1Maû 5:20 - ÎVUKU RÎA ÛVORO MWARO

²⁰ Nîmaaigire mwîvoko wao kûrî Ngai na makîmûvoya amatethie. Nake Ngai nîwegwire mavoya mao na nîwamatethirie makîvoota andû a Hagiri vamwe na andû arîa maarî ngwatanîro nao.

1Maû 5:20 ပူးပေါင်းရင်းမြစ်များ

Kîam 25:21

Rebeka aarî nthata, na Isaka nîwavoire kûrî Ngai-Mûnene nîûndû wake. Ngai-Mûnene nîwegwire mavoya make na Rebeka akîgîa îvu.

Kîam 49:19

“Gadi akaatharîkîrwa nî gîkundi gîa acunani, nwatî nîakaavinyûrania nao na amatharîkîre.

1Atha 22:32

Kwoguo rîrîa anene acio a ikaari cia mbaara moonire Jehoshafati, onthe nîmoonire takwa aarî ke mûthamaki wa Isiraeli, na nîmaathiîre kûmûtharîkîra. Nwatî rîrîa Jehoshafati aaugire mbu,

1Maû 5:21

Nîmaatavire nyamû cia kûrîthua kuuma kûrî nthû ciao. Nacio ciarî: ngamîîra 50,000, ng'ondu 250,000 na mvunda 2,000 na andû 100,000 marî mîgwate.

1Maû 5:22

Nîmaaûragire andû a Hagiri eengî nîûndû nîmaatethagua mbaararî nî Ngai. Nao nîmaatûûrire vûrûrirî ûcio nginya rîrîa maavirirwe îthamîriorî.

2Maû 13:18

Kwoguo kavinda kau athigari a Isiraeli nîmaavootirwe. Nao athigari a Juda maavootanire nîûndû nîmeevokire Ngai-Mûnene, Ngai wa methe mao.

2Maû 18:31

Rîrîa anene acio a ikaari cia mbarathi moonire Jehoshafati, nîmeciririe atî nîke mûthamaki wa Isiraeli, kwoguo nîmaagarûrûkire nîguo mamûtharîkîre. Nwatî Jehoshafati nîwaugîrîrie na Ngai-Mûnene nîwamûtethirie. Ngai nîwatûmire andû arîa maamûtharîkagîra matige kûmûtharîkîra.

2Maû 20:12

Ûûi Ngai wetû, verithia andû aya nîûndû tue tûtirî na vinya wa kûrûa na athigari aya eengî ûguo maûkîte gûtûtharîkîra. Tûtiîcî nîtwîka atîa, nwatî we nîwe twetererete ûtûtethie.”

2Maû 26:7

Ngai nîwamûvotithirie kûvoota Afilisiti na Arabu arîa maarî Guribaali na kûvoota Ameuni.

2Maû 33:13

Ngai nîwegwire mavoya make na akîmwîguîrîra ntha. Kwoguo Ngai-Mûnene nîwamûvotithirie gûcoka Jerusalemu, ûthamakirî wake. Ûndû ûcio nîwatûmire Manase amenya atî Ngai-Mûnene, nî Ngai.

Ezira 8:23

Kwoguo nîtwenyerekirie na tûkîvoya Ngai atûgitîre, na nîwegwire mavoya metû.

Thaburi 37:39

Ngai-Mûnene nîavonokagia andû arîa athingu, na nîamagitagîra vîndî ya thîna.

Thaburi 37:40

Ngai-Mûnene nîamatethagia na akamavonokia; nîamavonokagia kuuma kûrî andû arîa aganu, nîûndû nîmathiîcaga kûrî ke amagitîre.

Thaburi 46:1

Ngai nîke mûgitîri wetû na vinya wetû, nîke ûtûtethagia vîndî cionthe rîrîa tûrî na thîna.

Thaburi 9:10

Arîa maicî rîîtwa rîaku nîmakwîvokete, nîûndû we Ngai-Mûnene ndûtiganagîria arîa magûcaragia.

Ntha 17:11

Vîndî îrîa yonthe Musa eethagîrwa aûkîrîrîtie njara ciake, andû a Isiraeli nîmaavootanaga. Na rîrîa agwîthia njara ciake Amaleki makambîrîria kûvootana.

Nthi 29:25

Gwîtigîra andû nî gwîtonyia mûtegorî we mwene, nwatî mûndû ûrîa wîvokaga Ngai-Mûnene ethagîrwa arî mûgitîre.

Jeremia 39:18

Nîûndû nama nîngaakûgitîra na ndûkaûragîrwa mbaararî; nwatî nîûkavonokia mwoyo waku nîûndû wîthîrîtwe ûrî mwîvokeku mbere yakwa. Ûguo nîguo nie Ngai-Mûnene nauga.”

Danieli 6:23

Nake mûthamaki nîwakenire mûno, na akîathana atî Danieli aguucue arutwe îrimarî rîa mînyambû. Nake nîwarutirwe kuo atarî mûtivie wanarî vandû, nîûndû nîwevokete Ngai wake.

Nahumu 1:7

Ngai-Mûnene nî mwaro, nîagitagîra andû ake vîndî ya thîna; nîagitagîra arîa onthe maûragîra kûrî ke.

Aefeso 1:12

Tigani tue arîa twathuurirwe na twarî a mbere kwîrîgîrîra Kristû tûkumie riiri wa Ngai!

Josh 10:14

Gûtianagîa mûthenya wîngî mbererî kana vuva wa mûthenya ûcio, rîrîa Ngai-Mûnene aathîkîre mûndû. Ngai-Mûnene nîke warûîrîre andû a Isiraeli.

Josh 10:42

Joshua nîwavootire athamaki acio onthe na mavûrûri mao na mbaara ya riita rîmwe nîûndû Ngai-Mûnene, Ngai wa Isiraeli nîke wamarûagîrîra.

Josh 23:10

Mûndû ûmwe gatagatîrî kenyu nwa atûme andû ngiri îmwe maûre nîûndû Ngai-Mûnene, Ngai wetû nîwatwîrire atî nîke ûgatûrûagîrîra.

1Sam 19:15

Nwatî Saûlo nîwamatûmire rîngî mathiî na mone Daudi o ene. Ke nîwamaathire mamûkuue arî gîtandarî gîake na mamûvirîre ke nîguo amûûrage.

1Sam 7:12

Samueli nîwacokire agîoca îthiga, na akîrîvanda vau gatagatî ka Mizipa na Sheni, na akîrîtuîra rîîtwa akîrîta “Îthiga rîa Ûtethio,” na akiuga atîrî, “Ngai-Mûnene nîatûtethetie nginya ûmûnthî.”