1Maû 28:12 - ÎVUKU RÎA ÛVORO MWARO

¹² Nîwamûnengere mûvano wonthe ûrîa warî meciriarî make nîûndû wa ivaaro cia hekarû na tûnyomba tuonthe tûrîa twathiûrûrûkîrîtie hekarû, tûnyomba tûrîa twaigagwa indo cia hekarû na indo irîa ciamûrîrîtwe Ngai-Mûnene.

1Maû 28:12 ပူးပေါင်းရင်းမြစ်များ

1Atha 14:26

Nîwathiîre na indo cionthe irîa ciarî hekarûrî, na irîa ciarî nyombarî ya mûthamaki, wa vamwe na ngo cia thaavu irîa Solomoni aarûthîte.

1Atha 15:15

Nîwaigire hekarûrî indo cionthe irîa îthe aamûrîrîte Ngai-Mûnene, wa vamwe na indo cia thaavu na sîlûva na indo ciîngî irîa ke mwene aamûrîrîte Ngai-Mûnene.

1Atha 15:18

Asa nîwacokire akîruta sîlûva yonthe na thaavu irîa ciatigîtwe hekarûrî na nyombarî ya mûthamaki. Nîwainenganîre kûrî ndungata ciake na agîciîra ivirîre mûthamaki Benihadadi, mûvîcî wa Tabirimoni. Tabirimoni aarî mûvîcî wa Hezioni, mûthamaki wa Sîria, ûrîa watûûraga Damesiki. Nîwerire ndungata icio ciîre Benihadadi atîrî,

1Atha 7:51

Rîrîa Solomoni aarîkirie wîra wonthe wa hekarû, nîwekîrire kuo indo irîa îthe Daudi aamûrîrîte Ngai-Mûnene. Nacio ciarî: sîlûva, thaavu, na indo irîa ciîngî cionthe. Nîwacigire mûthithûrî wa indo cia hekarû.

2Atha 16:8

Ahazi nîwocire sîlûva na thaavu irîa ciarî hekarûrî vamwe na indo cia vata cia nyomba ya mûthamaki na agîitûmana irî kîveo kûrî mûthamaki wa Asîria.

2Atha 18:15

Hezekia nîwatûmîre mûthamaki wa Asîria sîlûva yonthe îrîa yarî hekarûrî na îrîa yarî mûciî kwa mûthamaki.

1Maû 26:20

Alawi acio engî nîmaamenyagîrîra kîgîna Kîam hekarû na nyomba irîa ciaigagwa indo irîa ntheru.

1Maû 28:11

Daudi nîwacokire akînengera mûvîcî Solomoni mûvano wa mwako wonthe wa hekarû, tûnyomba twayo, nyomba cia kwigwa indo, tûnyomba twa îgûrû, tûnyomba twa ndaarî na vandû varîa vatheru Mûno varîa andû mathiîcaga nîguo makarekerwe mevia mao.

1Maû 28:19

Mûthamaki Daudi nîwaugire atîrî, “Maûndû mama monthe nînîmandîkîte nûmîrîrîte ûtaari kuuma kûrî Ngai-Mûnene ke mwene na nîwamvotithirie gûtaûkîrwa nî mûvano ûcio wonthe.”

Ntha 25:40

Menyerera ûrûthe indo icio cionthe kûringana na ûrîa naakwonirie ciîkariî rîrîa warî kîrîmarî.”

Ntha 31:2

“Nînthurîte Bezaleli, mûvîcî wa Uri kuuma mûvîrîgarî wa Juda. Uri aarî mûvîcî wa Huri.

Jeremia 35:2

“Thiî mûciî kwa andû a Rekabu, warie nao na ûmarete nyombarî ya Ngai-Mûnene na ûmatonyie kanyombarî kamwe ka nyomba yakwa na ûmave ndivei manyue.

Ezek 40:2

Na njîra ya kîoneki Ngai-Mûnene nîwambocire akîmbira vûrûrirî wa Isiraeli na akîmbiga vandû îgûrû kîrîmarî kîraca. Mwena wa îveti wa kîrîma kwarî na mîako yonekaga ta îtûûra rînene.

Ezek 40:38

Kîvarorî Kîam mwena wa nja kwarî na kanyomba gaatumîtwe kanyitanîte na gacîra ka gûtonya ka mwena wa ndarî. Mûromo wako waumîrîrîte kanyombarî ka gûtonya kîvarorî. Kanyombarî kau nîkuo kwathambagîrua nyamû irîa ciûragîtwe nîûndû wa magongoona ma kûvîvua.

Ahib 8:5

Wîra ûrîa marutaga ta athînjîri-Ngai, nî mûvuano na kîruru Kîam maûndû marîa marî Îgûrû. Ûguo nwa ta guo gwekariî rîrîa Musa eendaga gûtuma îgema rîtheru. Ngai aamwîrire atîrî, “Menyerera ûthondeke maûndû monthe na njîra ta îrîa wonirue kîrîmarî.”