1Maû 6:32 - ÎVUKU RÎA ÛVORO MWARO

³² Nîmaarûmagîrîra mûvango wa ûtungata wa nyîmbo îgemarî rîa Ngai-Mûnene nginya rîrîa mûthamaki Solomoni aatumire hekarû kûu Jerusalemu.

1Maû 6:32 ပူးပေါင်းရင်းမြစ်များ

1Maû 6:10

Johanani aarî îthe wa Azaria. (Azaria nîke watungataga hekarûrî îrîa mûthamaki Solomoni aatumire Jerusalemu.)

1Maû 6:31

Mûthamaki Daudi nîwathuurire andû a gûtongoragia ûtungatarî wa nyîmbo hekarûrî. Maambîrîrie ûtungati ûcio îthandûkû rîa kîrîkanîro rîatonyua hekarûrî.

1Maû 6:33

Aya marûmîrîrîte nî andû arîa maatungataga vamwe na njiarwa ciao. Mbarî ya Kohathu kwarî na Herimani na aarî mûtongoria. Herimani aarî mûvîcî wa Joeli, Joeli aarî mûvîcî wa Samueli.

1Maû 9:33

Alawi amwe maarî aini a nyîmbo. Atongoria a nyomba ciao maatûûraga tûnyombarî twa hekarû na matiagaagîrwa mawîra mengî nîûndû maarutaga wîra ûtukû na mûthenya.

2Maû 31:2

Mûthamaki Hezekia nîwavangire athînjîri-Ngai na Alawi ikundi mwanya na akîgaîra wa mûndû wîra wa kûruta hekarûrî. Wîra ûcio warî ta wa kûruta matega ma kûvîvua na matega ma thayû, gûtungata ûgoocirî wa Ngai, gûcokia ngatho na gûkumia Ngai-Mûnene.

2Maû 35:15

Nao aini a nyîmbo kuuma mbarî ya Asafu nîmeekarîte varîa maathîtwe mekarage nî mûthamaki Daudi, Asafu, Hemani, na Jeduthuni ûrîa warî mwoni maûndû ma mûthamaki. Nao arangîri a ivingo mekarîte ivingorî irîa mekaragia. Gûtiarî na vata wao maume wîrarî nîûndû Alawi acio engî nîmaamavarîrîtie pasaka.

Ezira 6:18

Nao athînjîri-Ngai na Alawi nîmaaveerwe wîra wa ûtungata wa hekarû kûu Jerusalemu wata ûrîa wandîkîtwe îvukuurî rîa Musa.

Ezek 40:44

Ndarî ya kîvaro kwarî na tûnyomba twîrî twa aini a nyîmbo. Kamwe kaarî vakuvî na kîvingo Kîam mwena wa rûgûrû kerekerete na mwena wa îveti, na kau kengî kaarî mwena wa îveti kerekerete na mwena wa rûgûrû.