1Maû 27:33 - ÎVUKU RÎA ÛVORO MWARO

³³ Ahithofeli nîke wataaraga mûthamaki. Nake Hushai wa kuuma Ariki aarî mûrata wa mûthamaki.

1Maû 27:33 ပူးပေါင်းရင်းမြစ်များ

2Sam 15:12

Rîrîa Abusalomu aarutaga magongoona, nîwatûmanîre Ahithofeli, ûrîa wekaraga îtûûrarî rîa Gilo Ahithofeli aarî ûmwe wa andû arîa mataaraga mûthamaki Daudi. Mûvango wa mûgomo nîwathiîre na mbere kûgîa vinya, nao andû arîa maarî mwena wa Abusalomu nîmathiîre na mbere kwongerereka.

2Sam 15:32

Rîrîa Daudi aakinyire îgûrû rîa kîrîma kîu varîa Ngai aagoocagîrwa, nîwatûngirwe nî mûrata wake mwîvokeku na warî njorua ya gwikia mîguî wetagwa Hushai. Hushai eekîrîte nguo îno ndembûkangu na ageîtîrîria mûthetu kîongo.

2Sam 15:37

Kwoguo Hushai, mûrata wa Daudi nîwacokire Jerusalemu wa vîndî îrîa Abusalomu aakinyaga kuo.

2Sam 16:23

Kavindarî kau mataaro monthe marîa Ahithofeli aavecanaga maamûkagîrûa ta ciugo ciumîte kûrî Ngai ke mwene. Ûguo nwaguo Daudi na Abusalomu maamûkagîra mataaro kuuma kûrî Ahithofeli.

2Sam 17:23

Rîrîa Ahithofeli oonire atî mataaro make matinarûmîrîrwa, nîwatûîre mvunda yake na akînûka îtûûrarî rîake. Vuva wa kûvanga maûndû make, nîwacokire agîîita na njîra ya gwîcuuria. Kimba gîake nîgîacokire gîkîthikwa mbîrîrarî ya andû a mûciî wao.

1Atha 4:5

Azaria mûvîcî wa Nathani aarî mûnene wa anene arîa engî. Nake Zabudu, mûvîcî wa Nathani nîke warî mûthînjîri-Ngai na mûtaari wa mûthamaki.

1Maû 27:32

Jonathani, îthe mûnini wa mûthamaki Daudi aarî mûndû warî na ûûgî wa gûtaarana na mûndû warî mûthomu. Ke na Jehieli mûvîcî wa Hakimoni nîo maarî amenyereri a avîcî a mûthamaki.

Thaburi 55:13

Nwatî rîu nîwe, mûnyanyawa, mûrata wakwa, mûrata wakwa mûnene.

Zakaria 13:7

Ngai-Mûnene mwene vinya wonthe augîte atîrî, “We rûviû rwa njûra, ûkîra ûtharîkîre mûrîthi wakwa, ûtharîkîre mûndû ûrîa ûndungatagîra. Ûraga mûrîthi nacio ng'ondu nîikûnyagania; na nîngûtharîkîra irîa nini.