1Maû 28:13 - ÎVUKU RÎA ÛVORO MWARO

¹³ Nîwamûnengere mûvano wa ûrîa akaavanga athînjîri-Ngai na Alawi nîûndû wa wîra wa gûtungata hekarûrî na kûmenyerera indo cionthe cia hekarû ya Ngai-Mûnene.

1Maû 28:13 ပူးပေါင်းရင်းမြစ်များ

1Maû 23:6

Mûthamaki Daudi nîwagaanirie Alawi ikundi ithatû kûringana na mbarî ciao: mbarî ya Gerishoni, Kohathu na Merari.

1Maû 28:14

Mûthamaki Daudi nîwavecanire mwîgana wa thaavu îrîa îkaavûthîka nîûndû wa indo cia thaavu na mwîgana wa sîlûva nîûndû wa indo mwanya mwanya cia sîlûva,

1Maû 28:21

Athînjîri-Ngai na Alawi nîagaîre wîra wa gûtungata hekarûrî. Aruti wîra arîa marî na wara wa mawîra ma mîthemba yonthe nîmevarîrîtie gûgûtethia kûruta wîra. Anene na andû onthe magaakwathîkîra.”

1Maû 9:29

Na engî nîmaaveetwe wîra wa kûmenyerera itî, metha na indo irîa nyamûre, mûtu, ndivei, maguta, ûbani na mînyamû îrîa înungaga waro.

Ezira 8:33

Mûthenya wa kana nîtwathiîre hekarûrî, na tûkîthima sîlûva, thaavu na mbakûri na thaani na tûkîinenganîra kûrî mûthînjîri-Ngai Meremothi, mûvîcî wa Uria. Meremothi maarî na Eleazaru mûvîcî wa Finehasi, na Alawi aîrî, Jozabadi mûvîcî wa Jeshua na Noadia mûvîcî wa Binui.