1Maû 27:23 - ÎVUKU RÎA ÛVORO MWARO

²³ Mûthamaki Daudi ndaanatara andû arîa maarî na ûkûrû wa nthî ya mîaka mîrongo îîrî, nîûndû Ngai-Mûnene nîwerîrîte andû a Isiraeli atî nîagaatûma mengîve wata njata cia îgûrû.

1Maû 27:23 ပူးပေါင်းရင်းမြစ်များ

Kîam 15:5

Ngai-Mûnene nîwaumagaririe Aburamu nja na akîmwîra atîrî, “Taroria kûrîa îgûrû na ûgerie gûtara njata wone kana nîûkûvota. Njiarwa ciaku nîikengîva ta njata icio.”

Kîam 22:17

Nama nîngaakûrathima na njiarwa nyîngî ta njata cia îgûrû kana ta mûthanga ûrîa ûrî rûtererî rwa îria. Njiarwa ciaku nîikaavoota nthû ciao.

Kîam 26:4

Nîngaakûva njiarwa nyîngî ta njata irîa irî îgûrû, na njoke nîmave vûrûri ûyû wonthe. Nîigaatuîka kîrathimo kûrî ndûrîrî cionthe cia nthî.

2Sam 24:1

Ngai-Mûnene nîwarakarirue nî Aisiraeli rîngî, na nîwerire Daudi athiî kûrî o nîguo marakare na akîmwîra atîrî, “Thiî na ûtare andû a Isiraeli na a Juda.”

Ndari 1:18

Mûthenya wa mbere wa mweri wa kaîrî, nîmeetire andû onthe vamwe na makîmandîka onthe wa mûndû kûringana na mûvîrîga wake na nyomba yake. Arûme arîa maarî na ûkûrû wa mîaka mîrongo îîrî kûthiî na mbere nîmaatarirwe na makîandîkwa mûtaratara wao onthe,

Ahib 11:12

Wana ethîrwa Iburahimu aarî ta ûyû mûkuû, kuuma kûrî ke nîgwaciarirwe andû maarî eengî ta njata cia îgûrû kana ta mûthanga ûrîa ûtangîtarîka ûrî rûtere rwa îria.