1Maû 29:2 - ÎVUKU RÎA ÛVORO MWARO

² Nîngeretie wata ûrîa nîngîvota kûvarîria indo cia gûtuma hekarû ya Ngai. Indo icio nîta: Thaavu nîûndû wa indo cia thaavu, sîlûva nîûndû wa indo cia sîlûva, gîcango nîûndû wa indo cia gîcango, cuuma nîûndû wa indo cia cuuma, na mbaû nîûndû wa indo cia mbaû. Nîmvecanîte mathiga meengî ma goro metagwa onigithi, mathiga ma kûgemia, mathiga ma rangi cia mîthemba mîîngî, mathiga ma goro ma mîthemba yonthe.

1Maû 29:2 ပူးပေါင်းရင်းမြစ်များ

Kîam 2:12

(Kûu vûrûrirî ûcio kûrî thaavu mbaro mûno, maguta manungaga waro na matonekaga narua, na tûthiga twa goro.)

1Maû 29:19

Îkîra ngororî ya mûvîcîwa Solomoni wendi wa gûtûûra avingagia maathani maku, kîrîra na watho waku nîguo avote gûtuma nyomba îrîa mvarîrîtie.”

1Maû 29:3

Kuuma mûthithûrî wakwa nie mwene nîmvecanîte thaavu na sîlûva nîûndû wa wendo ûrîa nîrî naguo wa hekarû ya Ngai wakwa.

2Maû 3:6

Mûthamaki nîwacokire akîmîgemia na mathiga ma goro na thaavu ya kuuma Parivaimu.

Ayubu 28:1

Nama kûrî kûndû gwa kwînja sîlûva, na gwa kûthereria thaavu.

Ayubu 28:16

Ûrî goro gûkîra thaavu ya Ofiri, na gûkîra mathaga ma goro.

Ntha 28:17

Ûkaagemia na mîvari îna ya mathiga ma goro. Mûvari wa mbere wîthîrwe ûrî wa mathiga ma wakiki îrîa ndune, yakuti, na mbaregathu.

Ntha 28:20

Mûvari wa kana ûkaawîkîra îthiga rîa mûthemba wa thumarati îrîa ntheru, na onigithi, na Jathiti. Mathiga mau ma goro ûmamundîrîre tûnyamûrî twa thaavu twa kûmanyitîrîra.

Ntha 28:9

Na ûgooca mathiga maîrî ma goro ma marangi meengî metagwa Karineli na wandîke mathigarî mau marîîtwa ma avîcî arîa îkûmi na aîrî a Jakovu.

Ntha 39:13

Mûvari wa kana warî wa mathiga ma thumarati îrîa ntheru, onigithi, na Jathibi. Mathiga mau ma goro maamundîrîrwe tûnyamûrî twa kûmanyitîrîra twa thaavu.

Ntha 39:6

Nîmoocire mathiga ma goro mûthemba wa karineli makîmamundîrîra vandû vamwe vaarûthîtwe na thaavu. Mathigarî mau maaumirue nî mûndû warî na wara na makîandîkwa marîîtwa îkûmi na maîrî ma avîcî a Isiraeli.

Mûvunjia 9:10

Rutaga wîra waku na vinya yaku yonthe nîûndû kwa arîa akuû gûtirî kûruta wîra, kana gwîciiria, gûtirî ûmenyo kana ûûgî na kûu nîkuo ûthiîte.

Mathaayo 4:24

Nayo ngumo yake nîyatambire vûrûrirî wonthe wa Sîria. Kwoguo andû nîmaamûvirîre andû onthe arîa maarî arwaru na maarî na mîrimû ya mîthemba yonthe: ndaimono, kîvava na kwonja ciîga cia mwîrî. Jesû nîwamavonirie onthe.

2Akor 8:3

Nie nwa nîmwîre na ma atî nîmaavecanire kûringana na ûvoti wao, wana makîria ya ûvoti wao. Na njîra ya wendi wao

Akol 3:23

Ûndû wa wonthe ûrîa mûgekaga, wîkageni na wendi takwa mûrarutîra Mwathani wîra nwatî tî andû.