1Maû 29:11 - ÎVUKU RÎA ÛVORO MWARO

¹¹ Ûnene, vinya, riiri, ûvootani na gîtîîo nî ciaku we Ngai-Mûnene. Îgûrû na nthî na indo cionthe irîa irî kuo, nî ciaku nîûndû ûthamaki nî waku we Ngai-Mûnene, na nîwe mûnene gûkîra anene onthe.

1Maû 29:11 ပူးပေါင်းရင်းမြစ်များ

Kîam 1:1

Kîambîrîriarî Ngai nîwaûmbire îgûrû na nthî.

Kîam 14:19

Nîwamûrathimire na akiuga atîrî, “Ngai ûrîa ûrî Îgûrû Mûno, ûrîa waûmbire îgûrû na nthî arorathima Aburamu!

Kîam 14:22

Aburamu nîwamûcokerie atîrî, “Nie nîngwîvîta nîrî mbere ya Ngai-Mûnene, Ngai ûrîa ûrî Îgûrû Mûno, na ûrîa waûmbire îgûrû na nthî

1Maû 29:10

Daudi nîwakumirie Ngai-Mûnene arî mbere ya andû onthe arîa maagomanîte akiuga atîrî, “Ûrokumua we Ngai-Mûnene, Ngai wa Isiraeli îthe wetû!

2Maû 20:6

na nîwavoire akiugaga atîrî, “Ngai-Mûnene, Ngai wa methe metû, kinthî tîwe Ngai ûrîa ûrî Îgûrû? Na kinthî tîwe wathaga mothamaki monthe ma nthî? We ûrî na vinya na ûvoti, kwoguo gûtirî mûndû ûngîgwîtirîria.

Nehemia 9:5

Alawi aya: Jeshua, Kadimieli, Bani, Hashabineia, Sherebia, Hodia, Shebania, Pethania nîmaaugire atîrî, “Rûngamani mûkumie Ngai-Mûnene, Ngai wenyu, mûmûkumie tene na tene! Tiga andû onthe makumie rîîtwa rîake rîrîa rîrî na riiri, goocani rîîtwa rîake rîrîa rînene gûkîra irathimo na ûkumio wonthe.”

Ayubu 37:22

Aûkaga arî na riiri ta wa thaavu aumîte mwena wa rûgûrû, Na riiri wake nîûtûmaga arîa mamwonaga mamwîtigîre.

Thaburi 10:16

Ngai-Mûnene nî mûthamaki tene na tene, andû arîa magoocaga ngai ciîngî nî makaathira vûrûrirî wake.

Thaburi 103:19

Ngai-Mûnene nîaigîte gîtî gîake Kîam ûthamaki kûu îgûrû, ke nî mûthamaki wa indo cionthe.

Thaburi 104:1

Ngoro yakwa, kumia Ngai-Mûnene! We Ngai-Mûnene, Ngai wakwa, kaî wî mûnene-î! We wîkîrîte gîtîîo na riiri,

Thaburi 145:1

Nîngûkwambararia we Ngai wakwa, mûthamaki wakwa; na ngumagie rîîtwa rîaku tene na tene.

Thaburi 145:6

Andû makaragia ûvoro wa ciîko ciaku cia vinya, nanie ngaanagîrîra ûnene waku.

Thaburi 21:13

Ûrokumua, we Ngai-Mûnene, nîûndû wa vinya waku mûnene! Tûkaaina na tûkumie ûvoti waku.

Thaburi 29:4

Mûgambo wa Ngai-Mûnene ûrî vinya, mûgambo wa Ngai-Mûnene wîcûrîtwe nî riiri.

Thaburi 46:10

Augaga atîrî, “Vorerani, na mûmenye atî nînie Ngai, nînie mvetwe gîtîîo mavûrûrirî monthe, nînie ndîîtwe nthî yonthe.”

Thaburi 47:9

Atongoria a mavûrûri nîmagomanîte, magomanîte vamwe na andû a Ngai wa Iburahimu, nîûndû arî vinya gûkîra athigari onthe a mbaara; nîatîîtwe gûkîra athani onthe.

Thaburi 57:11

Ûrokumua, we Ngai, ûrî kûu îgûrû matuurî, naguo riiri waku wîcûre nthî yonthe.

Thaburi 57:5

Ûrokumua, we Ngai, ûrî kûu îgûrû mûno, naguo riiri waku wîcûre nthî yonthe.

Thaburi 57:6

Nthû ciakwa ciambîte mûtego nîguo ingwatithie; nanie nîmbîcûrîtwe nî kîeva. Maamînjîrîte îrima varîa mvîtûkagîrîra, nwatî o ene nîo magwîte kuo.

Thaburi 89:11

Îgûrû nî gwaku, nthî wana yo nî yaku, nthî na indo cionthe irîa irî kuo nîwe waciûmbire,

Thaburi 97:1

Ngai-Mûnene nî arathana, kena we nthî. Kenani, mue icîgîrîra irîa irî îriarî!

Thaburi 97:9

We Ngai-Mûnene, nîwe wathaga nthî yonthe; ûrî mûnene gûkîra ngai cionthe cia mîvuanano.

Thaburi 98:1

Inîrani Ngai-Mûnene rwîmbo rûcerû, nîûndû nîekîte maûndû ma magegania! Vinya wake na ciîko ciake ntheru nîitûmîte avootane.

Thaburi 99:1

Ngai-Mûnene nî mûthamaki, andû nî mateteme. Ekarîrîte gîtî Kîam ûthamaki îgûrû rîa Akerubi; nayo nthî nîîthingithe.

Isaia 12:4

Mûthenya ûcio nîmûkaaina atîrî, “Cokeriani Ngai-Mûnene ngatho! Mûvoeni mûkîgwetaga rîîtwa rîake. Menyithiani mavûrûri maûndû marîa ekîte, na mwanîrîre atî rîîtwa rîake nî rînene.

Isaia 42:5

Ûguo nîguo Ngai-Mûnene arauga, ûrîa waûmbire îgûrû na akîrîtambûrûkia, nîke waûmbire nthî na indo cionthe irîa irî kuo, nîke ûvecaga andû arîa matûûraga kuo mîvevû, na akava mwoyo arîa matûûraga kuo.

Isaia 66:1

Ngai-Mûnene arauga atîrî, “Îgûrû nî gîtî gîakwa Kîam ûnene, nayo nthî nî njûng'wa ya kwigîrîra magûrû makwa. Nî nyomba ya mûthemba ûrîkû mûngîndumîra, na nî vandû vekariî atîa nîngîvota gûtûûra?

Jeremia 27:5

Nînie naûmbire nthî na ngîûmba andû na nyamû cionthe irîa irî kuo na ûvoti na vinya wakwa na nîmîvecaga mûndû wa wonthe ûrîa ngwona agîrîrîte.

Danieli 2:20

na akiuga atîrî, “Rîîtwa rîa Ngai rîrorathimwa tene na tene! Ke nî mûûgî na arî vinya.

Danieli 4:3

Ciama ciake nî nene na morirû make marî vinya mûno. Ûthamaki wake nî wa tene na tene na nîatûûra athanaga njiarwa na njiarwa.

Danieli 4:30

nîwaugire atîrî, “Ta roria îtûûra rîîrî rînene ûguo rîa Babuloni! Nînie nîrîtumîte nîguo monanie vinya, ûvoti riiri na wathani wakwa.”

Danieli 4:32

We nîûkengatwa ume kûrî andû, ûthiî mûgatûûrage na nyamû cia kîthaka. Ûkaarîcaga nyaki ta ndegwa îvinda rîa mîaka mûgwanja. Vîndî îo nîûkaamenya, atî Ngai Ûrîa ûrî Îgûrû Mûno nîke ûrî vinya îgûrû rîa mothamaki monthe ma nthî na nîavecaga mûndû wa ûrîa akwenda ûthamaki.”

Mathaayo 6:13

Ndûgatûvire mageriorî, nwatî ûtûvonokie kuuma kûrî Ûrîa Mûcûku.’

1Tim 1:17

Mûthamaki ûrîa ûtûûraga tene na tene, ûrîa ûtathiraga na ûtonekaga na nwake Ngai tu, arotîîwa na agakumua tene na tene! Ameni.

Ahib 1:3

Ke onanagia ûkengu wa riiri wa Ngai na akonania mûvano wa ma wa ûrîa Ngai ekariî. Nîanyitîrîte nthî yonthe na kiugo gîake kîrîa kîrî vinya. Vuva wa kûtheria mevia ma mûndû, nîwekarire mwena wa ûrîo wa Ngai mwene vinya wonthe kûu îgûrû.

Josh 3:11

Taroriani, îthandûkû rîa kîrîkanîro Kîam Mwathani wa nthî yonthe rîkaaringa rûnjî rwa Jorodani,

Josh 3:13

Athînjîri-Ngai arîa makuuîte îthandûkû rîa Kîrîkanîro Kîam Ngai-Mûnene wa nthî makaathiî marî mbere yenyu. Rîrîa magûrû mao magaakinya manjî, rûnjî rwa Jorodani nîrûgaatiga kûthiî. Manjî marîa maranyûrûrûka makeyûmbanîrîra vandû vamwe.”

Juda 1:25

Ke nîke Ngai mûvonokia wetû. Na njîra ya Mwathani wetû Jesû Kristû, Ke arogîa na riiri, ûnene, ûthamaki na wathani, kuuma Kîammbîrîria, rîu na nginya tene na tene! Ameni.

Kûguû 11:15

Nake Mûraika wa mûgwanja nîwavuvire karumbeta gake. Nakuo îgûrû nîkwagîre na mîgambo mînene yaugaga atîrî, “Ûthamaki wa nthî nîûtuîkîte wa Mwathani wetû na wa Mesaya wake. Nake nîakaathana tene na tene!”

Kûguû 19:1

Vuva wa ûguo, nînegwire mûgambo wekariî ta wa gîkundi kînene Kîam andû marî kûu îgûrû ûkiuga atîrî: “Ngai arokumua! Ûvonokio, riiri, na vinya nî cia Ngai wetû!

1Sam 15:29

Nake Ngai wa Isiraeli ûrîa ûrî riiri ndaveenanagia kana ericûkwe, nîûndû ke ndekariî ta mûndû.”