1Maû 5:2 - ÎVUKU RÎA ÛVORO MWARO

² Juda nîke wagîre vinya gatagatî ka aa mûrwang'ina acio engî, na mûthamaki aaumire mûvîrîgarî ûcio. Nwatî maûndû marîa maagîrîrwe kwîthîrwa marî ma Reubeni ma ûrikithathi maaverwe avîcî a Josefu.)

1Maû 5:2 ပူးပေါင်းရင်းမြစ်များ

Kîam 25:31

Nake Jakovu nîwamwîrire atîrî, “Mbere nwa wambire kûmenderie ûrikithathi waku.”

Kîam 35:23

Avîcî a Lea maarî: Reubeni (îrikithathi rîa Jakovu), Simeoni, Lawi, Juda, Isakaru, na Zebuluni.

Kîam 48:5

“Rîu avîcî aku aîrî Efiraimu na Manase, arîa wagîre nao ûrî vûrûrirî wa Misiri mbere ya mbûka nî akwa. Nîmataragwe marî akwa wata ûrîa Reubeni na Simeoni marî akwa.

Kîam 49:26

Irathimo cia aguo irî vinya gûkîra cia irîma cia tene na tene, ciîthîrwe irî mbaro gûkîra tûrîma twa tene. Irathimo icio iroîkara kîongorî Kîam Josefu, ciîkare kîthithirî Kîam ûrîa wamûranîtue na aa mûrwang'ina.

2Sam 8:15

Daudi nîwathanire Isiraeli kuonthe na agatwithanagia maciira kûrî andû ake onthe na kîvooto.

1Maû 28:4

Kûnarî ûguo, Ngai-Mûnene, Ngai wa Isiraeli nîwanthuurire kuuma kûrî nyomba ya vava nduîke mûthamaki wa Isiraeli nginya tene na tene. Nîwathuurire mûvîrîga wa Juda umage atongoria na kuuma mûvîrîgarî wa Juda nîwathuurire nyomba yetû, na kuuma mûciî wa vava nîwakenirue nînie na akîndua mûthamaki wa Isiraeli.

Thaburi 108:8

Gileadi nî yakwa, na Manase nî yakwa; Efiraimu nî ngovia yakwa ya kûgitîra kîongo, Juda nî mûragi wakwa wa ûtongoria.

Thaburi 60:7

Gileadi nî yakwa, na Manase nî yakwa; Efiraimu nî ngovia yakwa ya kûgitîra kîongo, nayo Juda nîyo mûragi wakwa wa ûthamaki.

Mika 5:2

Ngai-Mûnene augîte atîrî, “We Bethilehemu Efiratha, nîwe îtûûra rîrîa rînini mûno Juda. Nwatî mûndû ûrîa ûkaathana Isiraeli vandûrî vakwa akaauma kûrî we, na nîwa njiarwa cia methe ma tene.”

Ndari 2:3

“Andû a Juda makaamba magema mao mwena wa îrathîro vakuvî na vendera yao. Mûtongoria wao akeethîrwa arî Nahashoni mûvîcî wa Aminadabu.

Ndari 7:12

Mûndû ûrîa warutire îtega rîake mûthenya wa mbere kûrî Ngai-Mûnene aarî Nahashoni mûvîcî wa Aminadabu wa kuuma mîvîrîgarî wa Juda.

Mathaayo 2:6

‘We Bethilehemu vûrûrirî wa Juda, We tîwe mûnini mûno gatagatîrî ka matûûra ma Juda, nîûndû mûtongoria nî akauma kûrî we, ûrîa ûkaarîthia andû akwa a Isiraeli.’ ”

Aroma 8:29

Nîûndû andû arîa Ngai aathuurire kuuma wa tene nîwamamûrire matuîke ta Mûrû wake nîguo nake Mûrû wake atuîke îrikithathi rîa ciana nyîngî cia îthe ûmwe.

Gûco 21:17

Agîrîrwe nî kûva îrikithathi indo maita maîrî ma irîa angîva mwana ûrîa mûnini, wana ethîrwa îrikithathi tî rîa mûndûmûka ûrîa endete. Nwanginya agaîre îrikithathi rîu maita maîrî ma indo ciake kûringana na watho.

Gûco 33:17

Josefu arî vinya ta ndegwa, arî na mvîa ta cia mbogo. Nîagaatindîka andû a mavûrûri nacio, nîakaamatindîka onthe nginya mîthiia ya nthî; Andû a mbarî ya Efiraimu marî na vinya ta ûcio maita ngiri makûmi meengî, nao andû a mbarî ya Manase marî na vinya ta ûcio maita makiri.”

Ahib 7:14

Nîgwîcîkene waro atî ke aaumîte mûvîrîgarî wa Juda. Rîrîa Musa aaragia îgûrû rîa athînjîri-Ngai ndaagweta wanarî ûndû wîgiî mûvîrîga ûcio.

Josh 14:6

Andû amwe a kuuma mûvîrîgarî wa Juda nîmaathiîre kûrî Joshua kûu Giligali. Ûmwe wao aarî Kalebu mûvîcî wa Jefune wa mbarî ya Kenezi. Nake Kalebu nîwerire Joshua atîrî, “We nîwicî ûrîa Ngai-Mûnene eerire Musa mûndû wa Ngai ûvoro wîgiî nie nawe vîndî îrîa twarî Kadeshi-barinea.

Kûguû 5:5

Nake ûmwe gatagatîrî ka athuuri acio nîwambîrire atîrî, “Tiga kûrîra. Ta roria! Mûnyambû wa mûvîrîga wa Juda; na wa nyomba ya Daudi, nîavootanîte, na ke nwa avote gûtumûra ndumo icio mûgwanja na akûnjûre îvuku rîu rîa gîkûnjo.”

Atir 1:2

Nake Ngai-Mûnene nîwamacokerie atîrî, “Mûvîrîga wa Juda nîguo ûkûthiî ûrî wa mbere. Nie nînîmavete ûvootani îgûrû rîa vûrûri ûcio.”

1Sam 16:1

Nake Ngai-Mûnene nîwaûririe Samueli atîrî, “Nîûtûûra ûrîragîra Saûlo nginya rî? Nie nînîmûregete athiî na mbere arî mûthamaki wa Isiraeli. Îcûria mûcuva waku maguta ma mîtamaiyû îrîa îciaraga matunda na ûthiî Bethilehemu kwa mûndû wîtagwa Jesii, nîûndû nie nî nthuurîte ûmwe wa anake ake atuîke mûthamaki.”

1Sam 16:10

Na njîra wata îo, Jesse nîwaretire anake ake mûgwanja kûrî Samueli. Nake Samueli nîwerire Jesse atîrî, “Naarî, gûtirî wanarî ûmwe wa aya ûthuurîtwe nî Ngai-Mûnene.”

1Sam 16:12

Kwoguo Jesii nîwamûtûmanîre na akîretwe. Nake aarî mwanake mûthaka, wîna vinya na aarî na metho maakengaga. Nake Ngai-Mûnene nîwerire Samueli atîrî, “Mûndû nî ûyû. Ûkîra na ûmwîtîrîrie maguta.”