1Maû 5:25 - ÎVUKU RÎA ÛVORO MWARO

²⁵ Andû a mîvîrîga îno nîmaavîtîrie Ngai wa methe mao ma tene na nîmaagoocire ngai cia andû arîa Ngai aacûkangîtie makîonaga.

1Maû 5:25 ပူးပေါင်းရင်းမြစ်များ

2Atha 15:19

Tigilathi Pilesa, mûthamaki wa Asîria nîwatharîkîre vûrûrirî wa Isiraeli, na Menahemu Nîwamûvere kilo ngiri mîrongo îthatû na inya (34,000) cia sîlûva, nîguo Tigilathi Pilesa amûtethie gûtûma ûthamaki wake wîvande na athiî na mbere kwathana.

1Maû 5:24

Atongoria a mbarî ciao maarî: Eferi, Ishi, Elieli, Azirieli, Jeremia, Hodavia na Jahidieli. Maarî andû marî îgweta na njamba cia mbaara.

1Maû 9:1

Andû onthe a Isiraeli nîmaandîkirwe mûtaratara wao kûringana na njiarwa ciao. Marîîtwa mao nîmaandîkirwe îvukuurî rîa athamaki a Isiraeli. Andû a Juda maavirîtwe îthamîriorî Babuloni nîûndû wa kûrega gûtuîka evokeku kûrî Ngai.

Ntha 34:15

Mûtikaarûthe kîrîkanîro na andû a vûrûri ûcio, nîûndû vîndî îrîa makûgooca ngai ciao na makîirutagîra magongoona nwa mamwîte mûthiî mûkagwatanîre nao na mwavota kûgwa mageriorî wa kûrîa irio irîa itegeretwe ngai ciao.

Hosea 1:2

Rîrîa Ngai-Mûnene ambîrîrie kwaria na andû a Isiraeli na njîra ya Hosea nîwamerire atîrî: “Thiî ûgûre mûndûmûka mûmaraa na mûgîe ciana nake na njîra ya ûraa, nîûndû andû a vûrûri ûyû nîmareka mevia meengî mûno nîûndû wa kûndiganîria.”

Hosea 9:1

Mue andû a Isiraeli mûtigakene! Mûtigakûngûîre ta mavûrûri marîa mengî, nîûndû mwîthîrîtwe mûkîvûra ûmaraa, mûgatiganîria Ngai wenyu. Mûkenagîrîra mbeca cia ûmaraa, mûrî matîrirî monthe ma ngano.

Kûguû 17:5

Ûthiûrî wake nîvaandîkîtwe rîîtwa, na ûrîa rîîtwa rîu riugîte warî nthithorî. Rîîtwa rîu rîandîkîtwe atîrî: “Babuloni îrîa nene, ng'ina wa maraa monthe na kiumo Kîam maûndû marîa macûku mekagwa nthî.”

Atir 2:12

Nîmaatigire kûgooca Ngai-Mûnene ûrîa arî ke Ngai wa methe mao ma tene, ûrîa wamarutire vûrûrirî wa Misiri na makîambîrîria kûgooca ngai cia mîvuanano cia andû arîa maamathiûrûrûkîrîtie. Nîmaagoocire ngai icio na makîrakaria Ngai-Mûnene.

Atir 2:17

Nwatî Aisiraeli matiathîkîra atongoria acio. Nîmaaregire gûtuîka evokeku kûrî Ngai-Mûnene na makîgooca ngai ciîngî. Methe mao nîmaavingagia maathani ma Ngai-Mûnene, nwatî o nîmaatigire kûmûgooca.

Atir 8:33

Gideoni arîkia gûkua, andû a Isiraeli nîmaatigire kwîvoka Ngai rîngî na makîambîrîria kûgooca Baali. Nîmaatuire Baali-berithu ngai yao.