1Maû 4:10 - ÎVUKU RÎA ÛVORO MWARO

¹⁰ Nwatî Jabezi nîwavoire Ngai wa Isiraeli akiuga atîrî, “Ngai ndathima na ûnenevie mîvaka ya vûrûri wakwa. Îthagîrwa ûrî vamwe nanie na ûngitagîre kuuma kûrî ûndû wonthe mûcûku ûrîa ûngîtûma mbîthîrwe na ûrûrû.” Ngai Nîwamûvere kîrîa aavoire.

1Maû 4:10 ပူးပေါင်းရင်းမြစ်များ

Kîam 12:2

Nanie nîngaakûva njiarwa nyîngî nacio nîigaatuîka rûrîrî rûnene. Nie nîngaakûrathima na ndûme rîîtwa rîaku rîgîe îgweta. Nawe ûtuîke kîrathimo.

Kîam 12:8

Vuva wa ûguo Aburamu nîwathiîre irîmarî irîa irî mwena wa îrathîro wa Betheli, na akîamba îgema rîake gatagatî ka Betheli na Ai. Betheli yarî mwena wa îthûîro, nayo Ai mwena wa îrathîro. Nake Aburamu nîwatumîre Ngai-Mûnene metha ya kîgongoona vau na akîgooca Ngai-Mûnene arî vo.

Kîam 28:20

Jakovu nîwacokire akîîvîta kûrî Ngai akiuga atîrî, “Ethîrwa ûkethagîrwa ûrî vamwe nanie, na ûngitagîre rûgendorî rwakwa, na ûmvecage irio na nguo,

Kîam 28:21

na ûgaatûma njoke mûciî kwa vava na thayû, we Ngai-Mûnene, nîûgaatuîka Ngai wakwa.

Kîam 32:26

Nake mûndû ûcio nîwerire Jakovu atîrî, “Tiga nthiî nîûndû kûthiîte gûkîa.” Nake Jakovu nîwamûcokerie atîrî, “Ndingîkûrekereria ûthiî ûtandathimîte.”

Kîam 32:27

Mûndû ûcio nîwaûririe Jakovu atîrî, “Wîtagwa atîa?” Nake nîwacokirie atîrî, “Jakovu”.

Kîam 32:28

Nake mûndû ûcio nîwerire Jakovu atîrî, “We ndûgeetwa Jakovu rîngî nîûndû nîwagiana na Ngai na andû na wavootana, we ûgeetagwa Isiraeli.”

Kîam 33:20

Jakovu nîwatumire metha ya kîgongoona na agîta vandû vau Eli.

Kîam 48:16

Mûraika ûrîa wamvonokirie kuuma mîtinorî yonthe arotûrathima! Rîîtwa rîakwa na marîîtwa ma methe makwa Iburahimu na Isaka marotûûrua na njîra ya twana tûtû! Twana tûtû tûrogîa na ciana nyîngî na njiarwa nyîngî!”

1Maû 16:8

Cokiani ngatho kûrî Ngai-Mûnene, mwanîrîre ûnene wake, menyithiani andû maûndû marîa ekîte.

1Maû 4:11

Kelubu, mûrwang'ina na Shuha aarî îthe wa Mehiru. Nake Mehiru aarî îthe wa Eshitoni.

1Maû 4:9

Jabezi aarî mûve gîtîîo mûno gûkîra aa mûrwang'ina. Ng'ina aamûtuîrîrîte rîîtwa rîa Jabezi nîûndû aarî na ûrûrû mwîngî mûno akîmûciara.

Ayubu 12:4

Nie natuîkire wa kûthekagîrîrwa nî arata akwa; nie naavoire Ngai na akîmbîgua; nie mûndû mûthingu na mwîvokeku, nduîkîte wa kûthekererwa.

Thaburi 119:173

Vîndî cionthe îthagîrwa wîvarîrîtie kûndethia, nîûndû nînthuurîte kûrûmîrîra mawatho maku.

Thaburi 121:7

Ngai-Mûnene agaakûgitagîra kuuma kûrî maûndû monthe macûku; akaamenyagîrîra mwoyo waku.

Thaburi 145:19

Nîavingagia mavata ma arîa onthe mamûtîîte, nîegucaga kîrîro Kîamo na akamavonokia.

Thaburi 21:4

Aakûûririe ûmûve ûtûûro, na Nîwamûvere guo, na nîwamûvere ûtûûro wa tene na tene.

Thaburi 51:12

Njokeria gîkeno Kîam ûvovokio waku, na ûmbîkîre wendi wa gûkwathîkîra.

Thaburi 51:8

Mbîcûria gîkeno na ûnjanjamûre; na wana ethîrwa nî ûnthirîtie vinya, nî ngwîcûrwa nî gîkeno rîngî.

Thaburi 55:16

Nwatî nînîrakaîra Ngai, na Ngai-Mûnene nîakûmvonokia.

Thaburi 65:2

Nîûndû we nîwîgucaga mavoya metû. Andû onthe nîmagaaûka kûrî we,

Thaburi 72:17

Rîîtwa rîa mûthamaki rîrotûûra rîririkanagwa tene na tene, ngumo yake îrotûûra vîndî rîrîa riûa rîgûtûûra rîaraga. Mavûrûri monthe marovoyaga Ngai amarathime, ta ûrîa arathimîte mûthamaki.

Thaburi 99:6

Musa na Aroni maarî amwe a athînjîri-Ngai ake, Samueli wanake aarî ûmwe wa arîa maamûvoire; nîmaakaîre Ngai-Mûnene na nîwamegwire.

Nthi 10:22

Irathimo cia Ngai-Mûnene nîcio itûmaga mûndû atonge, na ndarî kîeva aretanagîria na irathimo icio.

Nthi 30:8

Nthengutîria mîario ya maveeni na kûrega kwîvokeka ndûgatûme nduîke mûthîni mûno kana mûtongu mûno, mvecaga irio cia kwîgana,

Isaia 41:10

Tiga gwîtigîra, nîûndû nîrî vamwe nawe, ndûkegue guoya, nîûndû nînie Ngai waku! Nîngaakwongerera vinya na ngûtethie, nîngaagûtirîrîra na njara yakwa ya ûthingu.

Isaia 41:17

“Rîrîa athîni na avatari maracaria manjî matakûmona, na rîrîa mîmero yao îrî mîng'arûku nî kûnyonda, nînie Ngai-Mûnene ngaamacokeria, nie Ngai wa Isiraeli ndikaamatiganîria.

Jeremia 33:3

“Mbîta na nîngûgwîtîka na ngwîre maûndû manene marî nthithorî marîa ûtaicî.

Mathaayo 26:75

Nake Petero nîwaririkanire ûrîa Jesû aamwîrîte atî, “Mbere ya ngûkû îgambe nîûkwîthîrwa ûngaanîte maita mathatû.” Nake Petero nîwaumire nja na akîrîra arî na ûrûrû mwîngî mûno.

Mathaayo 6:13

Ndûgatûvire mageriorî, nwatî ûtûvonokie kuuma kûrî Ûrîa Mûcûku.’

Luka 19:42

akiugaga atîrî, “Naarî kethîrwa mwamenya maûndû marîa marendekana ûmûnthî nîûndû wa thayû! Nwatî rîu mûtiravota kûmona!

Johana 10:28

Nie nînîivecaga mwoyo wa tene na tene, na itigaakua rî kana rî. Gûtirî mûndû ûngînjuna cio.

Johana 21:17

Jesû nîwacokire akîmûria riita rîa kathatû atîrî, “Simoni mûrû wa Johana, nîûmendete?” Nake Petero nîwatuurirwe nîûndû Jesû nîwamûririe riita rîa kathatû, “Nîûmendete?” Kwoguo nîwamwîrire atîrî, “Mwathani, we nîwîcî maûndû monthe; we nîwîcî atî nîngwendete!” Nake Jesû nîwamwîrire atîrî, “Rîthagia ng'ondu ciakwa.

Ciîko 3:26

Kwoguo Ngai nîwathuurire Ndungata yake na akîmîtûma kûrî mue mbere, nîguo îmûrathime na îtûme wa mûndû wa wonthe agarûrûke atige mîtugo yake ya waganu.”

Aroma 12:9

Nwanginya wendani wenyu ûtuîke wa ma. Menani ûndû ûrîa mûcûku na mûnyitie na vinya maûndû marîa maro.

Aroma 16:19

Etîkia onthe nîmamenyete atî nîmwathîkagîra Ûvoro ûrîa mwaro, na nîûndû wa gîtûmi gîkî, nie nîngenaga nîûndû wenyu. Nie nîrenda mue mwîthagîrwe mûrî aûgî maûndûrî marîa maro, nwatî ûvororî wîgiî maûndû marîa macûku, îthagîrwani mûtarî na ûcuke.

1Akor 1:2

nîtwamwandîkîra maarûa mue kanitha wa Ngai ûrîa ûrî îtûûrarî rîa Korinitho na kûrî arîa onthe metîtwe matuîke andû a Ngai arîa matuîkîte ake marî na ûrûmwe na Jesû Kristû. Mue mwîtîtwe mûtuîke andû a Ngai mûrî vamwe na andû onthe arîa marî kûndû kuonthe na magoocaga Mwathani wetû Jesû Kristû ûrîa arîke Mwathani wao na wetû:

Aefeso 1:3

Tigani tûkumie Ngai Îthe wa Mwathani wetû Jesû Kristû! Tûrî kîndû kîmwe na Kristû, Ngai nîatûrathimaga na irathimo cionthe cia kîîroho irîa irî îgûrû.

Aefeso 3:20

Ngai arokumua na njîra ya vinya wake ûrîa ûrutaga wîra ndaarî yetû, ke nîavotaga gwîka maûndû meengî mûno makîria ya marîa tûngîmûria wana kana tûngîciria.

Aefeso 4:30

Na mûtikegwithie Roho Mûtheru wa Ngai kîeva. Roho nî rûûri rwa Ngai rwa kwonania atî mûrî ake. Ngai aamûveere Roho nîguo onanie na ma atî nîakaamûtethûra rîrîa mûthenya wa mûthiia ûgaakinya.

2Tim 4:18

Nake Mwathani nîakûndethûra maûndûrî monthe macûku na amvire Ûthamakirî wa îgûrû amenyererete. Mwathani arokumua tene na tene! Ameni.

Kûguû 3:19

Andû arîa nie mendete nîmakaanagia na ngamaverithia. Kwoguo gîani na kîîo na mwîrire.

1Sam 1:17

Nake Eli nîwacokirie na akiuga atîrî, “Thiî na thayû, nake Ngai wa Isiraeli arokûva kîrîa wamûvoya.”

1Sam 1:20

Kwoguo vîndî îrîa kavinda kagîrîru gaakinyire, Hana nîwagîre nda na agîciara kavîcî. Ke aagatuîrîre rîîtwa Samueli na akiuga atîrî, “Nie naavoire Ngai-Mûnene amve ko.”

1Sam 1:26

Nake Hana nîwaugire atîrî, “Ta mbîtîkîria mwathi wakwa! Wata ûrîa mwathi wakwa ûgûtûûra mwoyo, nie nînie mûndûmûka ûrîa warûngamîte mbere yaku ngîvoya Ngai-Mûnene.

1Sam 1:27

Nie naavoyaga mvewe mwana ûyû; nake Ngai-Mûnene nîamvete kîrîa nie naamûvoire.