1Maû 3:11 - ÎVUKU RÎA ÛVORO MWARO

¹¹ Jehoshafati aarî îthe wa Jehoramu, Jehoramu aarî îthe wa Ahazia, Ahazia aarî îthe wa Joashi,

1Maû 3:11 ပူးပေါင်းရင်းမြစ်များ

1Atha 22:50

Jehoshafati nîwakwire na akîthikwa mbîrîrarî irîa ciathikagwa athamaki îtûûrarî rîa Daudi. Mûvîcî Jehoramu nîwatuîkire mûthamaki vuva wake.

1Atha 22:51

Mwakarî wa îkûmi na mûgwanja (17) Jehoshafati arî mûthamaki wa Juda nîrîo Ahazia mûvîcî wa Ahabu aatuîkire mûthamaki wa Isiraeli. Aathanire kûu Isiraeli arî Samaria îvinda rîa mîaka îîrî (2).

2Atha 11:2

Nwatî Jehosheba, mwarî wa mûthamaki Joramu nîwocire Joashi, mûvîcî wa Ahazi na nthitho kuuma gatagatîrî ka anake a mûthamaki arîa maarî vakuvî kûragwa. Nîwamûthithire nyombarî ya kûmama marî na mûndû ûrîa wamûtungataga. Jehosheba aarî mwarwang'ina na Ahazia. Ûguo nîguo Jehosheba aathithire Joashi nîguo Athalia ndakamwone amûûraga.

2Atha 11:21

Joashi aatuîkire mûthamaki wa Juda arî na ûkûrû wa mîaka mûgwanja (7).

2Atha 12:1

Mwakarî wa mûgwanja Jehu arî mûthamaki wa Isiraeli, Joashi nîwatuîkire mûthamaki wa Juda, na nîwathanire arî Jerusalemu îvinda rîa mîaka mîrongo îna (40). Ng'ina wa Joashi eetagwa Zibia kuuma îtûûra rînene rîa Beerisheba.

2Atha 8:16

Mwakarî wa gatano Joramu, mûvîcî wa Ahabu arî mûthamaki wa Isiraeli, Jehoramu, mûvîcî wa Jehoshafati nîwatuîkire mûthamaki wa Juda.

2Atha 8:24

Kwoguo Jehoramu nîwakwire na akîthikwa mbîrîrarî cia methe make kûu îtûûrarî rîrîa înene rîa Daudi; nake Ahazia, mûvîcî nîwatuîkire mûthamaki vuva wake.

2Atha 8:25

Mwakarî wa îkûmi na îîrî Joramu, mûvîcî wa Ahabu arî mûthamaki wa Isiraeli, Ahazia, mûvîcî wa Jehoramu nîwatuîkire mûthamaki wa Juda.

1Maû 3:10

Ûyû nîguo mûtaratara wa njiarwa cia Mûthamaki Solomoni. Solomoni aarî na mûvîcî wetagwa Rehoboamu. Rehoboamu aarî îthe wa Abija, Abija aarî îthe wa Asa, Asa aarî îthe wa Jehoshafati,

1Maû 3:12

Joashi aarî îthe wa Amazia, Amazia aarî îthe wa Uzia, Uzia aarî îthe wa Jothamu,

2Maû 21:1

Jehoshafati nîwakwire na akîthikwa mbîrîrarî irîa ciathikagwa athamaki îtûûrarî rîa Daudi, nake mûvîcî Jehoramu nîwatuîkire mûthamaki vuva vake.

2Maû 21:17

Nao nîmaatharîkîre Juda na magîtava ûtonga wonthe ûrîa warî nyomba kwa mûthamaki Jehoramu wana avîcî ake na aka ake. Mûvîcî ûrîa warî mûnini mûno wetagwa Ahazia nwake wenga watigirwe.

2Maû 22:6

Joramu nîwacokire îtûûrarî rîa Jezireeli nîguo akavonie ironda irîa aagîte nacio arî mbaararî Ramothi-gileadi vîndî îrîa maarûaga na Hazaeli, mûthamaki wa Sîria. Nake Ahazia mûvîcî wa Jehoramu, mûthamaki wa Juda, nîwanyûrûrûkire akîthiî Jezireeli gûcerera Joramu mûvîcî wa Ahabu nîûndû aarî mûrwaru.

2Maû 24:1

Joashi aatuîkire mûthamaki arî na ûkûrû wa mîaka mûgwanja (7). Nîwathanire arî Jerusalemu îvinda rîa mîaka mîrongo îna (40). Ng'ina eetagwa Zibia na aarî wa kuuma îtûûrarî rîa Beerisheba.