1Maû 26:26 - ÎVUKU RÎA ÛVORO MWARO

²⁶ Shelomothi na andû a mûciî wao nîo maarî amenyereri a indo cionthe irîa ciamûrîrîtwe hekarû nî mûthamaki Daudi, na atongoria a mîciî, anene a athigari ngiri îmwe (1,000) anene a athigari îgana rîmwe (100) na anene engî a athigari.

1Maû 26:26 ပူးပေါင်းရင်းမြစ်များ

2Sam 8:11

Mûthamaki Daudi nîwamûrîre Ngai-Mûnene indo icio, wa vamwe na sîlûva na thaavu irîa aarutire mavûrûrirî marîa aavootete, nîguo itûmagîrwe vîndî îrîa Ngai-Mûnene akûgoocwa.

1Maû 18:11

Mûthamaki Daudi nîwamûrire indo icio ituîke cia Ngai-Mûnene. Aaciamûrire irî vamwe na sîlûva na thaavu îrîa aarutîte mavûrûrirî marîa aavootete. Mavûrûri mau nî: Edomu, Moabu, Aamoni, Filisiti na Amaleki.

1Maû 22:14

Nîmvotete gûcaria indo cia gûtuma hekarû ya Ngai-Mûnene na thîna mwîngî. Nîmbigithîtie makîria ma tani ngiri ithatû na magana mana cia thaavu (3,400), na tani ngiri mîrongo îthatû na inya (34,000) cia sîlûva, gîcango na cuuma itarî nthime nîûndû nî nyîngî mûno. Kûrî na mbaû na mathiga mbigîte, nwatî nwanginya ûgaaciongerera.

1Maû 26:25

Mûrwang'ina wa Gerishomu aarî Eliezeri. Eliezeri aarî îthe wa Rehabia, Rehabia aarî îthe wa Jeshaia, Jeshaia aarî îthe wa Joramu, Joramu aarî îthe wa Zikiri na Zikiri aarî îthe wa Shelomothi.

1Maû 26:27

Nîmoocire indo imwe cia irîa maatavîte mbaararî na magîciamûra nîûndû wa kûmenyerera hekarû ya Ngai-Mûnene.

1Maû 28:21

Athînjîri-Ngai na Alawi nîagaîre wîra wa gûtungata hekarûrî. Aruti wîra arîa marî na wara wa mawîra ma mîthemba yonthe nîmevarîrîtie gûgûtethia kûruta wîra. Anene na andû onthe magaakwathîkîra.”

1Maû 9:14

Ûyû nîguo mûtaratara wa Alawi arîa maatûûraga Jerusalemu, nao nî: Shemaia mûvîcî wa Hashubu ûrîa warî mûvîcî wa Azirikamu. Azirikamu mûvîcî wa Hashabia, Hashabia aarî wa rûciaro rwa Merari.

2Maû 23:8

Alawi na andû onthe a Juda nîmeekire maûndû monthe wata ûrîa maathirwe nî mûthînjîri-Ngai Jehoiada. Wa mûndû nîwaretire andû ake arîa maaumaga wîrarî mûthenya na arîa maatonyaga wîrarî mûthenya wa thavatû, nîûndû Jehoiada, mûthînjîri-Ngai ndaamarekereria mathiî.

2Maû 31:2

Mûthamaki Hezekia nîwavangire athînjîri-Ngai na Alawi ikundi mwanya na akîgaîra wa mûndû wîra wa kûruta hekarûrî. Wîra ûcio warî ta wa kûruta matega ma kûvîvua na matega ma thayû, gûtungata ûgoocirî wa Ngai, gûcokia ngatho na gûkumia Ngai-Mûnene.

Ezira 2:42

Arangîri a hekarû (njiarwa cia Sahalumu, Ateri, Talimoni, Akubu, Hatita, na Shobai) maarî andû îgana rîmwe rîa mîrongo îthatû na kenda (139).

Nehemia 12:45

nîûndû nîmaathondekire magongoona ma kwîtheria na mengî marîa Ngai wao aathanîte. Aini a nyîmbo na arangîri a ivingo wanao nîmaarutire mawîra mao kûringana na ûrîa Daudi na mûvîcî Solomoni maathanîte.