1Maû 27:1 - ÎVUKU RÎA ÛVORO MWARO

¹ Ûyû nîguo mûtaratara wa andû a Isiraeli, atongoria a mîciî, anene a athigari ngiri a mbaara na a magana, na anene arîa maatungataga mûthamaki. Wa mweri, gîkundi Kîam andû ngiri mîrongo îîrî na inya (24,000) nîkîethagîrwa gîgîtungata kîrî rungu rwa mûnene ûrîa wathuurîtwe mweri ûcio.

1Maû 27:1 ပူးပေါင်းရင်းမြစ်များ

2Sam 23:8

Mama nîmo marîîtwa ma athigari a Daudi arîa maarî îgweta: Wa mbere aarî Joshebu-bashebethu wa kuuma Takemoni. Joshebu-bashebethu nîke warî mûnene wa anene arîa engî a athigari a mbaara arîa meecîkene ta “Njamba ithatû”, Joshebu-bashebethu nîwarûire na andû magana manana na akîmaûraga onthe na îtumû rîake.

1Atha 4:27

Anene acio nîmaaviragîra mûthamaki Solomoni irio, na makavirîra andû onthe arîa maatûûraga kwa mûthamaki Solomoni. Wa mûndû aaviraga irio mweri ûmwe na nîmaaviraga indo cionthe irîa ciavataranagia.

1Atha 4:7

Solomoni nîwathuurîte anene îkûmi na aîrî arîa maathanaga Isiraeli kuonthe. Anene acio nîo maavecaga mûthamaki vamwe na andû a nyomba yake irio, na wa mûnene aaviraga irio îvinda rîa mweri ûmwe wa mwaka.

1Atha 5:14

na agîtua Adoniramu mûnene wao. Nîwamagaanirie ikundi ithatû cia andû ngiri îkûmi (10,000), na wa gîkundi gîekaraga kûu Lebanoni îvinda rîa mweri ûmwe na îvinda rîa mîeri îîrî mûciî kwao.

1Maû 11:10

Ûyû nîguo mûtaratara wa athigari a mbaara a Daudi arîa maarî atongoria. Atongoria aya vamwe na andû onthe a Isiraeli nîmaanyitire ûthamaki wa Daudi mbaru na makîmûtethia gûtuîka mûthamaki ûrî na vinya kûringana na ûrîa Ngai-Mûnene eeranîrîte.

1Maû 13:1

Daudi nîwaranîrie na anene a athigari ngiri, îgana na mûndû wa wonthe warî mûtongoria.

1Maû 26:32

Jeria aarî na andû ao ngiri igîrî na magana mûgwanja (2,700) maarî na ûvoti na maarî atongoria a mbarî cia methe mao. Mûthamaki Daudi nîwamatuire anene a andû a mûvîrîga wa Reubeni, Gadi, na nuthu ya mûvîrîga wa Manase îrîa îrî mwena wa îrathîro rîa rûnjî rwa Jorodani. Aamatwire anene maûndûrî megiî ûvoro wa Ngai na wa maûndû ma vûrûri.

1Maû 27:2

Jashobeamu mûvîcî wa Zabudieli nîke warî mûnene wa gîkundi Kîam mbere, mweri wa mbere kîrî na andû ngiri mîrongo îîrî na inya (24,000).

1Maû 28:1

Mûthamaki Daudi nîwathanire anene onthe a Isiraeli magomane Jerusalemu. Nao anene onthe a mîvîrîga, anene a ikundi cia andû arîa maarutaga wîra wa mûthamaki, anene a athigari ngiri îmwe, anene a athigari îgana, atongoria arîa maamenyagîrîra indo na ndîthia ya mûthamaki, avîcî ake, anene a mûciî wa mûthamaki na athigari na andû arîa maarî îgweta nîmaagomanire Jerusalemu.

1Maû 29:6

Atongoria a mbarî, anene a mîvîrîga, anene a athigari ngiri a mbaara, magana na arûngamîrîri a wîra wa mûthamaki nîmaarutire indo ciao na njîra ya kwîyendera.

2Maû 1:2

Mûthamaki Solomoni nîwetire anene onthe a athigari arîa maarûngamagîrîra athigari ngiri îmwe, magana, na anene, atongoria onthe a Isiraeli na atongoria a mbarî cionthe cia mîvîrîga ya Isiraeli.

Ntha 18:25

na nîwathuurire andû maarî na ûvoti kuuma gatagatî ka andû onthe a Isiraeli. Ke nîwamatwire atongoria, mathage ikundi cia andû ngiri, îgana, mîrongo îtano na engî makûmi.

Mika 5:2

Ngai-Mûnene augîte atîrî, “We Bethilehemu Efiratha, nîwe îtûûra rîrîa rînini mûno Juda. Nwatî mûndû ûrîa ûkaathana Isiraeli vandûrî vakwa akaauma kûrî we, na nîwa njiarwa cia methe ma tene.”

Gûco 1:15

Kwoguo nînoocire andû acio mwathuurîte aûgî na mecîkene kuuma mîvîrîgarî yenyu, na ngîmatua atongoria enyu. Amwe naamatuire atongoria a andû makiri, amwe atongoria a andû magana, na engî atongoria a ikundi cia andû mîrongo îtano na engî atongoria a makûmi ma andû. Na nînathuurire atongoria engî mîvîrîgarî yonthe yenyu.

Josh 23:1

Vuva wa kavinda karaca Ngai-Mûnene nîwavere andû a Isiraeli thayû wa gwîkara matakûrûa na nthû irîa ciamathiûrûrûkîrîtie. Vîndî îo Joshua aarî mûkûrû mûno.

1Sam 8:12

Amwe ao nîakaamatua athani a athigari ngiri îmwe, nao engî amatue athani a athigari mîrongo îtano. Nao arîa engî nîakaamatua arîmi a mîgûnda yake, magîkethaga maketha make. Nî gûkethîrwa kûrî na anake engî arîa makethîrwa marî a kûthondekagîra mûthamaki indo ciake cia mbaara, na cia ikaari ciake cia mbaara.