguo andû maandîkirwe kûringana na wîra ûrîa maagaîrîtwe wa gûtungata hekarûrî ya Ngai-Mûnene. Maarûmagîrîra mawatho marîa maatigîrîtwe nî Aroni îthe wao wa tene, wata ûrîa Ngai-Mûnene, Ngai wa Isiraeli aamwathîte.

1Maû 6:33

Aya marûmîrîrîte nî andû arîa maatungataga vamwe na njiarwa ciao. Mbarî ya Kohathu kwarî na Herimani na aarî mûtongoria. Herimani aarî mûvîcî wa Joeli, Joeli aarî mûvîcî wa Samueli.

1Maû 6:35

Toa aarî mûvîcî wa Zufu, Zufu aarî mûvîcî wa Elikana, Elikana aarî mûvîcî wa Mahathi, Mahathi aarî mûvîcî wa Amasai.

2Maû 29:11

Anake akwa, mûtigate mavinda. Ngai-Mûnene nîamûthuurîte mûmûtungatage, mûtongoragie andû kûmûgooca na mûmûvîvagîrie ûbani.”

Ntha 28:1

“Îra mûrwanyûkwe Aroni na avîcî ake, Nadabu, Abihu, Eleazaru, na Ithamaru maûke varî we. Mamûre ûmarute kûrî andû a Isiraeli, nîguo mandungatagîre marî athînjîri-Ngai.

Ntha 30:7

Aroni akaavîvagîria ûbani mûnungi waro îgûrû rîa metha ya kîgongoona iraûko cionthe rîrîa agûka gwakia taa.

Alawi 1:7

Athînjîri-Ngai acio nîmakaavanga ngû îgûrû rîa metha ya kîgongoona na makie mwaki.

Alawi 1:9

Nwatî nîakaathambia mara ma ndegwa îo vamwe na mathagiro, nake mûthînjîri-Ngai aivîvîrie îgûrû rîa metha ya kîgongoona rîrî îtega rîa kûvîvua. Mûtararûko wa îtega rîu nîûkenagia Ngai-Mûnene.

Alawi 16:17

Kuuma vîndî îrîa Aroni agaatonya vandû varîa vatheru Mûno kûrûtha mambura ma kûtheria nginya rîrîa akaauma, gûtirî mûndû wagîrîrwe nî kwîthîrwa arî îgemarî rîa Ngai-Mûnene vîndî îo. Athiria kûrûtha mambura make ke mwene, ma andû a mûciî wake na ma andû onthe a Isiraeli,

Alawi 16:19

Nwanginya akaaminjaminja nthakame îmwe îgûrû rîa metha ya kîgongoona maita mûgwanja na Kîamra gîake. Ûguo nîguo Aroni akaatheria metha ya kîgongoona kuumana na mevia ma andû a Isiraeli na amîamûre.

1Sam 1:1

Kwarî mûthuuri wetagwa Elikana ûrîa warî wa mûvîrîga wa Efiraimu. Elikana aarî mûvîcî wa Jerohamu, Jerohamu aarî mûvîcî wa Elihu, Elihu aarî mûvîcî wa Tohu, Tohu aarî mûvîcî wa Zufu, Zufu aarî wa mûvîrîga wa Efiraimu. Elikana aatûûraga îtûûrarî rîa Rama vûrûri ûrîa wîthagîrwa ûrî irîma nyîngî wa Efiraimu.