1Maû 3:13 - ÎVUKU RÎA ÛVORO MWARO

¹³ Jothamu aarî îthe wa Ahazi, Ahazi aarî îthe wa Hezekia, Hezekia aarî îthe wa Manase,

1Maû 3:13 ပူးပေါင်းရင်းမြစ်များ

2Atha 16:1

Mwakarî wa îkûmi na mûgwanja (17) Peka, mûvîcî wa Remalia arî mûthamaki wa Isiraeli, Ahazi mûvîcî wa Jothamu nîwatuîkire mûthamaki wa Juda

2Atha 16:20

Ahazi nîwakwire na akîthikwa mbîrîrarî cia athamaki îtûûrarî rînene rîa Daudi; nake mûvîcî Hezekia nîwatuîkire mûthamaki vuva wake.

2Atha 18:1

Mwakarî wa kathatû Hosea, mûvîcî wa Ela arî mûthamaki wa Isiraeli, Hezekia, mûvîcî wa Ahazi nîwatuîkire mûthamaki wa Juda.

2Atha 20:21

Hezekia nîwakwire, nake mûvîcî Manase agîtuîka mûthamaki vuva wake.

1Maû 3:12

Joashi aarî îthe wa Amazia, Amazia aarî îthe wa Uzia, Uzia aarî îthe wa Jothamu,

1Maû 3:14

Manase aarî îthe wa Amoni, nake Amoni aarî îthe wa Josia.

1Maû 4:41

Andû acio mandîkîtwe marîîtwa mao, nîmaaûkire vûrûrirî ûyû vîndî îrîa Hezekia aarî mûthamaki wa Juda. Nao nîmaatharîkîre njiarwa cia Hamu na magîcûkangia magema mao na makîrûa na Meuni arîa maatûûraga kuo. Nîmaamavinyûririe na magîtûûra kuo nginya ûmûnthî nîûndû kwarî kûndû kwaro gwa kûrîthua.

2Maû 29:1

Hezekia aatuîkire mûthamaki wa Juda arî na ûkûrû wa mîaka mîrongo îîrî na îtano (25). Nîwathanire arî Jerusalemu îvinda rîa mîaka mîrongo îîrî na kenda (29). Ng'ina eetagwa Abija na aarî mwarî wa Zakaria.

2Maû 33:1

Manase aatuîkire mûthamaki wa Juda arî na ûkûrû wa mîaka îkûmi na îîrî (12). Nîwathanire arî Jerusalemu îvinda rîa mîaka mîrongo îtano na îtano (55).