1Maû 28:11 - ÎVUKU RÎA ÛVORO MWARO

¹¹ Daudi nîwacokire akînengera mûvîcî Solomoni mûvano wa mwako wonthe wa hekarû, tûnyomba twayo, nyomba cia kwigwa indo, tûnyomba twa îgûrû, tûnyomba twa ndaarî na vandû varîa vatheru Mûno varîa andû mathiîcaga nîguo makarekerwe mevia mao.

1Maû 28:11 ပူးပေါင်းရင်းမြစ်များ

1Atha 6:10

Tûnyomba tûu twarî mîenarî yonthe ya nthingo cia hekarû twarî na ûraca na îgûrû wa mita igîrî na inji mîrongo îîrî na twanyitithanîtue kûrî hekarû na mbaû cia mîtarakwe.

1Atha 6:3

Kîthaku kîrîa Kîamrî vau mbere ya vandû varîa vatheru Mûno va nyomba îo Kîamrî na ûraca na îgûrû wa mita inya na nuthu na wariî wa mita kenda, wata ûrîa wariî wa hekarû wegana.

1Maû 28:12

Nîwamûnengere mûvano wonthe ûrîa warî meciriarî make nîûndû wa ivaaro cia hekarû na tûnyomba tuonthe tûrîa twathiûrûrûkîrîtie hekarû, tûnyomba tûrîa twaigagwa indo cia hekarû na indo irîa ciamûrîrîtwe Ngai-Mûnene.

1Maû 28:19

Mûthamaki Daudi nîwaugire atîrî, “Maûndû mama monthe nînîmandîkîte nûmîrîrîte ûtaari kuuma kûrî Ngai-Mûnene ke mwene na nîwamvotithirie gûtaûkîrwa nî mûvano ûcio wonthe.”

2Maû 5:7

Kwoguo athînjîri-Ngai nîmaakuuire îthandûkû rîa kîrîkanîro na makîrîvira hekarûrî makîrîtonyia vandû varîa vatheru mûno varîa vaarûthîtwe nîûndû wa rîo rungu rwa akerubi.

Nehemia 13:5

Eliashibu nîwetîkîrîtie Tobia atûmîre nyomba îmwe nene îrîa mbererî yaigagwa matega ma irio cia mûgûnda, ûbani, indo irîa ciavûthagîrwa hekarûrî, gîcunjî gîa îkûmi Kîam matega ma irio, ndivei, na maguta, indo irîa ciavecagwa Alawi, aini a nyîmbo, na arangîri a ivingo, na athînjîri-Ngai kûringana na Watho.

Ntha 25:40

Menyerera ûrûthe indo icio cionthe kûringana na ûrîa naakwonirie ciîkariî rîrîa warî kîrîmarî.”

Ntha 25:9

Ûrîtume wa vamwe na indo cia gwîkîrwa kuo kûringana na ûrîa ngûkwonia.

Ntha 26:30

Ûgaatuma îgema kûringana na ûrîa wataarîrue ûvoro warîo ûrî kîrîmarî.

Jeremia 35:2

“Thiî mûciî kwa andû a Rekabu, warie nao na ûmarete nyombarî ya Ngai-Mûnene na ûmatonyie kanyombarî kamwe ka nyomba yakwa na ûmave ndivei manyue.

Ezek 40:15

Kuuma mwena wa nja wa rûthingo rwa kîvingo kûthiî mûthiia wa rûthingo rwa kanyomba ka mûthiia ka arangîri warî wa mita mîrongo îîrî na ithano (25).

Luka 21:1

Jesû nîwaroririe na akîona itonga ikîrekia mûvothi wacio kathandûkûrî ka mûvothi.

Ahib 8:5

Wîra ûrîa marutaga ta athînjîri-Ngai, nî mûvuano na kîruru Kîam maûndû marîa marî Îgûrû. Ûguo nwa ta guo gwekariî rîrîa Musa eendaga gûtuma îgema rîtheru. Ngai aamwîrire atîrî, “Menyerera ûthondeke maûndû monthe na njîra ta îrîa wonirue kîrîmarî.”