1Maû 4:9 - ÎVUKU RÎA ÛVORO MWARO

⁹ Jabezi aarî mûve gîtîîo mûno gûkîra aa mûrwang'ina. Ng'ina aamûtuîrîrîte rîîtwa rîa Jabezi nîûndû aarî na ûrûrû mwîngî mûno akîmûciara.

1Maû 4:9 ပူးပေါင်းရင်းမြစ်များ

Kîam 3:16

Ngai-Mûnene, Ngai nîwacokire akîra mûndûmûka atîrî, “Nîngaakwongerera mathîna vîndî îrîa yonthe ûkethagîrwa ûrî îvu, na ngwongagîrîre ûrûrû vîndî ya gûciara. Wana kûnekariî ûguo, we ûkeriragîria mûthuuriguo, nake agaakwathaga.”

Kîam 34:19

Shekemu ndaata kavinda atekîte ûguo eerirwe, nîûndû nîwendete Dina mwarî wa Jakovu. Shekemu nîke waveetwe gîtîîo mûno kwao mûciî.

Kîam 35:18

Rakeli nîkwa aakucaga, nwatî mbere ya atigithana, nîwetire kaana kau Benoni, nwatî îthe agîgeta Benjamini.

1Maû 4:10

Nwatî Jabezi nîwavoire Ngai wa Isiraeli akiuga atîrî, “Ngai ndathima na ûnenevie mîvaka ya vûrûri wakwa. Îthagîrwa ûrî vamwe nanie na ûngitagîre kuuma kûrî ûndû wonthe mûcûku ûrîa ûngîtûma mbîthîrwe na ûrûrû.” Ngai Nîwamûvere kîrîa aavoire.

1Maû 4:8

Kozi aarî îthe wa Anubi, Zobeba, na îthe wa tene wa mbarî ya Ahariheli mûvîcî wa Harumu.

1Maû 7:23

Efiraimu nîwamenyanire kîîmwîrî na mûka rîngî na agîciara mûvîcî ûrîa maatuîrîre rîîtwa Beria, nîûndû wa mathîna marîa maaûkîte kwao mûciî.

Nthi 23:25

Tûma aguo na nyûkwe makene nîwe, tûma nyûkwe ûrîa wagûciarire acanjamûke.

Isaia 43:4

Nîûndû mûrî andû a vata mbere yakwa, na nîmûtîîte na ngamwenda, nie nîngûnenganîra andû nîûndû wenyu, nîngûnenganîra mavûrûri nîguo nîmûvonokie.

Ciîko 17:11

Ayahudi arîa maarî Berea nîmeendaga kûmenya maûndû gûkîra arîa maarî Thesalonike. Nao nîmaathikîrîrie ndûmîrîri îo marî na wendi mwîngî, na wa mûthenya wa mûthenya nîmaatuîragia Mandîkorî Matheru nîguo mone kana maûndû marîa Paûlo aaragia maarî ma ma.

1Sam 4:21

Nake nîwatuîrîre kaana kau rîîtwa Ikabodi. Vîndî wa îo nîwataarîrie na akiuga atîrî, “Riiri wa Ngai nîûthengutîte Isiraeli.” Oorotaga gûtavwa kwa îthandûkû rîa Kîrîkanîro rîa Ngai vamwe na gîkuû Kîam îthe wa mûthuuriwe marî na mûthuuriwe.